சென்னை: மொத்தம் 465 ஆம்புலன்ஸ்கள் தயார் நிலையில் வைக்கப்பட்டுள்ளன, மேலும் நிலையை கையாள ஜி.வி.கே இ.எம்.ஆர்.ஐ 108 ஆம்புலன்ஸ் சேவை வழங்குநர் ஊழியர்களும் அதிகரிக்கப்பட்டுள்ளனர். பல மாவட்டங்களில் கூடுதல் ஆம்புலன்ஸ்கள் ஏற்பாடு செய்யப்பட்டுள்ளன, குறிப்பாக விழுப்புரம், நாகப்பட்டினம், கடலூர், புதுக்கோட்டை மற்றும் ராமநாதபுரம் உள்ளிட்ட கடற்கரைக்கு அருகில் ஏற்பாடு செய்யப்பட்டுள்ளன.


COMMERCIAL BREAK
SCROLL TO CONTINUE READING

எந்தவொரு அவசரநிலையையும் கையாள போதுமான அளவு 108 ஆம்புலன்ஸ்கள் (108 ambulance) உள்ளன, தேவைப்பட்டால், அண்டை மாவட்டங்களிலிருந்து அதிகமான ஆம்புலன்ஸ் வாகனங்கள் கொண்டு வரப்படும். மாவட்ட நிர்வாகமும் மாநில சுகாதாரத் துறையும் இணைந்து செயல்படும் ”என்று அமைச்சர் கூறினார்.


 


ALSO READ | Nivar Cyclone Updates: நெருங்கும் நிவர், தமிழகம், புதுச்சேரி ஆந்திராவில் உயர் எச்சரிக்கை நிலை


 


நெட்வொர்க் இணைப்பு மோசமாக இருப்பதால், ஆம்புலன்சுகளுக்கு அருகிலுள்ள காவல் நிலையம் மற்றும் அரசு அலுவலகங்களை அணுகுமாறு பொதுமக்கள் வலியுறுத்தப்பட்டுள்ளனர். 108 கட்டுப்பாட்டு அறை தீ பாதுகாப்பு மற்றும் மீட்பு கட்டுப்பாட்டு அறை, போலீஸ் கட்டுப்பாட்டு அறை மற்றும் பேரழிவு மேலாண்மை கட்டுப்பாட்டு அறை ஆகியவற்றுடன் செயல்படும். சூறாவளியின் போது அவசர அழைப்புகள் மற்றும் நிலமைகளை கையாள கூடுதல் ஊழியர்கள் பொறுப்பேற்றுள்ளனர் என்று அமைச்சர் கூறினார். மின்வெட்டு ஏற்பட்டால், 108-கட்டுப்பாட்டு அறையில் ஜெனரேட்டர்கள் மற்றும் சுகாதாரப் பணியாளர்களுக்கு தங்குமிடம் மற்றும் உணவுக்கான ஏற்பாடுகள் உள்ளன.


எம்.பி.பி.எஸ் / பி.டி.எஸ் படிப்புகளுக்கான பொது வகைக்கான ஆலோசனையை மருத்துவ கல்வி இயக்குநரகம் ஒத்திவைத்த பின்னர், சுகாதாரத் துறை அதிகாரிகள் 13 வேட்பாளர்களையும் அவர்களது பெற்றோர்களையும் தங்கள் சொந்த மாவட்டங்களுக்கு திருப்பி அனுப்பினர்.


நிவர் சூறாவளி புயலின் தற்போதைய நிலவரம்:
வங்கக் கடலில் மையம் கொண்டிருந்த நிவர் புயல்  (Nivar Cylone) கடுமையான சூறாவளி புயலாக தீவிரமடைந்துள்ளது. இது தற்போது கடலூரிலிருந்து சுமார் 310 கி.மீ தூரத்தில் உள்ளது. இந்திய வானிலை ஆய்வு மையத்தின்படி, அடுத்த 12 மணி நேரத்தில் இது மிகவும் கடுமையான சூறாவளி புயலாக மேலும் தீவிரமடைய வாய்ப்புள்ளது.


 


ALSO READ | கஜா, நிவர் உட்பட தமிழகத்தை தாக்கிய அதிதீவிர புயல்கள் என்னென்ன?


 


இந்த சூறாவளி (Cyclone) நவம்பர் 25 பின்மாலைப் பொழுதில் தமிழ்நாடு மற்றும் புதுச்சேரி கடற்கரைகளை கடக்கும் என்று எதிர்பார்க்கப்படுகின்றது. கடலூருக்கு கிழக்கு-தென்கிழக்கில் சுமார் 320 கி.மீ தொலைவிலும், புதுச்சேரியிலிருந்து தென்கிழக்கில் 350 கி.மீ தொலைவிலும், சென்னையிலிருந்து 410 கி.மீ கிழக்கு-தென்கிழக்காகவும் இப்புயல் நகர்ந்துள்ளது.



கடலூர் மற்றும் புதுச்சேரி (Puducherry) துறைமுகங்களில் பெரும் ஆபத்து சமிக்ஞை 'எண் 10' புயல் எச்சரிக்கை ஏற்றப்பட்டுள்ளது. 


 



வட தமிழ்நாடு மற்றும் தெற்கு ஆந்திராவின் கடற்கரையில் பலத்த மற்றும் தீவிரமான காற்றுடன் மழை பெய்யக்கூடும். இந்த கனமழை மற்றும் பலத்த காற்றால் வீடுகளும் சாலைகளும் சேதமடையக்கூடும். மின் இணைப்புகளும் ரத்து செய்யப்படலாம். மின் கம்பிகள், பயிர்கள் மற்றும் மரங்களுக்கு சேதம் ஏற்படலாம் என IMD ஒரு அறிக்கையில் தெரிவித்துள்ளது.


தமிழகத்தின் நிலவரம்:
காரைக்காலுக்கும் மாமல்லபுரத்திற்கும் இடையில் நிவர்  (Nivar) இன்று கரையைக் கடக்கும் என எதிர்பார்க்கப்படுவதால், தமிழகத்தின் பல்வேறு மாவட்டங்களில் நேற்று முதலே பலத்த மழை பெய்து வருகிறது. இந்த மழையும் காற்றின் வேகமும் மேலும் தீவிரமடையும் என எதிர்பார்க்கப்படுகின்றது.


 


ALSO READ | அதி தீவிர புயலாக உருவெடுத்த “நிவர்” இன்று இரவு கரையை கடக்கிறது..!


 


தென்மேற்கு வங்காள விரிகுடாவிலும், தமிழகம்  (Tamil Nadu) மற்றும் புதுச்சேரி கடற்கரையிலும், புயல் கடலைக் கடக்கும் இடங்களிலும் நவம்பர் 25 ஆம் தேதி காற்று 100 கி.மீ வேகத்தில் வீசும். மீனவர்கள் கடலுக்குள் செல்ல வேண்டாம் என அறிவுறுத்தப்பட்டுள்ளனர். மேலும் மீன்பிடிக்க ஏற்கனவே புறப்பட்ட மீனவர்களும் திரும்பி வருமாறு உள்ளூர் அதிகாரிகள் அறிவுறுத்தியுள்ளனர்.


புதுச்சேரி நிலவரம்:
புதுச்சேரியில் பலத்த காற்றுடன் கூடிய அதிகன மழையை ஏற்படுத்தியுள்ள நிவர் புயல் இன்று இரவு தமிழகம் மற்றும் புதுச்சேரி கடற்கரைகளை காரைக்கால் மற்றும் மாமல்லபுரம் இடையே கடக்கிறது. புதுச்சேரியின் கடல் சீற்றத்தை இந்த காணொலியில் காணலாம். 


 


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR