பாமகவில் இணையும் ஆதவ் அர்ஜுனா? வெளியான லேட்டஸ்ட் தகவல்!

திருவண்ணாமலை மாவட்டத்தில் பாட்டாளி மக்கள் கட்சியின் சார்பில் நடைபெற உள்ள தமிழ்நாடு உழவர் பேரியக்க மாநில மாநாடு குறித்து திருவள்ளூர் ஒருங்கிணைந்த மாவட்ட பாமகவின் பொதுக்குழு கூட்டம் மாவட்ட செயலாளர் தினேஷ்குமார் தலைமையில் நடைபெற்றது. பாட்டாளி மக்கள் கட்சியின் மாநில இளைஞர் சங்க செயலாளர் பாலா என்கிற பால யோகி மாவட்ட இளைஞரணி பொறுப்பாளர் வெங்கடேசன் ஆகியோர் முன்னிலையில் நடைபெற்ற பொதுக்குழு கூட்டத்தில் பாட்டாளி மக்கள் கட்சியின் கௌரவ தலைவர் ஜி கே மணி கலந்து கொண்டு உழவர் உழவர் மாநாட்டிற்கு ஒன்றியங்கள் வாரியாக எவ்வளவு பேர் கலந்து கொள்ள உள்ளனர் என்பதை குறித்து கேட்டறிந்தார். மேலும் இந்த பொதுக்குழுவில் வன்னியர்களுக்கு 10.5 சதவீதம் இட ஒதுக்கீட்டை தமிழக அரசு உடனடியாக நிறைவேற்ற வேண்டும், சாதிவாரி கணக்கெடுப்பை நடத்த வேண்டும், வெங்கத்தூர் ஊராட்சியை திருவள்ளூர் நகராட்சியுடன் இணைக்கும் முயற்சியை கைவிட வேண்டும், தமிழ்நாட்டில் உள்ளாட்சித் தேர்தலை விரைவாக நடத்த தமிழ்நாடு அரசு நடவடிக்கை மேற்கொள்ள வேண்டும் உள்ளிட்ட தீர்மானங்கள் ஒருமனதாக நிறைவேற்றப்பட்டது.

பின்னர் செய்தியாளர்களை சந்தித்த பாமக கௌரவ தலைவர் ஜி கே மணி, பாமக நிறுவனத் தலைவர் நீர் மேலாண்மை குறித்து சொல்வது போல் செய்திருந்தால் இன்று ஆறுகளின் வழியாக உபரி நீர் வீணாக சென்றிருக்காது. கடுமையான வெள்ள சேதம் ஏற்பட்ட இடங்களில் திருவள்ளூர், காஞ்சிபுரம், கடலூர், விழுப்புரம், திருவண்ணாமலை, கள்ளக்குறிச்சி உள்ளிட்ட மாவட்டங்களுக்கு குடும்பத்திற்கு 2000 மட்டுமே அறிவித்திருப்பது பெரிய அநீதி. தெற்கே தூத்துக்குடி, கன்னியாகுமரி, தென்காசி போன்ற இடங்களில் வெள்ள சேதம் ஏற்பட்ட போது 6000 ரூபாய் கொடுத்த தமிழ்நாடு அரசு தற்போது வட மாவட்டங்களில் 2000 மட்டுமே நிதி உதவி வழங்குவது ஏற்படுவது அல்ல. ஏற்பட்ட பயிர் சேதங்களை கணக்கிட்டு உரிய நிதி வழங்க வேண்டும். திருவள்ளூர், திருவண்ணாமலை, சேலம், கடலூர், கோயம்புத்தூர் போன்ற பெரிய மாவட்டங்களை நிர்வாக காரணங்களுக்காக இரண்டாக பிரிக்க வேண்டும்.

திருவள்ளூர் மாவட்டத்தில் உள்ள தொழிற்சாலைகளில் சொந்த மாவட்டங்களைச் சேர்ந்த இளைஞர்களுக்கு வேலைவாய்ப்பு வழங்காமல் வெளிமாநில இளைஞர்களுக்கு வேலைவாய்ப்பு வழங்குவது கண்டனத்துக்குரியது. 80 விழுக்காடு தமிழ்நாடு மற்றும் சொந்த மாவட்டங்களை சேர்ந்தவர்களுக்கு வேலை வாய்ப்புகளை நிறுவனங்கள் வழங்க வேண்டும். தொழிலாளர் சட்டத்தை நடைமுறைப்படுத்தி ஒப்பந்த ஊழியர்களின் நிரந்தர ஊழியர்களாக மாற்ற வேண்டும். திருவள்ளூர் மருத்துவக் கல்லூரியில் உள்ள செவிலியர் பற்றாக்குறையை நீக்க வேண்டும் மற்றும் அரசு துறைகளில் உள்ள காலிப் பணியிடங்களை நிரப்ப வேண்டும். அரசு ஊழியர்கள் மற்றும் ஆசிரியர்களை நீண்ட நாள் கோரிக்கை புதிய ஓய்வூதிய திட்டத்தை கைவிட்டு புதிய பழைய ஓய்வூதிய திட்டத்தை கொண்டு வர வேண்டும் என்ற கோரிக்கையை அரசு நிறைவேற்ற முன்வர வேண்டும்.  

விஜய் கட்சி ஆரம்பித்ததால் மற்ற கட்சிகள் வேகமாக வேலை செய்கிறது என கூறப்படுவது தவறான கருத்தாகும். தேர்தல் 2026 இல் வர உள்ளதை எடுத்து அனைத்து கட்சிகளும் எப்பொழுதும் இதுபோன்ற வேகமாக தான் வேலை செய்யும். 28 ஆம் தேதி பாமக சார்பில் நடைபெறும் பொது குழுவில் கூட்டணி குறித்து அறிவிக்கப்படும்.  தமிழ்நாடு முதலமைச்சரின் பேச்சு பாமக நிர்வாகிகளை மிகவும் புண்படுத்தி இருக்கிறது. விசிக்காவில் இருந்து விலகிய ஆதவ் அர்ஜுனா பாமகவிற்கு வருவதாக இருந்தால் பாமக பரிசீலிக்கும் எனவும் கௌரவத் தலைவர் ஜி கே மணி பேட்டி. இந்த பொதுக்குழு கூட்டத்தில் பாமக கட்சியை சேர்ந்த 500க்கும் மேற்பட்டோர் கலந்து கொண்டனர்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!