Corona: கோவிட் நோயை சீனா எப்படி எதிர்கொண்டது? வரலாற்று புத்தகத்தில் இருப்பது உண்மையா?

'கோவிட் மீதான போர்' என்று குறிப்பிடும் சீனாவின் வரலாற்று பாடப்புத்தகம் சமூக ஊடகங்களில் விவாதத்தை எழுப்பியுள்ளது. இந்த பாடப்புத்தகத்தை சீனாவின் மிகப் பெரிய பதிப்பகமான பீப்பிள்ஸ் எஜுகேஷன் பிரஸ் வெளியிட்டது. "சமூக வாழ்வில் ஏற்படும் மாற்றங்கள்" என்ற பிரிவில் கொரோனா வைரஸ் தொடர்பான பாடம் இடம்பெற்றுள்ளது.

சீனாவில் உள்ள பள்ளி மாணவர்களுக்கான வரலாற்று பாடப்புத்தகத்தில், நாட்டில் கோவிட் தொற்றுநோய் சமாளித்த விதத்தைக் குறிப்பிட்டுள்ளது. ஆனால் இது ஆன்லைனில் ஒரு விவாதத்தைத் தூண்டியது, கோவிட்க்கு எதிரான சீனாவின் போராட்டம் குறித்த புத்தகத்தின் விளக்கம் உண்மையா என்று கேள்விகள் எழுகின்றன.

இது தொடர்பான தகவலை பிபிசி செய்தி நிறுவனம் வெளியிட்டுள்ளது. டிக்டோக்கின் சீனாவின் உள்நாட்டுப் பதிப்பான டூயினில் (Douyin, TikTok)  எட்டாம் வகுப்பு மாணவர்களுக்கான வரலாற்றுப் பாடப்புத்தகத்தின் ஒரு குறிப்பிட்ட பத்தியைக் காட்டும் ஒரு சிறு கிளிப் தற்போது சமூக ஊடகங்களில் வைரலாகிறது. 

இந்த வீடியோவை பதிவேற்றியவர் ஒரு வரலாற்று ஆசிரியர் என்று தோன்றுகிறது. இந்த பதிவிற்கு, "இது ஏற்கனவே வரலாற்று புத்தகங்களில் எழுதப்பட்டுள்ளது" என்று குறிப்பிடப்பட்டுள்ளது.

1970களில் சீனா, உலகப் பொருளாதாரத்திற்கு திறக்கப்பட்டதிலிருந்து அதிகரித்து வரும் நாட்டின் வருமானம் மற்றும் மக்களின் வாழ்க்கை முறை மாற்றங்களை விவரிக்கும் ஒரு பத்திக்கு அடுத்ததாக, "கோவிட் மீதான போர்" குறிப்பிடப்பட்டுள்ளது.

மக்கள் மற்றும் உயிரின் மேலாதிக்கத்தை சீனா கடைப்பிடிக்கிறது, மேலும் மக்களின் வாழ்க்கை பாதுகாப்பு மற்றும் ஆரோக்கியத்தை மிகப்பெரிய அளவில் பாதுகாத்தது என்று அந்த பத்தியில் குறிப்பிடப்பட்டுள்ளது. "தொற்றுநோய் தடுப்பு மற்றும் கட்டுப்பாட்டை ஒருங்கிணைப்பதில் நாம் பெரிய சாதனைகளை அடைந்துள்ளோம்," என்று அந்த பத்தியில் கூறப்பட்டுள்ளது.  

தொற்றுநோய் பற்றிய அரசாங்கத்தின் அறிவிப்பை இந்த பாடப்புத்தகம் எதிரொலிக்கிறது. இருப்பினும், அதில் முழு உண்மை உள்ளதா என்ற கேள்வியை பலர் எழுப்பினர்.

Douyin பிளாட்ஃபார்மில், வரலாற்று பாடப்புத்தகத்தில் கொரோனா மற்றும் கோவிட் தொடர்பான பத்தி ஐந்து மில்லியனுக்கும் அதிகமான முறை பார்க்கப்பட்டதாக பிபிசி தெரிவித்துள்ளது.

"அது எப்படி முடிந்தது என்று ஏதேனும் குறிப்பு உள்ளதா?" ஒரு Douyin பயனர் கேள்வி எழுப்புகிறார். "எங்கள் வலிமிகுந்த மூன்று வருடங்களை கேலி செய்வது போல் இந்த பத்தி அமைந்துள்ளது" என்று ஒருவர் கூறினார்.

கோவிட் தொற்றுநோய் தோன்றிய கடந்த மூன்று ஆண்டுகளாக, லாக்டவுன் மற்றும் வழக்கமான வெகுஜன சோதனைகள் உட்பட கோவிட் நோயை நாட்டிலிருந்து அகற்ற முயற்சிக்க சீனா, பல கட்டுப்பாடுகளை விதித்தது. எவ்வாறாயினும், கடந்த ஆண்டு டிசம்பரில், கோவிட் கொள்கைக்கு எதிரான எழுந்த பரவலான எதிர்ப்புகளைத் தொடர்ந்து அரசாங்கம் திடீரென பூஜ்ஜிய-கோவிட் தடைகளை திரும்பப் பெற்றது, மேலும் இந்த ஆண்டு ஜனவரி தொடக்கத்தில் வெளிநாட்டிலிருந்து வரும் பயணிகளுக்கான தனிமைப்படுத்தலையும் ரத்து செய்தது.

ஏப்ரல் 29 சனிக்கிழமை முதல், சீனாவிற்கு வரும் பயணிகள் இனி PCR சோதனை செய்து, அது நெகடிவ்வாக இருக்க வேண்டும் என்ற கட்டாயம் இல்லை.  

இது தொடர்பாக ஏப்ரல் 25, செவ்வாயன்று செய்தியாளர் கூட்டத்தில் உரையாற்றிய சீன வெளியுறவு அமைச்சகத்தின் செய்தித் தொடர்பாளர் மாவோ நிங், “சீன மற்றும் வெளிநாட்டு பணியாளர்களின் பரிமாற்றத்தை மேலும் எளிதாக்கும் வகையில், அறிவியல், துல்லியம், பாதுகாப்பு மற்றும் ஒழுங்கு ஆகியவற்றின் கொள்கைகளுக்கு ஏற்ப, சீனா ஏற்பாடுகளை மேலும் மேம்படுத்தும்” என்று தெரீத்தார். 

"ஏப்ரல் 29 முதல், சீனாவிற்குள் நுழையும் அனைவரும் விமானத்தில் ஏறுவதற்கு 48 மணி நேரத்திற்குள் நியூக்ளிக் அமில சோதனைக்குப் பதிலாக ஆன்டிஜென் சோதனையை மேற்கொள்ளலாம். விமானத்தில் ஏறும் முன் (COVID-19) சோதனை முடிவுகளை இனி விமான நிறுவனங்கள் சரிபார்க்க வேண்டியதில்லை" என்று நிங் மேலும் கூறினார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ