Anchor Rashmi Acid Attack : చేతబడి చేస్తా.. యాసిడ్ పోస్తా!.. నెటిజన్ బెదిరింపులు.. రష్మీ రియాక్షన్ ఏంటంటే?

Anchor Rashmi Acid Attack యాంకర్ రష్మీ ఇప్పుడు సోషల్ మీడియాలో పోరాటం చేస్తున్నట్టుగా కనిపిస్తోంది. వీధి కుక్కలపై పెద్ద చర్చే జరుగుతోంది. పెట్ లవర్స్‌కు హేటర్స్‌కు మధ్య చర్చలు జరుగుతున్నాయి. దీంట్లో రష్మీ పెట్ లవర్‌గా తన అభిప్రాయాలను చెబుతోంది. రష్మీ సెలెబ్రిటీ కాబట్టి ఆమె మాత్రమే ఎక్కువగా హైలెట్ అవుతోంది. అంబర్ పేట్ ఇష్యూలో బాలుడు మరణించిన ఘటన తెలిసిందే. వీధి కుక్కల దాడిలో నాలుగేళ్ల బాలుడు మృతితో ఒక్కసారిగా అందరూ ఉలిక్కి పడ్డారు.

కుక్కల కోసం పునరావాస కేంద్రాలు, వాటికి వ్యాక్సినేషన్, బర్త్ కంట్రోల్‌ వంటివి చేయడం వల్ల ఇలాంటి ఘటనలు తగ్గించొచ్చు అని, కేవలం కుక్కల వల్లే కాదు.. ఆవులు, మేకలు ఇలాంటి వల్ల కూడా ప్రమాదాలు జరగొచ్చు అని రష్మీ చెప్పుకొచ్చింది. దీంతో కొందరు నెటిజన్లు రష్మీని పర్సనల్‌గా అటాక్ చేస్తున్నారు.

తాజాగా మరొక నెటిజన్ రష్మీ మీద తన కోపాన్ని ప్రదర్శించాడు. రష్మీని కుక్కని కొట్టినట్టు కొట్టాలని ఓ నెటిజన్ అన్నాడు. దీంతో రష్మీ సదరు నెటిజన్‌కు సవాల్ విసిరింది. నీ ఇంటి అడ్రస్ చెప్పు నేనే వస్తాను.. ఏం చేస్తావో చూస్తాను.. ఓపెన్ చాలెంజ్ అని కౌంటర్ వేసింది. తాజాగా మరో నెటిజన్ తన ద్వేషాన్ని ప్రకటించాడు.

నీ మీద చేతబడి చేయిస్తా.. పాపిష్టి దానా.. నువ్ రోడ్డు మీద తిరగకుండా ఇంట్లో ఉండు.. ఆవుల వల్ల రోడ్డు మీద యాక్సిడెంట్ అవుతాయా?.. ఆసిడ్ పోస్తా.. వాటి గురించి నీలాంటి పాపిష్టి వాళ్లకి తెలియదు.. అన్నీ మూసుకుని వుండు.. మొండి ప్రవర్తిస్తే.. కష్టాల్లో పడతావ్ అని వార్నింగ్ ఇచ్చాడు. అంతకు ముందు రష్మీ పెళ్లి గురించి మాట్లాడాడు. ఇప్పుడు ఇలా బెదిరించాడు. దీంతో రష్మీ తన సహనాన్ని కోల్పోయింది.

ఈ మెసెజ్‌కు ఈ విధంగా రష్మీ రిప్లై ఇచ్చింది. కొన్ని రోజుల క్రితం ఈ అకౌంట్ హోల్డర్‌కు నా ఏజ్, నా పెళ్లితో బాధ ఉండేది.. ఇప్పుడు ఇలా బ్లాక్ మెయిల్ చేస్తున్నాడు.. యాసిడ్ పోస్తాడట.. చేతబడి చేస్తాడట.. నేను ఇతని మీద కంప్లైంట్ చేస్తున్నాను అని చెప్పుకొచ్చింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.