AP Rain Forecast: ఏపీకి భారీ వర్షసూచన.. ఈ జిల్లాల ప్రజలు తస్మాత్ జాగ్రత్త!

AP Rain Forecast: రానున్న మూడు రోజుల్లో ఆంధ్రప్రదేశ్ లో భారీ వర్షాలు కురిసే అవకాశం ఉంది. ముఖ్యంగా రాయలసీమలోని నాలుగు జిల్లాలతో పాటు దక్షిణ కోస్తా ప్రాంతంలో వర్షాలు పడే అవకాశం ఉందని వాతావరణ శాఖ పేర్కొంది. గతేడాది సంభవించిన వరదల కారణంగా కడప, కర్నూల్, అనంతపురం, చిత్తూరు జిల్లాలు తీవ్రంగా నష్టపోయాయి. దీంతో ఆయా జిల్లాల అధికారులను ఏపీ ప్రభుత్వం అప్రమత్తం చేసింది. 

బంగాళాఖాతంలో అల్పపీడనం ఏర్పడడం వల్ల రానున్న 48 గంటల్లో అది మరింత బలపడే అవకాశం ఉందని గురువారం వాతావరణ శాఖ పేర్కొంది. ఈ అల్పపీడనం వాయువ్య దిశగా కదులుతూ తమిళనాడు తీరాన్ని తాకే అవకాశం ఉందని తెలిపింది. ఇప్పటికే తీరం వెంబడి 45 నుంచి 55 కిలోమీటర్ల వేగంతో ఈదురు గాలులు వీస్తున్నాయి. 

బంగాళఖాతంలో అల్పపీడనం నేపథ్యంలో తీరప్రాంత ప్రజలు, మత్స్యకారులు అప్రమత్తంగా ఉండాలని అధికారులు విజ్ఞప్తి చేశారు. మత్స్యకారులు ఎవరూ వేటకు వెళ్లొద్దని హెచ్చరించారు.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe