எகிறும் போஸ்ட்பெய்ட் - ப்ரீபெய்ட் கட்டணங்கள்... ஜியோவைத் தொடர்ந்து அதிர்ச்சி கொடுக்கும் ஏர்டெல்..!!

Tarrif Hike For POstpaid & Prepaid Plans: ரிலையன்ஸ் ஜியோ கட்டண உயர்வை அறிவித்ததை தொடர்ந்து, இந்தியாவின் முன்னணி தொலைத்தொடர்பு நிறுவனங்களில் ஒன்றான பார்தி ஏர்டெல் நிறூவனமும் தனது ப்ரீபெய்ட் மற்றும் போஸ்ட்பெய்ட் திட்டங்களுக்கான கட்டணங்களை உயர்த்துவதாக அறிவித்துள்ளது. திருத்தப்பட்ட கட்டண நிர்ணயத்தில் ரூ.600 வரை கட்டணம் உயரும். புதிய கட்டணங்கள் 2024  ஜூலை 3ம் தேதி முதல் அமலுக்கு வரும்.

வரம்பற்ற அழைப்பு மற்றும் எஸ்எம்எஸ் நன்மைகளுடன் டேட்டாவை வழங்கும் அன்லிமிடெட் வாய்ஸ் திட்டங்கள் பலவற்றின் கட்டணங்கள் உயருகின்றன. ஏர்டெல் கட்டணங்களில் 2ஜிபி டேட்டாவுடன் 28 நாட்களுக்கு முன்பு ரூ.179 என கட்டணம் நிர்ணயிக்கப்பட்ட அடிப்படைத் திட்டமானது இப்போது ரூ.199  என்ற அளவில் இருக்கும். 6ஜிபி டேட்டாவை வழங்கும் 84 நாள் திட்டம் ரூ.455ல் இருந்து ரூ.509 ஆக உயர்ந்துள்ளது. அதே சமயம் 24ஜிபி டேட்டா வழங்கும் வருடாந்திர திட்டமானது ரூ. ரூ.1799ல் இருந்து ரூ.1999 ஆக உயர்ந்துள்ளது.

தினசரி தரவுத் திட்டங்களின் கட்டணங்களும் அதிகரித்துள்ளன. 28 நாட்களுக்கு 1ஜிபி/நாள் திட்டம் ரூ.265ல் இருந்து ரூ.299ஆக அதிகரித்துள்ளது. அதேபோல, 1.5ஜிபி/நாள் திட்டமானது ரூ.299ல் இருந்து ரூ.349ஆகவும், 2.5ஜிபி/நாள் திட்டத்தின் விலை ரூ.409ஆகவும் உள்ளது. முந்தைய ரூ.359. அதிகபட்ச தினசரி டேட்டா திட்டம், 3ஜிபி/நாள் 28 நாட்களுக்கு வழங்குகிறது, ரூ.399ல் இருந்து ரூ.449 ஆக உயர்ந்துள்ளது.

நீண்ட காலத்திற்கு பேக்கேஜில், நாள் ஒன்றுக்கு 1.5ஜிபி கொண்ட 56-நாள் திட்டம் ரூ.479ல் இருந்து இப்போது ரூ.579 ஆக உள்ளது. 2ஜிபி/நாள் திட்டம் ரூ.549ல் இருந்து ரூ.649ஆக அதிகரித்துள்ளது. நாள் ஒன்றுக்கு 1.5ஜிபி கொண்ட 84 நாள் திட்டதிற்கான கட்டணம் ரூ.719ல் இருந்து ரூ.859 ஆக உயர்ந்துள்ளது, அதே சமயம் நாள் ஒன்றுக்கு 2ஜிபி பேகேஜிற்கான கட்டணம் ரூ.839ல் இருந்து ரூ.979ஆக உள்ளது. வருடாந்திர திட்டம் ரூ.2999ல் இருந்து ரூ.3599 என்ற அளவில் கணிசமாக உயர்ந்துள்ளது.

நாடு முழுவதும் செல்போன் கட்டணத்தை 25% வரை அதிரடியாக உயர்த்தி உள்ளது ஜியோ நிறுவனம். 19 பிளான்களின் கட்டணம் உயர்த்தப்பட்டுள்ள நிலையில், கட்டண உயர்வு ஜூலை 3, 2024 முதல் நடைமுறைக்கு வரும் என அறிவிக்கப்பட்டுள்ளது. ஜியோ நிறுவனம்  கட்டண உயர்வை அறிவித்துள்ள 19 பிளான்களில்ல் 17 ப்ரீபெய்ட் திட்டங்கள் மற்றும் இரண்டு போஸ்ட்பெய்ட் திட்டங்கள். தினசரி 1 ஜிபி நெட் வழங்கும் திட்டமானது ரூ.209 ஆக இருந்த நிலையில், இதன் கட்டணம் ரூ. 249 ஆக உயர்த்தப்படுகிறது. ரூ.239 ஆக இருந்த தினசரி 1.5 ஜிபிக்கான நெட் வசதியுடன் உடன் கூடிய மாதாந்திர ரீசார்ஜ் கட்டணம் ரூ.299 ஆக உயர்த்தப்படுகிறது. ரூ.299 ஆக இருந்த தினசரி 2 ஜிபி நெட் வசதியுடன் கூடிய மாதாந்திர ரீசார்ஜ் கட்டணம் ரூ.349 ஆக உயர்த்தப்படுகிறது. ரூ.349 ஆக இருந்த தினசரி 2.5 ஜிபி நெட் வசதியுடன் கூடிய மாதாந்திர ரீசார்ஜ் கட்டணம் ரூ.399 ஆக உயர்த்தப்படுகிறது.

ரூ.399 என்ற அளவில் இருந்த தினசரி 3 ஜிபி நெட் உடன் கூடிய மாதாந்திர ரீசார்ஜ் கட்டணம் ரூ.449 ஆக உயர்த்தப்படுகிறது. அதேபோல, 2 மாத வேலிடிட்டி கொண்ட ரீசார்ஜ் பிளான்களான ரூ.479 ரூபாய், ரூ.533 திட்டங்கள் முறையே, ரூ.579, ரூ.629 கட்டணம் கொண்ட பிளான்களாக மாற்றம் செய்யப்பட்டுள்ளன. ரூபாய் 2,999 கட்டணத்தில் ஆண்டு முழுவதும் தினசரி 2.5 ஜிபி இணைய வசதியோடு சேவை வழங்கப்பட்ட நிலையில் அதன் கட்டணம் ரூ.3,599 ஆக அதிகரிக்கப்பட்டுள்ளது. 1,559 ரூபாய்க்கு 336 நாட்களுக்கு வழங்கப்பட்ட சேவை இனி ரூ.1,899 ஆக அதிகரித்துள்ளது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!