తెలంగాణ సీఎం కేసీఆర్ కూడా తమ పోరాటానికి మద్దతు తెలిపారని ఉత్తరాంధ్ర చర్చావేదిక సభ్యులు తెలిపారు. విశాఖకు రైల్వేజోన్‌, కడపకు స్టీల్‌ప్లాంట్‌, ఉత్తరాంధ్రకు ప్రత్యేక ఆర్థిక ప్యాకేజీ ఇవ్వాల్సిందేనని ఎంపీ కొణతాల రామకృష్ణ, సినీ హీరో శివాజి ఈ సందర్భంగా పిలుపునిచ్చారు. ఈ క్రమంలో ఉత్తరాంధ్ర చర్చావేదిక ఆధ్వర్యంలో విశాఖపట్నంలో భారీస్థాయిలో ర్యాలీ నిర్వహించారు. తెలంగాణ సీఎం కేసీఆర్ కూడా తమ పోరాటానికి మద్దతు తెలిపడం తమకు సంతోషంగా ఉందని ఈ సందర్భంగా ఈ చర్చావేదిక సభ్యులు తెలిపారు.


ముఖ్యమంత్రి చంద్రబాబు అసెంబ్లీని వాయిదా వేసి ఢిల్లీకి రావాలని, ప్రతిపక్ష నేత కూడా పాదయాత్ర ఆపి దేశరాజధానికి వెళ్లి ఆంధ్రప్రదేశ్ సమస్యలను కేంద్రానికి నివేదించాలని ఈ సందర్భంగా పిలుపునిచ్చారు. విశాఖ నుండి ఎంపీగా ఎన్నికైన ఎంపీ కంభంపాటి హరిబాబు బాధ్యతారహితంగా వ్యవహరిస్తు్న్నారని వారు తెలిపారు. ఈ సందర్భంగా సిపిఎం రాష్ట్ర కార్యదర్శివర్గసభ్యులు సిహెచ్‌.నరసింగరావు మాట్లాడుతూ అల్లూరి సీతారామరాజు పోరాటాన్ని గుర్తుతెచ్చుకొని ఉత్తరాంధ్ర వాసులు పోరాటం చేయాలని తెలిపారు.