ICC ranking - 10-ஆம் இடத்திற்கு தள்ளப்பட்டார் விராட் கோலி...

மேற்கிந்திய தீவுகளுக்கு எதிரான டி20 தொடரில் சிறப்பான ஆட்டத்தை வெளிப்படத்திய விராட் கோலி, ‘டி20 ஆண்கள் தரவரிசை’ பட்டியலில் 10-ஆம் இடத்தை பிடித்துள்ளார்.

நீண்ட இடைவெளிக்கு பின்னர் விராட் கோலி இந்த இடத்திற்கு மீண்டும் திரும்பியுள்ளார். மேற்கிந்திய தீவுகளுக்கு எதிரான தொடரின் முதல் போட்டியில் 94(50), இரண்டாம் போட்டியில் 19(17) மற்றும் மூன்றாம் போட்டியில் 70*(29) ரன்கள் குவித்தார். இதன் மூலம் தற்போது டி20 போட்டிங் தரவரிசை பட்டியலில் விராட் கோலி 685 புள்ளிகளுடன் 10-ஆம் இடத்திற்கு முன்னேறியுள்ளார்.

இப்பட்டியிலில் விராட் கோலி 10-ஆம் இடத்தில் இருக்கும் போதிலும், 2019-ஆம் ஆண்டின் சிறந்த பேட்ஸ்மேனாக அவர் தேர்ந்தெடுக்கப்பட்டுள்ளார். குறைந்த போட்டிகளில் சிறப்பான விளையாட்டை வெளிப்படுத்தியுள்ள விராட் கோலி, மற்ற பேட்ஸ்மேன்களுக்கு ஒரு எடுத்துகாட்டாய் இருக்கின்றார்.

இபட்டியலில் விராட் கோலியை தவிர இந்திய வீரர்கள் லோகஷ் ராகுல் (734 புள்ளிகளுடன் 6-ஆம் இடத்தில்), ரோகித் சர்மா (686 புள்ளிகளுடன் 9-ஆம் இடத்திலும்) உள்ளனர்.

சர்வதேச வீரர்களை பொறுத்தவரையில் முதல் இடத்தில் பாகிஸ்தான் அணியின் பாபர் ஆசம் (879 புள்ளிகள்), இரண்டாம் இடத்தில் அரோன் பின்ச் (810 புள்ளிகள்), மூன்றாம் இடத்தில் டேவிட் மெளன் (782 புள்ளிகள்) உள்ளனர்.

பந்துவீச்சாளர்களை பொறுத்தவரையில் இந்திய வீரர்கள் தங்கள் ரசிகர்களை ஏமாற்றத்தில் ஆழ்த்தியுள்ளனர். முதல் 10 இடங்களில் ஒரு இந்திய பந்துவீச்சாளரும் இடம்பெறவில்லை என்பது வேதனை. அதோப்போல் ஆல்-ரவுன்டருக்கான பட்டியலில் இந்திய வீரர்கள் யவரும் முதல் 10 இடங்களில் இடம்பெறவில்லை என்பதும் குறிப்பிடத்தக்கது.

டி20 போட்டிகளை தவிர டெஸ்ட் மற்றும் ஒருநாள் தரவரிசை பட்டியலில் விராட் கோலி தொடர்ந்து முதல் இடத்தில் நீடிக்கின்றார்.