Kadapa Accident: మనం సాధారణంగా కొన్ని ప్రమాదాలను ఊహించలేం. క్షణ కాలంలో ప్రాణాలు అనంతవాయువుల్లో కలిసిపోతాయి. అలాంటి ప్రమాదమే కడప జిల్లాలో (Kadapa district) చోటుచేసుకుంది. ఇంటి ముందు కూర్చున్నవారిపైకి బొలేరో వాహనం వేగంగా దూసుకొచ్చింది. ఈ ప్రమాదంలో నలుగురు మృతి చెందారు. ఈ ఘటన (Road Accident) చింతకొమ్మదిన్నె మండలం మద్దిమడుగు (Maddimadugu) వద్ద కడప-బెంగళూరు జాతీయ రహదారిపై చోటుచేసుకుంది. డ్రైవర్‌ అతివేగమే ప్రమాదానికి కారణంగా పోలీసులు అనుమానిస్తున్నారు. 


COMMERCIAL BREAK
SCROLL TO CONTINUE READING

మృతి చెందిన వారిని  దేవి(27), అమ్ములు(30), ఆమె భర్త కొండయ్య(45), లక్ష్మీదేవి(35)గా పోలీసులు గుర్తించారు. వీరిలో కొండయ్య, లక్ష్మీదేవి అక్కడికక్కడే మృతిచెందగా.. అమ్ములు, దేవిలను కడప రిమ్స్‌కు తరలిస్తుండగా మార్గమధ్యంలో తుదిశ్వాస విడిచారు. వీరంతా కొండయ్య ఇంటి గడపలో మంచంపై కూర్చొని మాట్లాడుతున్నారు. ఇంతలోనే వాహనం వారిమీదకి అతివేగంగా దూసుకొచ్చి ఢీకొట్టింది. ఈ వ్యాన్ కడప నుంచి రాయచోటికి వెళ్తుంది. సమాచారం అందుకున్న పోలీసులు ఘటనాస్థలికి చేరుకున్నారు. అనంతరం మృతదేహాలను పోస్టుమార్టం నిమిత్తంరిమ్స్‌కు తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. 


Also Read: Niloufer Hospital: విషాదం.. హైదరాబాద్ నీలోఫర్‌లో ఇద్దరు శిశువుల మృతి, మరో చిన్నారి కిడ్నాప్.. 


స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.


Android Link - https://bit.ly/3hDyh4G


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook