ATF Price hike: దేశంలో ఇంధన ధరలు మండిపోతున్నాయి. పెట్రోల్, డీజిల్ ధరలతో పాటు.. ఎల్​పీజీ (వంట గ్యాస్​), ఏటీఎఫ్​ (ఏవియేషన్ టర్బైన్​ ఫ్యూయల్​) రేట్లు కూడా రికార్డు స్థాయికి చేరుతున్నాయి.


COMMERCIAL BREAK
SCROLL TO CONTINUE READING

తాజాగా ఏటీఎఫ్​ ధర కిలో లీటర్​కు 2 శాతం పెరిగింది. ఇంకా స్పష్టంగా చెప్పాలంటే.. దేశ రాజధాని ఢిల్లీలో కిలో లీటర్ ఏటీఎఫ్​ ధర రూ.2,258.54 ప్రియమైంది. దీనితో ఏటీఎఫ్​ ధర జీవనకాల గరిష్ఠమైన (లీటర్) రూ.1,12,924.83 వద్దకు చేరింది.


దేశంలో ఏటీఎఫ్ ధరలు పెరగటం ఈ ఏడాది ఇది ఏడవసారి కావడం గమనార్హం. దేశంలో ఏటీఎఫ్​, ఎల్​పీజీ ధరలను ప్రతి నెల 1న, 16న సవరించే విధానం అమలులో ఉంది. ఈ నేపథ్యంలో నేడు (ఏప్రిల్​ 1) ఏటీఎఫ్​ ధరలను అంతర్జాతీయ ముడి చమురు ధరలకు అనుగుణంగా.. దేశీయంగా ఏటీఎఫ్ ధరలు పెరిగాయి. ఎల్​పీజీ కమర్షియల్ సిలిండర్ ధర కూడా రూ.250 మేర పెరిగిన విషయం తెలిసిందే.


గత ఏడు దఫాల్లో ఎంత పెరిగిందంటే..


ఈ ఏడాది జనవరి 1 నుంచి ఏటీఎఫ్​ ధరలు పెరుగుతూ వస్తున్నాయి. ఇప్పటి వరకు ఏడు సార్లు పెరగ్గా.. కిలో లీటర్ ఏటీఎఫ్​ ధర రూ.38,902.92 ప్రియమైంది. ఫలితంగా గత ఏడాదితో పోలిస్తే ఏటీఎఫ్​ ధర 50 శాతం పెరిగిందని నివేదికలు స్పష్టం చేస్తున్నాయి.


ఇక ఏటీఎఫ్ రేట్లు పెరిగిన నేపథ్యంలో.. విమానయనాన సంస్థల వ్యయాలు 40 శాతం మేర పెరగనున్నాయని అంచనాలు వస్తున్నాయి. దీనితో ఎయిర్​లైన్ సంస్థలు టికెట్ల ధరలు పెంచొచ్చని తెలుస్తోంది.


గత కొన్ని రోజులుగా పెట్రోల్ మోత..


ఇక గత కొన్ని రోజులుగా క్రమంగా పెరుగుతూ పోతున్న పెట్రోల్​, డీజిల్ ధరలకు శుక్రవారం బ్రేక్ పడింది. 11 రోజుల్లో ఇంధన ధరలు రూ.6.40 వరకు పెరిగింది.


Also read: LPG Gas Price Hike: భారీగా పెరిగిన LPG గ్యాస్ ధర.. సిలిండర్ పై రూ.250 పెంపు!


Also read: Changes from April 1: రేపటి నుంచి కొత్త రూల్స్​- పెరగనున్న వంట గ్యాస్ ధర!


స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.


Android Link - https://bit.ly/3hDyh4G


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook