NPS scheme: రూ.150 పెట్టుబడి పెడితే.. మీరు కోటీశ్వరులే.. ఇవిగో మార్గాలు

New Pension System: మీరు రిటైర్మెంట్ తరువాత ఆర్థిక ఇబ్బందులు లేకుండా హ్యాపీగా లైఫ్‌ను లీడ్ చేయాలని అనుకుంటున్నారా..? ప్రతి నెల డబ్బులు కట్టేలా ఇప్పటినుంచే ప్లాన్ చేస్తున్నారా..? అయితే ఎలాంటి రిస్క్ లేని వాటిలో పెట్టుబడి పెట్టడం చాలా బెటర్. స్టాక్ మార్కెట్‌లో కచ్చితంగా లాభం ఉంటుంది కానీ రిస్క్ ఫ్యాక్టర్ కూడా ఎక్కువే. మీరు రిస్క్ లేకుండా డబ్బు సంపాదించాలనుకుంటే.. మీకు అనేక పెట్టుబడి మార్గాలు ఉన్నాయి. వాటిలో ఒకటి నేషనల్ పెన్షన్ సిస్టమ్. ఈ ప్రత్యేక పెట్టుబడి గురించి తెలుసుకుందాం.

2004లో ఈ స్కీమ్‌ను కేంద్ర ప్రభుత్వం అందుబాటులోకి తీసుకువచ్చింది. అయితే మొదట్లో కేవలం కేంద్ర ప్రభుత్వ ఉద్యోగులకు మాత్రమే అని రూల్ పెట్టింది.ఆ తరువాత 2009లో ఈ పథకాన్ని అందరికీ అందుబాటులోకి ఉండేలా నిబంధనలు మార్చారు. ఈ పథకంలో చేరిన వారు తమకు 60 ఏళ్లు వచ్చే వరకు డబ్బులు పెట్టుబడి పెడుతూ వెళ్లాలి. ఆ తరువాత ఒకేసారి భారీ మొత్తంలో డబ్బులు చేతికి అందుకుంటారు. ఈ డబ్బుతో పాటు ప్రతి నెల మీకు పెన్షన్ కూడా వస్తుంది. ఈ పథకంలో పెట్టుబడికి పన్ను మినహాయింపు కూడా ఉంటుంది. ఇందులో రోజుకు రూ.150 పొదుపు చేసినా.. పదవీ విరమణ సమయంలో నేరుగా రూ.కోటి అందుకోవచ్చు. ఇందులో పెట్టుబడి పెట్టడం చాలా సులభం, తక్కువ రిస్క్.  

NPS అనేది మార్కెట్ లింక్డ్ రిటైర్మెంట్ ఆధారిత పెట్టుబడి ఎంపిక. ఈ పథకం కింద మీరు డబ్బును రెండు ప్రదేశాలలో పెట్టుబడి పెట్టాలి. ఈక్విటీ అంటే షేర్ మార్కెట్, డెట్ అంటే ప్రభుత్వ బాండ్లు, కార్పొరేట్ బాండ్లు. ఖాతా తెరిచే సమయంలో ఈక్విటీలోకి ఎంత ఎన్‌పీఎస్ డబ్బు వెళ్తుందో మీరు నిర్ణయించుకోవచ్చు. సాధారణంగా డబ్బులో 75% వరకు ఈక్విటీలోకి వెళ్లవచ్చు. అంటే ఇందులో మీరు PPF లేదా EPF కంటే కొంచెం ఎక్కువ ఆదాయాన్ని పొందాలని భావిస్తున్నారు. 

మీరు ఇప్పుడే ఉద్యోగం ప్రారంభించి ఎక్కువ పెట్టుబడి పెట్టలేకపోతే NPSలో రోజుకు కేవలం రూ.150 పెట్టుబడి పెట్టడం ద్వారా పెద్ద మొత్తంలో డబ్బు సంపాదించవచ్చు. ఎలాగో తెలుసుకుందాం. మీ వయస్సు 25 సంవత్సరాలు అనుకుందాం. ఎన్‌పీఎస్‌లో నెలకు రూ.4500 ఇన్వెస్ట్ చేస్తే.. అంటే రోజుకు రూ.150 పెడితే.. 60 ఏళ్ల తర్వాత రిటైర్మెంట్ తీసుకుంటారు. మీరు 35 ఏళ్ల పాటు నిరంతరంగా ఇందులో ఇన్వెస్ట్ చేస్తారు. ఇప్పుడు మీరు కనీసం 8% చొప్పున కూడా రాబడిని పొందారని అనుకుందాం. మీరు పదవీ విరమణ చేసినప్పుడు మీ మొత్తం పెన్షన్ సంపద రూ.1 కోటి ఉంటుంది.

NPSలో పెట్టుబడి

ప్రారంభ వయస్సు 25 సంవత్సరాలు
నెలవారీ పెట్టుబడి రూ.4,500 
పెట్టుబడి కాలం 35 సంవత్సరాలు
అంచనా రాబడి 8% 

NPS ఇన్వెస్ట్‌మెంట్ లెడ్జర్

మొత్తం పెట్టుబడి రూ.18.90 లక్షలు 
మొత్తం వడ్డీ రూ.83.67 లక్షలు 
పెన్షన్ సంపద రూ.1.02 కోట్ల 
మొత్తం పన్ను ఆదా రూ.5.67 లక్షలు 

పింఛను ఎంత వస్తుందో తెలుసా..?

అయితే రిటైర్మెంట్ తరువాత మీరు ఈ మొత్తం డబ్బును ఒకేసారి విత్‌డ్రా చేయలేరు. మీరు అందులో 60 శాతం మాత్రమే విత్‌డ్రా చేసుకోవచ్చు. మిగిలిన 40 శాతం మీరు యాన్యుటీ ప్లాన్‌లో వేయాలి. దాని నుంచి మీకు ప్రతి నెలా పెన్షన్ వస్తుంది. మీరు యాన్యుటీలో 40 శాతం డబ్బు పెట్టారని అనుకుందాం. మీరు రూ.61.54 లక్షల మొత్తం మొత్తాన్ని విత్‌డ్రా చేసుకోవచ్చు. వడ్డీ 8 శాతం అని అనుకుంటే.. మీరు ప్రతి నెలా రూ.27,353 వేలు పెన్షన్ పొందుతారు. 
మీరు ఏ వయస్సులో పెట్టుబడి పెట్టడం ప్రారంభిస్తే.. మీరు పొందుతున్న రాబడిపై ఆధారపడి ఉంటుంది. మేము ఇక్కడ తీసుకున్న ఉదాహరణ అంచనా వేసిన రాబడిపై ఆధారపడి ఉంటుంది. ఇది ప్రతి సందర్భంలో వేర్వేరుగా ఉండవచ్చు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.