Maharashtra: పాదయాత్ర చేస్తున్న భక్తులపైకి దూసుకెళ్లిన కారు.. ఏడుగురు మృత్యువాత..

Solapur Road Accident: మహారాష్ట్రలోని షోలాపూర్ జిల్లాలో ఘోర రోడ్డు ప్రమాదం చోటుచేసుకుంది. పాదయాత్ర చేస్తున్న భక్తులపైకి కారు దూసుకెళ్లిన ఘటనలో ఏడుగురు మృత్యువాతపడ్డారు. ముంబైకి 390 కిలోమీటర్ల దూరంలోని సంగోలా పట్టణానికి (Sangola town) సమీపంలో సాయంత్రం 6.45 గంటలకు ఈ ప్రమాదం జరిగినట్లు పోలీసులు తెలిపారు. మూడు రోజులు కిందట 32 మంది యాత్రికుల (వార్కారీలు) బృందం కొల్హాపూర్ జిల్లాలోని జాతర్‌వాడి నుండి పంఢర్‌పూర్ దేవాలయానికి వెళ్లేందుకు పాదయాత్ర చేపట్టారు. ఈ క్రమంలో వారు సంగోలాకు చేరుకోగానే ఓ కారు అదుపుతప్పి వేగంగా వచ్చి వీరిని ఢీకొట్టింది. ఈ ఘటనలో ఏడుగురు భక్తులు మరణించినట్లు అధికారులు తెలిపారు.

హైదరాబాద్ లోనూ...
హైదరాబాద్ ఎస్సార్ నగర్ లో ఇలాంటి ఘటనే ఒకటి ఆలస్యంగా వెలుగులోకి వచ్చింది. దీపావళి నాడు వీధిలో నిల్చున్న ఓ మహిళను వేగంగా వచ్చిన కారు ఢీకొనడంతో ఆమె తీవ్రగాయాల పాలైంది. దీనికి సంబంధించిన దృశ్యాలు సీసీటీవీ కెమెరాలో రికార్డ్ అయింది. యాక్సిడెంట్ చేసిన వెంటనే కారు డ్రైవర్ అక్కడి నుంచి ఉడాయించగా...తీవ్రంగా గాయపడిన బాధితురాలిని బంజరాహిల్స్ లోని ఓ ప్రైవేట్ ఆస్పత్రికి తరలించి చికిత్స అందిస్తున్నారు. దీనిపై కేసు నమోదు చేసిన పోలీసులు.. కారు నడిపిన వ్యక్తి మైనర్ గా గుర్తించారు. దాంతోపాటు కారు యాజమానిపై కూడా కేసు నమోదు చేశారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.