Avatar 2 Vs kgf chapter 2 : కేజీయఫ్‌ను దాటని అవతార్ 2.. కలెక్షన్లలో కనిపించిన మ్యాజిక్

Avatar 2 Vs kgf chapter 2 : అవతార్ 2 సినిమా కోసం ప్రపంచంలోని సినీ అభిమానులంతా కూడా వేయి కళ్లతో ఎదురుచూడసాగారు. టీజర్, ట్రైలర్ అన్నీ కూడా అంచనాలు పెంచేశాయి. జేమ్స్ కామెరాన్ మళ్లీ అద్భుత సృష్టి చేశాడని, దాన్ని వీక్షించాల్సిందే అని అంతా ఫిక్స్ అయ్యారు. అయితే అవతార్ 2 కథ పరంగా కాస్త నిరాశపర్చింది. కథ, కథనాలు తెలుగు సినిమాల్లో చూసినట్టుగానే ఉన్నాయని, ఆ పాయింట్‌తో ఎన్నో చిత్రాలు వచ్చాయని జనాలు పెదవి విరుస్తున్నారు.

అయితే అవతార్ 2 సినిమా విజువల్స్ పరంగా టాప్ నాచ్ అని, ఇలా ఇంకెవ్వరూ కూడా ఊహించలేరని, తీయలేరని, అది కేవలం జేమ్స్ కామెరాన్ వల్లే సాధ్యం అవుతుందని జనాలు పొగిడేస్తున్నారు. అవతార్ 2 ఎన్ని అంచనాల నడుమ విడుదలైనప్పటికీ కలెక్షన్లలో మాత్రం ప్రభావం కనిపించడం లేదు. అవతార్ 2 కలెక్షన్లు అన్ని రికార్డులను బ్రేక్ చేస్తుందని అంతా అనుకున్నారు.

కానీ రెండు తెలుగు రాష్ట్రాల్లోనూ రికార్డులను బద్దలు చేయలేకపోయింది. అవెంజర్ ఎండ్ గేమ్ ఓపెనింగ్ డే రికార్డులను కూడా అవతార్ 2 కొల్లగొట్టలేకపోయింది. ఇక రెండు తెలుగు రాష్రాల్లో అయితే డబ్బింగ్ సినిమాల కేటగిరీలో కేజీయఫ్ ఎక్కువ కలెక్షన్లు సాధించిన చిత్రంగా రికార్డులు క్రియేట్ చేసింది. కేజీయఫ్ చాప్టర్ 2 ఓపెనింగ్ డే రికార్డులను కూడా అవతార్ 2 బీట్ చేయలేకపోయింది. 

ఈ ఏడాదిలో రిలీజ్ అయిన కేజీయఫ్ చాప్టర్ 2 సినిమా రెండు తెలుగు రాష్ట్రాల్లో ఓపెనింగ్ డే నాడు 31 కోట్లు కొల్లగొట్టేసింది. కానీ అవతార్ 2 మాత్రం కేవలం పద్నాలుగు కోట్లు మాత్రమే రాబట్టేసింది. ఇలా చివరకు కేజీయఫ్‌ని కూడా అవతార్ దాట లేకపోయింది. ఇండియా వైడ్‌గా చూసుకుంటే ఎండ్ గేమ్ రికార్డులను కూడా అవతార్ రెండో పార్ట్ బీట్ చేయలేకపోయింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.