Thalapathy Vijay`s First Political Speech Live: தவெக முதல் மாநாட்டில் பேசும் விஜய்!! என்ன சொல்கிறார் பாருங்கள்..
TVK Conference Live Updates: நடிகர் விஜய்யின் தமிழக வெற்றி கழகத்தின் முதல் மாநில மாநாட்டை நாடே உற்றுநோக்கி வருகிறது. இந்த மாநாடு குறித்த அனைத்து தகவல்களையும் இங்கு உடனுக்குடன் தெரிந்துகொள்ளலாம்.
Thalapathy Vijay TVK Conference Live Updates: நடிகர் விஜய்யின் தமிழக வெற்றிக் கழகத்தின் முதல் மாநில மாநாடு, விழுப்புரம் மாவட்டத்தில் உள்ள விக்கிராவாண்டியை அடுத்த வி.சாலையில் இன்று நடைபெறுகிறது. சுமார் 85 ஏக்கர் பரப்பரளவில் இந்த மாநாடு திடல் அமைந்துள்ளது. மொத்தம் 80 ஆயிரம் பேருக்கு அங்கு இருக்கைகள் ஏற்பாடு செய்யப்பட்டுள்ளதாக கூறப்படுகிறது. இருப்பினும் சுமார் 3 லட்சம் அளவில் தொண்டர்கள் அங்கு குவிய இருக்கிறார்கள் என எதிர்பார்க்கப்படுகிறது.
இன்றைய மாநாடு (TVK Conference) மாலை 4 மணியளவில் தொடங்கும் என கூறப்படுகிறது. மாநாட்டு மேடை அருகே இருக்கும் 100 அடி உயர கம்பத்தில் கட்சியின் கொடியை தவெக தலைவர் விஜய் (TVK President Vijay) ஏற்றிவைக்க உள்ளார். அதை தொடர்ந்து, மாலை 6 மணியளவில் நடிகர் விஜய் தனது உரையை தொடங்குவார் எனவும் கூறப்படுகிறது. இந்த உரையில் கட்சியின் கொள்கையை அவர் பிரகடனப்படுத்துவார் என எதிர்பார்க்கப்படுகிறது. அதுமிட்டுமின்றி கட்சியின் எதிர்கால திட்டமிடல், அரசியல் வியூகம் ஆகியவற்றையும் அவர் தனது உரையில் தெரிவிப்பார் என எதிர்பார்க்கப்படுகிறது.
அந்த வகையில், விஜய்யின் அரசியல் பயணத்தில் இன்று முக்கியமான நாள் எனலாம். அவரின் அரசியல் வாழ்வு எப்படி அமையப்போகிறது என்பதை இந்த மாநாடும், அவரது பேச்சும்தான் தீர்மானிக்கப்போகின்றன. அரசியல் களத்தில் அவர் மீதான எதிர்பார்ப்புகள், அவர் குறித்த பார்வைகள் அனைத்தும் இந்த மாநாட்டிற்கு பின் நிச்சயம் மாற்றம் அடையும், அது நேர்மறையாகவும் இருக்கலாம் எதிர்மறையாகவும் மாறலாம். விஜய் சுமார் 2 மணிநேரம் பேசுவார் என எதிர்பார்க்கப்படுகிறது. விஜய்யின் இந்த பேச்சையும், அரசியல் வீச்சையும் காண அவரது ரசிகர்கள், தொண்டர்கள், பொதுமக்கள் மாநில முழுவதும் இருந்து வி.சாலை மாநாட்டு திடல் நோக்கி இரவு முதலே வருகை தர தொடங்கிவிட்டனர்.
விஜய்யின் தமிழக வெற்றி கழகத்தின் (Tamilaga Vetri Kazhagam) முதல் மாநில மாநாட்டை நாடே உற்றுநோக்கி வருகிறது. இந்த மாநாடு குறித்த அனைத்து தகவல்களையும், செய்திகளையும் இங்கு உடனுக்குடன் தெரிந்துகொள்ள வாசகர்கள் இந்த பக்கத்துடனே இணைந்திருங்கள்.
இவற்றையும் படிங்க:
தவெக மாநாட்டில் விஜய் பேசப்போகும் 5 முக்கியமான விஷயங்கள்..!
களைக்கட்டும் தவெக மாநாட்டு அரங்கம்!! இந்த விஷயங்களை கவனிச்சீங்களா?
தமிழக வெற்றிக் கழகத்தின் மாநாட்டில் வீர தமிழச்சியின் கட் அவுட்! யார் இந்த அஞ்சலை அம்மாள்?
விஜய் மாநாட்டு திடலில் பிரம்மாண்டமான பார்க்கிங் ஏற்பாடுகள்
தமிழக வெற்றிக் கழக மாநாடு நடக்கும் இடத்தின் ட்ரோன் காட்சிகள்
ரொம்ப ஆர்வமா இருக்கோம் - தவெக மாநாட்டுக்கு வந்த பெண் உற்சாகம்!!
Latest Updates
விஜய் சொன்ன கொள்கை ஹைலைட்ஸ்
பெண்கள், குழந்தைகள், பெரியவர்கள் பாதுகாப்பு-தனி இலாகா
ஏற்றத்தாழ்வு இல்லாத கல்வி, மருத்துவம், குடிநீர் வசதி
பொருளாதார சமத்துவம்-சாதிவாரி கணக்கெடுப்பு
அரசியல் அணுகுண்டு. ஆட்சி அதிகாரத்தில் பங்களிப்பு- அதிகாரப்பகிர்வு.
2026 ஆண்டு அரசியல் களத்தின் புதிய புத்தாண்டு
அன்று கூத்து இன்று சினிமா. எம்.ஜி.ஆர், என்.டி.ஆர் சினிமாவிற்கு வந்தபோதும் கூத்தாடி என்றுதான் கூறினர். அப்படித்தான் என்னையும் கூறுகின்றனர். -விஜய்
“உறவா நட்பா, உங்கள் வீட்டில் ஒருவனாக இருப்பேன். எல்லாருக்கும் எல்லாமும் கிடைக்கனும். வாழ வீடு, வயித்துக்கு சோறு, வருமானத்துக்கு வேல, இதுதான் எங்க அஜெண்டா” விஜய்
திராவிட மாடல் ஆட்சி எனக்கூறி மக்களை ஏமாற்றுகிறீர்கள்!
விஜய் பேச்சு:
உங்களில் ஒருவனாக இருந்து உழைக்க வேண்டும். ஒரு முடிவோடுதான் வந்திருக்கேன் இனிமே நோ லுக்கிங் பேக்.
கொள்ளையடிக்க வந்த கூட்டம் இல்லை, குடும்பமாக வந்த கூட்டம் இல்லை, சொசைட்டிக்காக அரசியல் வாளேந்தி வந்திருக்கும் கூட்டம் எங்களுடையது.
அவர்கள் பாசிசம்னா நீங்க என்ன பாயாசமா? மக்கள் விரோத ஆட்சியை திராவிட மாடல் ஆட்சி எனக்கூறி மக்களை ஏமாற்றுகிறீர்கள்.
விஜய் பேச்சு:
எடுத்து வைக்கும் ஒவ்வொரு அடியிலும் யோசனையும் நிதானமும் இருக்க வேண்டும். அரசியல்தான் நம் எதிரிகள் யாரென்று சொல்லும்.
சரியான நிலைப்பாட்டில் இருந்தாலே எதிரிகள் நம் எதிரில் வந்து நிற்க ஆரம்பித்து விடுவர்.
முகமூடி போட்ட கரப்ஷன் கபடதாரிகள்தான் இப்போது நம்மை ஆண்டுகொண்டு இருக்கிறன்றனர்.
இங்க சாதி இருக்கும், ஆனால் சைலண்டாதான் இருக்கும்.
மகத்தான அரசியல் என்பது மக்களுக்கான அரசியல்.
விஜய் பேச்சு:
ஒன்றே குலம் ஒருவனே தேவன் என்பதுதான் எங்கள் நிலைப்பாடு. எந்த மதத்திற்கும் எதிரானவர்கள் அல்ல. பெரியாருக்கு பிறகு எங்கள் கொள்கை தலைவர், காமராஜர்.
அண்ணல் அம்பேத்கர், இவர் பெயரை கேட்டாலே ஏற்றத்தாழ்வுகளை ஏற்படுத்துபவர்கள் நடுங்கி போவார்கள். அவரும் எங்கள் வழிகாட்டி தலைவர்.
வேலு நாச்சியார்: சொந்த வாழ்க்கையின் சோகங்களை மறந்து போர்க்களம் புகுந்தவர்
மண் பின்தங்கி விடக்கூடாது என்பதற்காக பாடுப்பட்ட அஞ்சலையம்மால். சொல் முக்கியம் அல்ல. செயல்தான் முக்கியம்.
“அவர்களே இவர்களே என பேச விரும்பமில்லை. நான்-நீ என அனைவருமே இங்கு சமம்தான்!” முதல் பேச்சிலேயே போட்டுத்தாக்கிய விஜய்
தவெக கட்சியின் முதல் மாநாட்டில் பேசிய விஜய்!!
தாய், குழந்தை, பாம்பு உவமைகளை வைத்து பேச்சை ஆரம்பித்த விஜய். பாம்பாக இருந்தாலும் பாலிட்டிக்ஸாக இருந்தாலும் ஒரு கை பார்த்துவிட வேண்டும் என்ற நோக்கத்தோடு இங்கு நிற்பதாக அவர் பேசியிருக்கிறார்.
தமிழக வெற்றிக்கழகத்தின் கொள்கைப்பாடல் வெளியீடு!!
தவெக கட்சியின் கொள்கை பாடல் வெளியிடப்பட்டிருக்கிறது. இதில் விஜய்யின் வாய்ஸும் வருகிறது.
தவெக கொடியினை ஏற்றி வைத்தார் விஜய்!
தவெக மாநாட்டில், 101 அடி கொடிக் கம்பத்தில் தவெக கொடியினை ஏற்றி வைத்தார் விஜய். தவெக மாநாட்டுக்கு அதிகளவில் தொண்டர்கள் வந்துக் கொண்டிருப்பதால் விக்கிரவாண்டி சுங்கச்சாவடியில் கடும் போக்குவரத்து நெரிசல்.
தவெக மாநாட்டால் 10 முதல் 15 கி.மீ. தூரத்திற்கு ஸ்தம்பித்த போக்குவரத்து வி.சாலை பகுதியில் இருந்து முண்டியம்பாக்கம் வரை 10 கிலோ மீட்டர் தொலைவிற்கு அணிவகுத்து நிற்கும் வாகனங்கள்
வாகனத்தில் இருந்து கீழே கூட இறங்க முடியாமல், உள்ளேயே காத்திருக்கும் தவெக தொண்டர்கள். பொது போக்குவரத்து வாகனங்கள் மாற்றுப்பாதையில் திருப்பி விடப்பட்ட நிலையில் மாநாட்டிற்கு வந்த வாகனங்கள் மட்டும் 10 கி.மீ.க்கு காத்திருக்கின்றன. லட்சக்கணக்கான தொண்டர்கள் மாநாட்டு திடலில் உள்ள நிலையில், இன்னும் மக்கள் தொடர்ச்சியாக வந்து கொண்டிருப்பதால் எண்ணிக்கை மேலும் அதிகரிக்கும் என தகவல்.
TVK Conference: மேடையில் மாஸ் என்ட்ரி
TVK Conference: மேடைக்கு வந்தார் விஜய்
தவெக மாநாட்டு மேடைக்கு வருகை தந்தார் அக்கட்சியின் தலைவர் விஜய்... மேடையில் இருந்து தொண்டர்களை நோக்கி கையசைத்தபடியே, 80 அடி நீளத்திற்கு அமைக்கப்பட்டுள்ள ரேம்ப்-இல் விஜய் நடந்துசென்றார்.
TVK Conference: 19 தீர்மானங்கள்
இன்றைய தவெக மாநாட்டில் மொத்தம் 19 தீர்மானங்கள் நிறைவேற்றப்படலாம் என தகவல்கள் வெளியாகி உள்ளது. நீட் விலக்கு, தமிழர் உரிமை, ஒரே நாடு ஒரே தேர்தலுக்கு எதிர்ப்பு உள்ளிட்டவை அதில் இடம்பெறலாம் எனவும் தகவல்கள் தெரிவிக்கின்றன. தற்போது மேடையில் கலைநிகழ்ச்சிகள் நடைபெற்று வருகின்றன.
TVK Conference: தொடங்கியது தவெக மாநாடு
விழுப்புரம் வி.சாலையில் தமிழக வெற்றிக் கழகத்தின் முதல் மாநில மாநாடு தற்போது தொடங்கியது. இன்னும் சற்று நேரத்தில் விஜய் மேடைக்கு வர உள்ளார் என கூறப்படுகிறது. அவர் 80 அடி நீளத்திற்கு அமைக்கப்பட்டுள்ள ரேம்ப்-இல் நடந்து வந்து 100 அடி உயர கம்பத்தில் அக்கட்சியின் கொடியை ரிமோட் மூலம் ஏற்ற உள்ளார் எனவும் கூறப்படுகிறது.
TVK Conference: விஜய்க்கு வாழ்த்துகள் - உதயநிதி
தமிழக வெற்றிக் கழகம் தலைவர் விஜய்க்கு வாழ்த்த தெரிவித்தார், துணை முதல்வர் உதயநிதி ஸ்டாலின். மேலும் தான் தயாரித்த முதல் படமே விஜய் படம்தான் எனவும் விஜய்யின் அரசியல் சித்தாந்தம் பற்றி எனக்கு எப்படி தெரியும் எனவும் செய்தியாளர்களின் கேள்விகளுக்கு உதயநிதி ஸ்டாலின் பதிலளித்தார்.
TVK Conference: மாநாட்டு திடலுக்கு வந்தார் விஜய்
தவெக மாநாடு நடைபெறும் திடலுக்கு அக்கட்சியின் தலைவர் விஜய் வருகை தந்தார். அங்கு நிர்வாகிகளுடன் ஆலோசனை மேற்கொண்ட விஜய், கலை நிகழ்ச்சிகளை விரைவாக தொடங்கும்படி அறிவுறுத்தியதாக தகவல்கள் வெளியாகி உள்ளன.
TVK Conference: மாலை 3 மணி முதல்...
தவெக மாநாட்டு நிகழ்வுகள் இன்று மாலை 4 மணிக்கு தொடங்கும் என முன்னர் அறிவிக்கப்பட்ட நிலையில், தற்போது மாலை 3 மணிக்கு மாநாட்டு நிகழ்வுகள் துவங்கும் என அறிவிக்கப்பட்டுள்ளது.
TVK Conference: 10 லட்சம் பேர் வர வாய்ப்பு
தற்போதே சுமார் 3 லட்சம் பேர் வி.சாலையில் உள்ள மாநாட்டு திடலுக்கு வருகை தந்துவிட்டதாக தகவல்கள் கிடைத்துள்ளன. இதனால் மாலை மாநாடு தொடங்கும்போது சுமார் 10 லட்சம் பேர் வரை
TVK Conference: புதுச்சேரியில் விஜய்...?
தவெக தலைவர் விஜய் நேற்றே வி.சாலையில் உள்ள மாநாட்டு திடலுக்கு வந்துவிட்டார் என தகவல் வெளியானது. ஆனால், விஜய் நேற்றிரவு புதுச்சேரியில் இருந்ததாகவும், இன்று காலையில்தான் அங்கிருந்து அவர் புறப்படுகிறார் என்றும் தகவல்கள் தெரிவிக்கின்றன.
TVK Conference: மாநாட்டுக்கு புறப்பட்ட ஒருவர் பலி
சென்னை தேனாம்பேட்டை அருகே பைக்கில் சென்றுகொண்டிருந்தபோது மணல் ஏற்றிவந்த லாரி மோதியதில் விபத்து, இளைஞர் சம்பவ இடத்திலேயே உயிரிழப்பு.
TVK Conference: சுங்கக்கட்டணம் கிடையாது
தவெக மாநாடு நடைபெற உள்ள வி.சாலை அருகே உள்ள விக்கிரவாண்டி சுங்கச்சாவடியில் அக்கட்சி தொண்டர்கள் வரும் வாகனங்களுக்கு சுங்கக்கட்டணம் வசூலிக்கப்படாமல் இலவச அனுமதி வழங்கப்பட்டுள்ளது. சுங்கச்சாவடியின் கடைசி பகுதி தவெக தொண்டர்களின் வாகனத்திற்காக ஒதுக்கப்பட்டுள்ளது. இதுகுறித்து தவெக கோரிக்கை விடுத்திருந்ததாகவும் தகவல் வந்துள்ளது.
TVK Conference: இன்று புதிய பாடல் வெளியீடு
தமிழக வெற்றிக் கழகத்தின் புதிய பாடலை அதன் தலைவர் விஜய் இன்று மாநாட்டில் வெளியிட இருக்கிறார். 'தமிழக வெற்றிக் கழகம், தமிழ்நாட்டின் வெற்றி திலகம்', 'மண்ணை உயர்த்திட, மக்களை உயர்த்திட இவன் வந்தான்', 'எல்லாருக்கும் எல்லாருக்கும் நல்லா இருக்கும், அண்ணன் வந்து ஆட்சி செஞ்சா..!' போன்ற வரிகள் இடம்பெற்றிருப்பதாக தகவல் வெளியாகி உள்ளது.
TVK Conference: குழந்தைகள், சிறுவர்களை அழைத்து வர வேண்டாம்
தவெக மாநாட்டில் பங்கேற்கும் தொண்டர்களுக்கு அக்கட்சியின் தலைவர் விஜய் ஏற்கெனவே பல்வேறு முறை அறிவுரை வழங்கிய நிலையில், தற்போது மீண்டும் ஒரு அறிவுரையை வழங்கி உள்ளதாக தகவல்கள் வெளியாகி உள்ளன. தொண்டர்கள் குழந்தைகள், சிறுவர்களை அழைத்து வர வேண்டாம் என தற்போது அறிவுறுத்தி உள்ளார். முன்னரே, கர்ப்பிணிகள், முதியோர்கள் மாநாட்டுக்கு வருவதை தவிர்த்து வீட்டில் இருந்தபடியே ஊடகங்கள் வாயிலாக பார்க்க அவர் அறிவுறுத்தியிருந்தார். தொடர்ந்து, நேற்று வெளியிட்ட கடிதத்தில் தொண்டர்கள் இருச்சக்கர வாகனத்தில் வருவதை தவிர்க்கும்படியும் அறிவுறுத்தியிருந்தார்.
TVK Conference: தொண்டர்களுக்கு சான்றிதழ்
தவெக மாநாட்டில் பங்கேற்றதற்கான E-certificate-ஐ தொண்டர்கள் முகப்பில் உள்ள QR Code-ஐ ஸ்கேன் செய்து அதனை பதிவிறக்கம் செய்து கொள்ளலாம்.
TVK Conference: தடுப்புகளை தாண்டிய தொண்டர்கள்
திடலுக்குள் அனுமதி இல்லாத நிலையில், தடுப்புகளை உடைத்துக்கொண்டும், அதனை தாண்டி எகிறி குதித்தும் நூற்றுக்கணக்கான தொண்டர்கள் திடலுக்குள் சென்றதாக தகவல் வெளியாகி உள்ளது.
TVK Conference: தொண்டர்களுக்கு எப்போது திடலுக்குள் அனுமதி?
நெல்லை, நீலகிரி, தென்காசி உள்ளிட்ட தமிழ்நாட்டின் வெவ்வேறு பகுதிகளில் இருந்தும் தவெக தொண்டர்கள் மாநாட்டு திடலுக்கு நேற்றிரவு முதல் வரத்தொடங்கினர். காலை 11 மணிக்குதான் திடலில் அனுமதி கூறப்பட்டுள்ளதால் வெளியே காத்திருக்கின்றனர். தற்போது மாநாட்டு திடலுக்கு முன் ஆயிரக்கணக்கோனர் குவிந்துள்ளதால், இருக்கைகள் குறைவாக உள்ள நிலையில் முன் கூட்டியே அமரவைக்க திட்டம் எனவும் தகவல் வெளியாகி உள்ளது.
TVK Conference: கேரவனில் வந்தது விஜய்யா...?
மாநாட்டு திடலுக்கு தமிழக வெற்றிக் கழக தலைவர் விஜய் கேரவன் மூலம் வந்தார் என கூறப்பட்டது. ஆனால் இது உறுதிப்படுத்தப்படவில்லை.
TVK Conference: மாநாட்டு திடலில் விஜய்?
தவெக தலைவர் விஜய் வி.சாலையில் உள்ள மாநாட்டு திடலுக்கு வந்தடைந்தார் என கூறப்பட்டது. மாநாட்டு திடலில் ஏற்பாடு செய்யப்பட்டுள்ள பணிகள் குறித்து நேரில் ஆய்வு செய்ததாகவும் கூறப்பட்டது.