Stock market crash: స్టాక్ మార్కెట్ల పతనంలోనూ.. భారీ లాభాలను అందించిన అనిల్ అంబానీ కంపెనీ

Stocks in the upper circuit Today: భారత స్టాక్ మార్కెట్‌లో గురువారం భారీ క్షీణత కనిపించింది. బాంబే స్టాక్ ఎక్స్చేంజ్ ఇండెక్స్ సెన్సెక్స్ 2.10 శాతం లేదా 1767 పాయింట్ల క్షీణతతో 82,498 వద్ద ట్రేడవుతోంది. ఏషియన్ పెయింట్, లార్సెన్ అండ్ టూబ్రో, మారుతీ, బజాజ్ ఫైనాన్స్, బజాజ్ ఫిన్‌సర్వ్, రిలయన్స్, యాక్సిస్ బ్యాంక్, టాటా మోటార్స్‌లలో సెన్సెక్స్ ప్యాక్‌లో టాప్ లూసర్లుగా నిలిచాయి. మరోవైపు, నేషనల్ స్టాక్ ఎక్చేంజ్ సూచీ నిఫ్టీ 2.05 లేదా 528 పాయింట్ల క్షీణతతో 25,268 వద్ద ముగిసింది. 

మార్కెట్ ఎందుకు పడిపోయింది?

గురువారం  స్టాక్ మార్కెట్ ఈ పతనానికి అనేక కారణాలున్నాయి. ఇరాన్, ఇజ్రాయెల్ మధ్య పెరుగుతున్న ఉద్రిక్తత, ముడి చమురు ధరల పెరుగుదల, ఫ్యూచర్స్, ఆప్షన్‌ల కోసం సెబి కొత్త నిబంధనలను తీసుకురావడం, విదేశీ పెట్టుబడిదారులచే విక్రయించడం, చైనా మార్కెట్ ఉద్దీపన ప్యాకేజీ ప్రకటించడం కూడా ఒక కారణంగా చెబుతున్నారు నిపుణులు. ప్రముఖ వేయిటింగ్ ఏజెన్సీలు చైనాలో పెట్టుబడికి మొగ్గుచూపుతూ..రేటింగ్ అందించాయి. భారత్ లో రేటింగ్ కు కోత పెట్టాయి.  గత వారం చైనా ప్రభుత్వం ఆర్థిక ఉద్దీపన చర్యలను ప్రకటించిన తర్వాత చైనా స్టాక్‌లలో పెరుగుదల కొనసాగుతుందని విశ్లేషకులు అంచనా వేశారు. భారత్ లో విదేశీ ఇన్వెస్టర్లు పెట్టుబడుల ఉపసంహరణకు దారి తీసే అవకాశం లేకపోలేదు. 

స్టాక్ మార్కెట్ల నడ్డి విరిగినా అప్పర్ సర్క్యూట్లో ట్రేడ్ అయిన షేర్లు ఇవే: 

రిలయన్స్ పవర్:

రిలయన్స్ పవర్ షేర్లలో 5 శాతం ఎగువ సర్క్యూట్ ఉంది. షేరు ధర రూ.53.65కి పెరిగింది.

ది గ్రోబ్ టీ:

ది గ్రోబ్ టీ లిమిటెడ్ షేర్లు ఈరోజు 20 శాతం ఎగువ సర్క్యూట్‌ను తాకాయి. షేరు ధర రూ.1273.60కి పెరిగింది.

ఆసియా హోటల్స్:

ఏషియన్ హోటల్ (నార్త్) లిమిటెడ్ షేర్లు 5 శాతం ఎగువ సర్క్యూట్‌ను తాకాయి. షేరు ధర రూ.217.04గా మారింది.

రవీంద్ర ఎనర్జీ: 

రవీంద్ర ఎనర్జీ షేర్లలో 5 శాతం ఎగువ సర్క్యూట్ ఉంది. షేరు ధర రూ.138.70కి పెరిగింది.

సురానా సోలార్: 

సురానా సోలార్ షేర్లలో 5 శాతం ఎగువ సర్క్యూట్ ఉంది. ఈ షేర్ ధర రూ.65.39గా మారింది.

సెజల్ గ్లాస్: 

సెజల్ గ్లాస్ షేర్లలో 5 శాతం ఎగువ సర్క్యూట్ ఉంది. షేరు ధర రూ.435.35గా మారింది.

యూరోటెక్స్: 

యూరోటెక్స్ షేర్లు 5 శాతం ఎగువ సర్క్యూట్‌ను తాకాయి. దీంతో షేరు ధర రూ.17.98గా మారింది.

 అలక్రిటీ సె:

ఈ స్టాక్‌లో 5 శాతం ఎగువ సర్క్యూట్ ఉంది. దీంతో షేరు ధర రూ.143.35కి పెరిగింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.