Adivi Sesh: కృష్ణ సినిమాకి ‌.. అడివి శేషు కార్ నెంబర్ కి.. సంబంధం ఏమిటంటే!

Adivi Sesh Movie Update: చిన్న బడ్జెట్ సినిమాలు తీస్తూ.. అందులో కూడా మంచి కథ ఉన్న స్క్రిప్ట్ ను మాత్రమే ఎంచుకుంటూ.. మంచి హిట్స్ అందుకున్నాడు యంగ్ హీరో అడివి శేష్. అడివి శేష్ సినిమా అంటేనే.. అందులో ఏదో ఒక కొత్తదనం ఉంటుంది అని అభిమానులు ఫిక్స్ అయిపోతారు. శేష్ సినిమాలపై అంత నమ్మకం వచ్చేసింది. 

క్యారెక్టర్ ఆర్టిస్ట్ గా ఇండస్ట్రీలో అడుగుపెట్టి.. విలన్ గా కూడా నటించి క్షణంతో హీరోగా మారాడు.. అడివి శేష్. గూఢచారి, ఎవరు ఇలా సరికొత్త సినిమాలతో.. మంచి హిట్స్ అందుకున్న అడివి శేష్ ..మేజర్ సినిమాతో ప్యాన్ ఇండియా రేంజ్ స్టార్ డమ్ తెచ్చుకున్నాడు. ప్రస్తుతం అడివి శేష్ వరుస సినిమాలతో బిజీగా ఉన్నారు. 

అయితే తాజాగా ఒక ఇంటర్వ్యూలో.. మాట్లాడుతూ అడివి శేష్ తన కార్ నంబర్ కి సూపర్ స్టార్ కృష్ణకి ఒక సంబంధం ఉందని చెప్పారు. "నాకు సూపర్ స్టార్ కృష్ణ గారు.. నటించిన గూఢచారి 116 సినిమా అంటే చాలా ఇష్టం. ఆ సినిమా తరువాతే తెలుగులో చాలా స్పై.. సినిమాలు వచ్చాయి. నా గూఢచారి సినిమాకి కూడా అదే ఇన్స్పిరేషన్. అందులో 116 నెంబర్ కూడా నాకు చాలా ఇష్టం. నా గూఢచారి సినిమాలో.. కూడా అది ఉంటుంది. నా కారు నంబర్ కి.. అదే నెంబర్ కావాలని తీసుకున్నాను" అని చెప్పుకొచ్చాడు అడివి శేష్. సూపర్ స్టార్ కృష్ణ గూఢచారి.. మీద ఉన్న అభిమానంతోనే తన కార్ నంబర్ 0116 గా పెట్టుకున్నట్లు తెలిపారు శేష్.

ఇక గూడచారి సినిమా.. మాత్రమే కాకుండా గూఢచారి చేసేవన్నీ స్పై లేదా సస్పెన్స్ థ్రిల్లర్.. సినిమాలే. ఆద్యంతం ప్రేక్షకులను కట్టి పడేసే స్క్రీన్ ప్లే తో అడివి శేష్ మంచి విజయాలు అందుకున్నాడు. ప్రస్తుతం గూఢచారి సినిమాకి సీక్వెల్ గా తెరకెక్కుతున్న గూఢచారి 2 తో బిజీగా ఉన్న శేష్ డెకాయిట్ సినిమాలో కూడా నటిస్తున్నాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.