తెలుగు చిత్ర పరిశ్రమ స్థాయిని అంతర్జాతీయంగా చాటి చెప్పిన బాహుబలి చిత్ర నిర్మాణ సంస్థ .. ఆర్కా మీడియా మరో కొత్త ప్రయోగంతో ప్రేక్షకుల ముందుకొస్తోంది. బాహుబలి నిర్మాతలు శోభు యార్లగడ్డ, ప్రసాద్ దేవినేని .. ఈసారి తక్కువ బడ్జెట్ లో ఓ మళయాల సినిమా రీమేక్ తో తెలుగు ప్రేక్షకులను అలరించనున్నారు. మళయాలంలో హీరో ఫాజిల్ నటించిన సినిమా 'మహేశింతే ప్రతీకారమ్' చిత్రాన్ని రీమేక్ చేస్తున్నారు. ఇప్పటికే ఈ సినిమా షూటింగ్ అరక్ వ్యాలీలో పూర్తి చేసుకుందని సమాచారం. ప్రస్తుతం పోస్ట్ ప్రొడక్షన్ పనులు జరుగుతున్నాయి. కేవలం 36 రోజుల్లోనే షూటింగ్ పార్ట్ పూర్తి చేయడం విశేషం. 
ఏప్రిల్ 20న విడుదల
ఈ సినిమాకు 'ఉమామహేశ్వర ఉగ్రరూపశ్య' అనే టైటిల్ కూడా నిర్ణయించారు. చిన్న చిత్రం   `కేరాఫ్ కంచ‌పాలెం` తో తెలుగు పరిశ్రమలో సంచలనం సృష్టించిన దర్శకుడు వెంకటేష్ మహా ఈ సినిమాకు దర్శకత్వ వహిస్తున్నారు. అన్ని హంగులు పూర్తి చేసుకుని ఈ సినిమా 20 ఏప్రిల్ 2020న రిలీజ్ కానుందని సమాచారం. హీరో సత్యదేవ్ సినిమాలో కథానాయకుడుగా నటిస్తున్నారు.