தமிழகத்தில் கடந்த ஏப்ரல் 6 ஆம் தேதி ஒரேகட்டமாக சட்டமன்ற தேர்தல் வாக்குப்பதிவு நடைபெற்றது. இதற்கான வாக்கு எண்ணிக்கை இன்று காலை 8 மணிக்கு தொடங்குகிறது. இந்த வாக்கு எண்ணிக்கையில் முதலில் தபால் வாக்குகள் எண்ணப்பட உள்ளன. இதைத் தொடர்ந்து, மின்னணு வாக்குப் பதிவு எந்திரங்களில் பதிவான வாக்குகள் எண்ணப்படுகின்றன. 


COMMERCIAL BREAK
SCROLL TO CONTINUE READING

தமிழகம் (TN Assembly Election 2021) முழுவதும் வாக்குப்பதிவு எந்திரங்களில் உள்ள ஓட்டுகளை எண்ணுவதற்கு 3,372 மேஜைகளும், தபால் ஓட்டுகளை எண்ணுவதற்கு 739 மேஜைகளும், வெளி மாநிலங்களில் வசிக்கும் தமிழகத்தைச் சேர்ந்த ராணுவ வீரர்கள் போன்றோர் மின்னணு முறையில் அளித்த வாக்குகளை எண்ணுவதற்காக 309 மேஜைகளும் என மொத்தம் 4,420 மேஜைகள் போடப்பட்டுள்ளன. ஒவ்வொரு சுற்று வாக்கு எண்ணிக்கையின் அதிகாரப்பூர்வ முடிவுகளும் தேர்தல் நடத்தும் அதிகாரியால் வெளியிடப்படும். 


ALSO READ | Tamil Nadu Election Results 2021 Live: தபால் வாக்கு - திமுக கூட்டணி முன்னிலை


இன்று வெளியாக உள்ள தேர்தல் வாக்கு எண்ணிக்கையில் அதிமுக மற்றும் கூட்டணி கட்சிகள் ஒரு அணியாகவும், தி.மு.க. மற்றும் அதன் கூட்டணி கட்சிகள் ஒரு அணியாகவும், மக்கள் நீதி மய்யம் மற்றும் கூட்டணி கட்சிகள் ஒரு அணியாகவும், அ.ம.மு.க. மற்றும் கூட்டணி கட்சிகள் ஒரு அணியாகவும், நாம் தமிழர் கட்சி தனித்தும் என 5 முனை போட்டி நிலவுகிறது. மேலும், பல சுயேச்சை வேட்பாளர்களும் போட்டியிட்டு உள்ளனர்.


இந்நிலையில் இந்திய தேர்தல் ஆணையம் வாக்குகளை எண்ணுவதற்காக தமிழ்நாடு முழுவதும் சுமார் 21 மையங்களை நிறுவியுள்ளது. காலை 8 மணிக்கு வாக்குகளின் எண்ணிக்கை தொடங்கப்படும். தமிழக (Tamil Nadu) சட்டமன்றத் தேர்தல் 2021 முடிவுகள் குறித்த தகவல்களை நீங்கள் இங்கே  பார்வையிடலாம்.


* ELECTION COMMISSION OF INDIA என்ற பக்கத்தில் நீங்கள் ELECTION RESULT PORTAL இல் காணலாம்.
தமிழ்நாடு தேர்தல் முடிவுகளின் ஒரு பக்கத்தை ஆணையம் அமைத்துள்ளது, இது வாக்கு எண்ணிக்கை தொடங்கியவுடன் காலை 8 மணி முதல் செயல்படத் தொடங்கும். 



* ELECTION COMMISSION OF INDIA பக்கத்தில் VOTER HELPLINE APP இல் தேர்தல் முடிவுகளை ஆன்லைனில் காணலாம். 
தேர்தல் முடிவுகளை வழங்கும் வாக்காளர் ஹெல்ப்லைன் என்ற பயன்பாட்டையும் ECI இயக்குகிறது, இது பல பயனுள்ள தகவல்களுக்கிடையில் உள்ளது. பயன்பாடு Android மற்றும் iOS இயங்குதளங்களுக்கு கிடைக்கிறது.


அரசியல், விளையாட்டு, சுகாதாரம், வாழ்க்கை முறை, கல்வி, பொழுதுபோக்கு, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR