Share Market: కేంద్ర బడ్జెట్ ప్రవేశపెట్టే ముందు ఈ రైల్వే స్టాక్స్ పై ఓ కన్నేయండి..గతంలో 101 శాతం వరకూ జూమ్ .!!

Share Market: ప్రస్తుతం స్టాక్ మార్కెట్ మాంచి ఊపుమీదుంది. దేశీయ సూచీలు సైతం రికార్డు స్థాయిలో కొనసాగుతున్నాయి. ఎన్ఎస్ఈ, బీఎస్ఈ ఇండెక్స్ లు ఆల్ టైం హైకి చేరుకున్నాయి. దీంతో షేర్ మార్కెట్ డబ్బు ప్రవాహం కొనసాగుతోంది. పలు కంపెనీల షేర్లు ఇన్వెస్టర్లకు సిరుల పంట పండిస్తున్నాయని నిపుణులు అంటున్నారు. అయితే ఫిబ్రవరి 1న మధ్యంతర బడ్జెట్ కు ముందు ప్రభుత్వ సంస్థ అయిన నిగమ్ లిమిటెడ్ షేర్లను కొనుగోలు చేసి ఉంటే..మీ పెట్టుబడి విలువ ఇప్పటికే రెట్టింపు అయ్యేది. ఈ కాలంలో రైల్వేలకు సంబంధించిన షేర్లలో చాలా పెరుగుదల ఉంది. ఆర్వీఎన్ఎల్ షేర్ అధికంగా 101శాతం పెరిగింది. అంతేకాదు జూపిటర్ వ్యాగన్ల షేర్లు కూడా 64శాతం, టిటాగఢ్ రైల్ సిస్టమ్స్ 56శాతం, ఓరియంటల్ రైల్ 53శాతం వరకు పెరిగాయి. టాప్ 12 రైల్వే సంబంధిత స్టాక్‌ల సంయుక్త మార్కెట్ క్యాప్ దాదాపు రూ.1.6 లక్షల కోట్ల వరకు పెరిగింది. గత మూడేండ్లుగా చూసినట్లయితే...ఈ కాలంలో టిటాగర్ రైల్ సిస్టమ్స్ 2,210శాతం అద్భుతమైన రాబడిని ఇచ్చింది.

కాగా మధ్యంతర బడ్జెట్‌లో ఆర్థిక మంత్రి నిర్మలా సీతారామన్‌ రైల్వేశాఖకు కేటాయింపులు పెంచారు. 5శాతం పెరిగి రూ.2.6 లక్షల కోట్లకు చేరింది. జూలై 23న ప్రవేశపెట్టనున్న బడ్జెట్‌లో రైల్వేశాఖ కేటాయింపులు మరింత పెరిగే అవకాశం ఉందని పలువురు విశ్లేషకులు చెబుతున్నారు. రైలు మౌలిక సదుపాయాలు, సామర్థ్యాన్ని (రోలింగ్ స్టాక్, విద్యుదీకరణ, సరుకు రవాణా కారిడార్లు, హై-స్పీడ్ రైలు, మెట్రో), కొత్త రైళ్లను (వందే భారత్, వందే మెట్రో, నమో భారత్ మొదలైనవి) భద్రతను మెరుగుపరచడానికి ప్రయత్నాలు జరుగుతాయని ప్రభుదాస్ లిల్లాధర్  అమ్నీష్ అగర్వాల్ చెప్పారు. (ఆర్మర్డ్ యాంటీ-రైలు ఢీకొనే వ్యవస్థ)ను మెరుగుపరచడంపై వ్యయంలో పెరుగుదల అంచనా వేశారు. 

ఈ బూమ్ ఎంతకాలం కొనసాగుతుంది? 

రైల్వే భారీ క్యాపెక్స్ ప్లాన్ వల్ల ఇర్కాన్, ఆర్‌విఎన్‌ఎల్, సిమెన్స్, టిమ్‌కెన్ ఇండియా, హెచ్‌బిఎల్ పవర్, ఎబిబి, బిఇఎంఎల్, బిహెచ్‌ఇఎల్, జూపిటర్, టిటాగర్ వ్యాగన్‌ల వంటి కంపెనీలకు ప్రయోజనం చేకూరుతుందని ప్రభుదాస్ లిల్లాధర్   అన్నారు.  ఈ కంపెనీలు చాలా ఆర్డర్‌లను పొందే అవకాశం ఉందని తెలిపారు. దీని కారణంగా వారి షేర్లు గణనీయంగా పెరిగే అవకాశం లేకపోలేదని తెలిపారు. ఓమ్నిసైన్స్ క్యాపిటల్ సీఈఓ,చీఫ్ ఇన్వెస్ట్‌మెంట్ స్ట్రాటజిస్ట్ డాక్టర్ వికాస్ గుప్తా మాట్లాడుతూ, వేగవంతమైన అమలుపై దృష్టి సారించడం వల్ల రాబడి, లాభాల వృద్ధి పెరుగుతుందని భావిస్తున్నట్లు పేర్కొన్నారు. ఇదే జరిగితే రైల్వే సంబంధిత షేర్ల ప్రస్తుత వాల్యుయేషన్ సరైనదే అవుతుందని..లేదంటే వాటి ధర ఎక్కువగానే ఉండే అవకాశం ఉందన్నారు. రాబోయే 5-7 ఏళ్లలో రైల్వే స్టాక్స్ మంచి రాబడులను ఇవ్వగలవని ఆర్ధిక నిపుణులు చెబుతున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.