பதிவுச் சான்றிதழ் பரிமாற்றம்: இந்தியாவில் புதிய வாகனங்களுடன், பழைய வாகனங்களின் விற்பனையும் அதிகமாக உள்ளது. இருப்பினும், பயன்படுத்திய, அதாவது செகண்ட் ஹெண்ட் வாகனத்தை வாங்கும் போது, ​​பெரும்பாலான மக்கள் சில தவறுகளை செய்கிறார்கள். அது அவர்களுக்கு பின்னர் பிரச்சனைகளை உருவாக்கலாம். ஆம்! பலர், பழைய வாகனம் வாங்கும் போதும், விற்கும் போதும், வாகனத்தின் புதிய உரிமையாளரின் பெயருக்கு பதிவுச் சான்றிதழை மாற்றாமல் போனால், பின்னர் சிறை செல்ல நேரிடலாம்.  


COMMERCIAL BREAK
SCROLL TO CONTINUE READING

நீங்களும் பழைய வாகனத்தை வாங்கவோ அல்லது விற்கவோ விரும்பினால், வாகனத்தின் RC அதாவது பதிவு சான்றிதழை கண்டிப்பாக பரிமாற்றிக்கொள்ளவும். 


RC ஏன் டிரான்ஸ்ஃபர் செய்ய வேண்டும்?


வாகனத்தின் உரிமையாளரின் பெயர் வாகனத்தின் பதிவுச் சான்றிதழில் பதிவு செய்யப்பட்டிருக்கும். அதில் இருந்து அதன் உண்மையான உரிமையாளர் யார் என்பது அறியப்படுகிறது. இதன் காரணமாக, வாகனம் ஏதேனும் தவறான வேலை அல்லது விபத்தில் பயன்படுத்தப்பட்டால், அதன் உரிமையாளர் பிடிக்கப்படலாம். இதுபோன்ற சூழ்நிலையில், உங்கள் பழைய வாகனத்தை வேறு யாரேனும் ஓட்டி, அவர் வாகனத்தை ஏதேனும் குற்றச் செயலுக்குப் பயன்படுத்தியிருந்தால், காவல்துறை உங்களை நேரடியாகக் கைது செய்யும். 


ஆகையால்தான், பழைய வாகனத்தை வாங்கும்போதோ, விற்கும்போதோ ஆர்சி டிரான்ஸ்பர் செய்துவிடுவது மிக அவசியமாகும். 


ஆர்சி பரிமாற்றம் செய்வது எப்படி


உங்கள் வாகனத்தின் ஆர்சி -ஐ டிரான்ஸ்ஃபர் செய்ய விரும்பினால், நீங்கள் உங்கள் மாநிலத்தின் போக்குவரத்துத் துறைக்குச் சென்று ஆர்சி பரிமாற்ற படிவத்தை நிரப்ப வேண்டும். இந்த படிவத்தில், வாகனத்தின் பழைய மற்றும் புதிய உரிமையாளரின் பெயர், முகவரி மற்றும் வாகனத்தின் விவரங்கள் மற்றும் வாங்கிய தேதி போன்ற விவரங்களை உள்ளிட வேண்டும்.


மேலும் படிக்க | Maruti Dzire CNG: வெறும் ரூ. 1 லட்சம் கொடுத்து வாங்கலாம், எளிய இஎம்ஐ கணக்கீடு இதோ


ஆவணங்களை சமர்ப்பிக்கவும்


ஆர்சி பரிமாற்றத்திற்கு சில முக்கிய ஆவணங்களைச் சமர்ப்பிக்க வேண்டும். இதில் வாகனத்தின் பழைய உரிமையாளரின் ஆர்சி, புதிய உரிமையாளரின் அடையாள அட்டை, முகவரிச் சான்று ஆகியவை அடங்கும்.


வாகனத்தை சரிபார்க்கவும்


ஆர்.சி., பரிமாற்றத்துக்கு, போக்குவரத்து துறை அதிகாரிகள், வாகன சோதனையை மேற்கொள்ள வேண்டும். பிரேக்குகள், டயர்கள், விளக்குகள், ஸ்டீயரிங், என்ஜின் போன்றவற்றைச் சரிபார்த்து, வாகனம் உண்மையானதா அல்லது போலியானதா என்பதைக் கண்டறியும்.


கட்டணம் செலுத்த வேண்டும்


எந்தவொரு வாகனத்தின் ஆர்சி டிரான்ஸ்ஃபருக்கும், போக்குவரத்துத் துறைக்கு ஒரு குறிப்பிட்ட கட்டணத்தை டெபாசிட் செய்ய வேண்டும், இதில் ஆய்வுக் கட்டணம் மற்றும் பிற கட்டணங்கள் அடங்கும்.


புதிய ஆர்சி -ஐப் பெறுங்கள்


செயல்முறை முடிந்ததும், ஆர்டிஓ (RTO) அலுவலகம் வாகனத்தின் புதிய ஆர்சி -ஐ உங்களுக்கு வழங்கும். அதன் பிறகு வாகனம் புதிய உரிமையாளரின் பெயரில் மாற்றப்படும்.


செகண்ட் ஹேண்ட் வாகனங்களை வாங்கும்போது கவனத்தில் கொள்ள வேண்டிய இன்னும் சில குறிப்புகள்:


பட்ஜெட்


பயன்படுத்திய காரை வாங்கும் போதெல்லாம், பட்ஜெட்டை கவனமாக முடிவு செய்யுங்கள். நீங்கள் வாங்க விரும்பும் கார், செகண்ட் ஹேண்ட் காருக்கு சந்தையில் மதிப்பு என்னவாக இருக்கும் அல்லது அதற்கு எவ்வளவு தேவை இருக்கிறது என்பதைப் பற்றி ஆராய்ச்சி செய்யுங்கள். அதற்கேற்ப உங்கள் பட்ஜெட்டை அமைக்கவும். பட்ஜெட்டை மறந்து கார் வாங்க வேண்டாம்.


சோதனை ஓட்டம்


நீங்கள் பழைய காரை வாங்கும்போது, ​​அதை நன்றாக டெஸ்ட் டிரைவ் செய்து பார்க்கவும். டெஸ்ட் டிரைவ் செய்யும்போது, ​​காரில் ஏதேனும் குறைபாடு உள்ளதா, ஏதேனும் வித்தியாசமான சத்தம் வருகிறதா, எப்படி இயங்குகிறது, எஞ்சின் எப்படி சத்தம் போடுகிறது என்பதை கவனத்தில் கொள்ளவும். கார் ஓட்டும்போதே இவற்றை தெரிந்துகொள்ள முடியும். 


மதிப்பீடு


சோதனை ஓட்டம் எடுத்த பிறகு காரை மதிப்பிடவும். வெவ்வேறு அளவுருக்களில் காரை மதிப்பிட்டு பார்க்க வேண்டும். காரில் ஏதேனும் குறைபாடு இருந்தால், அந்த குறைபாட்டை சரிசெய்ய எவ்வளவு செலவாகும் என்று பாருங்கள். இந்த எல்லா விஷயங்களின் அடிப்படையிலும் காரை மதிப்பீடு செய்து காரின் விலையை தீர்மானிக்கவும்.


மேலும் படிக்க | கார் / பைக் டயரில் இந்த பிரச்சனை வருகிறதா? இதோ உங்களுக்கான டிப்ஸ்


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ