Akhanda Dubbed Release Date: మరో నాలుగు భాషల్లో సత్తా చాటేందుకు సిద్ధమైన అఖండ మూవీ

Akhanda Dubbed Release Date: నందమూరి బాలకృష్ణ.. ద్విపాత్రాభినయంలో మాస్ డైరెక్టర్ బోయపాటి శ్రీను దర్శకత్వంలో తెరకెక్కిన మూవీ 'అఖండ'. గతేడాది థియేటర్లలో విడుదలైన ఈ చిత్రం తెలుగు ప్రేక్షకులను అమితంగా ఆకట్టుకుంది. బ్లాక్ బాస్టర్ టాక్ తో ఇటీవలే 50 రోజులు పూర్తి చేసుకుంది. ఆ తర్వాత జనవరి 21న ఓటీటీ ద్వారా ప్రేక్షకుల ముందుకొచ్చిన ఈ చిత్రం.. డిజిటల్ వేదికలోనూ రికార్డులను కొల్లగొడుతోంది. 

అటు ఈ సినిమాను అనేక భాషల్లో రిలీజ్ చేయాలని ఇతర భాషల అభిమానులు విన్నవించుకోవడం వల్ల.. ఇప్పుడీ చిత్రాన్ని హిందీతో పాటు మరో 3 భారతీయ భాషల్లో డబ్ చేసేందుకు చిత్రబృందం సిద్ధమైంది. ముఖ్యంగా తమిళనాడు, కేరళ, కర్నాటకతో పాటు నార్త్ ప్రేక్షకులు ఈ సినిమాను సబ్ టైటిల్స్‌లో చూస్తున్నట్లు సోషల్ మీడియాలో పోస్టులు కూడా చేసారు. 

తమిళంలో 'అఖండ' సినిమాకు సంబంధించిన డబ్బింగ్ హక్కులు అమ్ముడుపోయాయి. ఇప్పటికే తమిళ వెర్షన్ డబ్బింగ్ పనులు పూర్తి కావడంతో పాటు ఈ సినిమాను తమిళనాడులో శుక్రవారం (జనవరి 28)న భారీ ఎత్తున రిలీజ్ చేయనున్నారు. దానికి సంబంధించిన పోస్టర్‌ను కూడా రిలీజ్ చేశారు. 

[[{"fid":"220908","view_mode":"default","fields":{"format":"default","field_file_image_alt_text[und][0][value]":false,"field_file_image_title_text[und][0][value]":false},"type":"media","field_deltas":{"1":{"format":"default","field_file_image_alt_text[und][0][value]":false,"field_file_image_title_text[und][0][value]":false}},"link_text":false,"attributes":{"class":"media-element file-default","data-delta":"1"}}]]

మరోవైపు మలయాళం, కన్నడతో పాటు హిందీ హక్కులు తీసుకున్నవారు ఈ సినిమాను ఆయా భాషల్లో డబ్ చేసి రిలీజ్ చేయాలనుకుంటున్నారు. ముందుగా హిందీలో ఈ సినిమాను రీమేక్ చేస్తున్నట్టు వార్తలు వచ్చాయి. కానీ అఘోరగా బాలయ్య పర్ఫామెన్స్ చూసి ఈ సినిమాను బాలీవుడ్‌లో రీమేక్ చేసేకంటే డైరెక్ట్ డబ్బింగ్ వెర్షన్ రిలీజ్ చేస్తే బాగుంటుందనే అభిప్రాయాలు వ్యక్తమవుతున్నాయి. ఈ చిత్రంలో బాలకృష్ణ సరసన ప్రగ్యా జైస్వాల్ హీరోయిన్‌గా నటించింది. జగపతిబాబు, శ్రీకాంత్‌, పూర్ణ ఇతర కీలక పాత్రలో నటించారు. థమన్ ఈ చిత్రానికి సంగీతం అందించారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe