Balakrishna Fans Shock to Akkineni Akhil: అఖిల్ సినిమాతో హీరోగా లాంచ్ అయ్యి తర్వాత హలో, మిస్టర్ మజ్ను వంటి సినిమాలతో ప్రేక్షకుల ముందుకు వచ్చాడు అక్కినేని అఖిల్. అయితే ఆ సినిమాలేవి ఆయనకు కలిసి రాలేదు కానీ ఎట్టకేలకు మోస్ట్ ఎలిజిబుల్ బ్యాచిలర్ అనే సినిమాతో హిట్ అందుకున్నాడు. ఆ సినిమా హిట్ అందుకున్న తర్వాత సురేందర్ రెడ్డి దర్శకత్వంలో ఏజెంట్ అనే సినిమా చేస్తున్నాడు. మమ్ముట్టి కీలక పాత్రలో నటిస్తున్న ఈ సినిమాలో అఖిల్ సరసన హీరోయిన్ గా సాక్షి వైద్య నటిస్తోంది.


COMMERCIAL BREAK
SCROLL TO CONTINUE READING

నిజానికి ఈ సినిమా ఎప్పుడో విడుదల కావాల్సి ఉంది కానీ అనేక సార్లు వాయిదా పడుతూ వచ్చింది. ఏకే ఎంటర్టైన్మెంట్స్ బ్యానర్ మీద అనిల్ సుంకర, రామబ్రహ్మం సుంకర నిర్మించిన ఈ సినిమా ఎట్టకేలకు ఏప్రిల్ నెల 28వ తేదీన రిలీజ్ అయ్యేందుకు సర్వం సిద్ధమవుతోంది. ఇంకా రిలీజ్ కి వారం రోజులే ఉండటంతో పెద్ద ఎత్తున ఈ సినిమా ప్రమోషన్స్ ప్లాన్ చేసింది సినిమా యూనిట్. ఎక్కడికక్కడ ఈవెంట్లు నిర్వహిస్తూ ప్రేక్షకుల్లోకి ఏజెంట్ సినిమాని తీసుకువెళ్లే ప్రయత్నం చేస్తోంది.


Also Read: Tollywood Domination: పాన్ ఇండియా లిస్టులో తెలుగు హీరోలదే డామినేషన్..టాప్ టెన్లో ఏకంగా నలుగురు!


వాస్తవానికి ఈ సినిమా అఖిల్ కెరియర్ లోనే మొట్టమొదటి ప్యాన్ ఇండియా మూవీగా రిలీజ్ అవుతున్నా సరే ప్రస్తుతానికి ముందు తెలుగు భాషలో మాత్రమే రిలీజ్ చేస్తున్నారు. తరువాత తమిళ, మలయాళ, కన్నడ, హిందీ భాషల్లో రిలీజ్ చేయడానికి సిద్ధమవుతున్నారు. ఆ సంగతి అలా ఉంచితే అఖిల్ తాజాగా నిర్వహించిన ఒక ఈవెంట్ లో నందమూరి బాలకృష్ణ అభిమానులు జై బాలయ్య నినాదాలతో హోరెత్తించారు.


వారి దెబ్బకి అఖిల్ కాసేపు ఏం మాట్లాడాలో తెలియక బిత్తర చూపులు చూస్తున్న ఒక వీడియోను నందమూరి అభిమానులు షేర్ చేస్తూ అఖిల్ ని విమర్శిస్తున్నారు. కొన్నాళ్ల క్రితం నందమూరి బాలకృష్ణ అక్కినేని తొక్కినేని అంటూ ఒక కామెంట్ చేయడం పెను వివాదానికి కారణమైంది. ఆ తర్వాత అక్కినేని నాగచైతన్య, అక్కినేని అఖిల్ ఒకే రకమైన లెటర్ షేర్ చేస్తూ నందమూరి బాలకృష్ణ క్షమాపణలు చెప్పాలి అని అర్థం వచ్చేలా కామెంట్లు చేశారు.



ఆ విషయం అఖిల్ మరిచిపోయి ఉండవచ్చు కానీ నందమూరి అభిమానులు మరిచిపోలేదేమో ఈ నేపథ్యంలోనే లెటర్ రాస్తావా మా బాలయ్యకి ఇప్పుడు చూసుకో అన్నట్లుగా ఆయన మీద కామెంట్ల వర్షం కురిపిస్తున్నారు. అఖిల్ హీరో కాదు జీరో అంటూ కూడా వారు కామెంట్లు చేస్తున్న పరిస్థితి కనిపిస్తోంది. అదేవిధంగా జై బాలయ్య అనే కామెంట్లతో ఆ వీడియో కింద కామెంట్లు చేస్తున్నారు మీరూ చూసేయండి. 


Also Read: Samantha Top heroine: ఒక పక్క వరుస ఫెయిల్యూర్స్.. అయినా ఏమాత్రం తగ్గని సమంత క్రేజ్!



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.


ఆండ్రాయిడ్ లింక్ -  https://bit.ly/3P3R74U


ఆపిల్ లింక్ -  https://apple.co/3loQYe


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook