Realme Launched New Mobiles: రియల్మీ నుంచి ఒకేసారి రెండు ఫోన్లు.. ఫీచర్లు అదిరిపోయాయిగా!
చైనాకు చెందిన ప్రముఖ స్మార్ట్ ఫోన్ల తయారీ కంపెనీ రియల్మీ రియల్మీ జీటీ నియో 2టీ పేరుతో ఈ స్మార్ట్ఫోన్ను ఆవిష్కరించింది. ధర మరియు ఫీచర్లు ఎలా ఉన్నాయంటే..??
Realme Launched New Mobiles: చైనాకు చెందిన ప్రముఖ స్మార్ట్ ఫోన్ల తయారీ కంపెనీ రియల్మీ గేమింగ్ లవర్స్ కోసం మరో అదిరే మోడల్ను విడుదల చేసింది. రియల్మీ జీటీ నియో 2టీ పేరుతో ఈ స్మార్ట్ఫోన్ను ఆవిష్కరించింది. దీనితోపాటే క్యూ సిరీస్లో రియల్ మీ క్యూ3ఎస్ మోడల్ను కూడా విడుదల చేసింది. ఈ రెండు మోడళ్ల ధర, ఫీచర్ల విశేషాలు ఇలా ఉన్నాయి..
రియల్ మీ జీటీ నియో 2టీ ధర
రియల్మీ జీటీ నియో 2టీ ధరను (8 జీబీ ర్యామ్+ 128 జీబీ స్టోరేజ్) 1,899 యువాన్లుగా నిర్ణయించింది కంపెనీ. మన కరెన్సీ ప్రకారం చూస్తే దీని విలువ రూ.22,200. ఇదే మోడల్లో 8 జీబీ ర్యామ్+ 256 జీబీ స్టోరేజ్ వేరియంట్ ధరను 2,099 యువాన్లుగా (రూ.25,500) ఉంచింది రియల్మీ. 12 జీబీ ర్యామ్+256 జీబీ స్టోరేజ్ ధర 2,399 యువాన్లుగా (రూ.28 వేల పైమాటే) నిర్ణయించింది. ఈ మోడల్ బ్లాక్, వైట్ కలర్లలో లభించనుంది.
Also Read: Case Filed Against Mohan Babu:'మా' గొడవలో మోహన్ బాబు.. భద్రాద్రి కొత్తగూడెంలో కేసు నమోదు
ఫీచర్లు..
1) v6.43 అంగుళాల ఓఎల్ఈడీ డిస్ప్లే, 120 హెడ్జ్ రీఫ్రేష్ రేట్
2) మీడియాటెక్ డైమెన్సిటి 1200 ప్రాసెసర్
3) ట్రిపుల్ రియర్ కెమెరా (64 మెగా పెక్సెల్ మెయిన్ కెమెరా+ 8 ఎంపీ అల్ట్రావైడ్ కెమెరా+ 2 ఎంపీ మైక్రో లెన్స్)
4) 4,500 ఎంఏహెచ్ బ్యాటరీ
5) 65 వాట్స్ ఫాస్ట్ ఛార్జింగ్ సపోర్ట్
6) ఆండ్రాయిడ్ 11 ఓఎస్ ఆధారంగా పని చేసే రియల్మీ యూఐ 2.0
రియల్మీ క్యూ3ఎస్ ధర ఎంతంటే..
రియల్ మీ క్యూ3ఎస్ మోడల్ను మిడ్ రేంజ్ సెగ్మెంట్లో విడుదల చేసింది రియల్మీ. 6 జీబీ ర్యామ్+ 128 జీబీ స్టోరేజ్ వేరియంట్ ధరను 1,499 యువాన్లుగా (రూ.17,500) ఉంచింది కంపెనీ. ఇదే మోడల్లో 8 జీబీ ర్యామ్ + 128 జీబీ స్టోరేజ్ వేరియంట్ ధరను 1,599 యువాన్లుగా (రూ.19 వేలు దాదాపు) నిర్ణయించింది. ఇందులో హై ఎండ్ వేరియంట్ (8 జీబీ ర్యామ్+ 256 జీబీ స్టోరేజ్) ధరను 1,999 యువాన్లుగా (రూ.23 వేల పైమాటే) నిర్ణయించింది. ఈ మోడల్ బ్లూ, వైట్ కలర్లలో అందుబాటులో ఉంటుందని రియల్మీ తెలిపింది.
Also Read: Case Filed Against Mohan Babu:'మా' గొడవలో మోహన్ బాబు.. భద్రాద్రి కొత్తగూడెంలో కేసు నమోదు
ఫీచర్లు..
1) 6.60 అంగుళాల డిస్ప్లే
2) క్వాల్కమ్ స్నాప్ డ్రాగన్ 778 జీ (5జీ) ప్రాసెసర్
3) ట్రిపుల్ రియర్ కెమెరా (48 మెగా పిక్సెల్ ప్రధాన కెమెరా+ 2 ఎంపీ మైక్రో లెన్స్+ 2 ఎంపీ డెప్త్ సెన్సార్)
4) 16 మెగా పిక్సెల్ ఫ్రంట్ కెమెరా
5) 5,000 ఎంఏహెచ్ బ్యాటరీ (30 వాట్స్ ఫాస్ట్ ఛార్జింగ్ సపోర్ట్)
6) ఆండ్రాయిడ్ 11 ఓఎస్ ఆధారంగా పని చేసే రియల్మీ యూఐ 2.0
ఈ రెండు స్మార్ట్ఫోన్లు ప్రస్తుతానికి చైనాలో మాత్రమే విడుదలయ్యాయి. త్వరలోనే గ్లోబల్ మార్కెట్తో పాటు.. భారత్లోకి రానున్నాయి. దీనిపై కంపెనీ నుంచి ఇంకా అధికారికంగా ప్రకటన రావాల్సి ఉంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి