Dasara Trailer Launch: నాని `దసరా` ట్రైలర్ వచ్చేసింది.. 5 నిమిషాల్లోనే 20 వేల వ్యూస్! ఆలస్యం ఎందుకు

Natural Star Nani, Keerthy Suresh starrer Dasara Movie Trailer Out: 'నాచురల్ స్టార్' నాని హీరోగా తెరకెక్కిన కొత్త సినిమా 'దసరా'. నూతన డైరెక్టర్ శ్రీకాంత్ ఓదెల దర్శకత్వం వహించిన ఈ సినిమాలో మహానటి కీర్తి సురేష్ (Keerthy Suresh) హీరోయిన్‌గా నటించారు. సుధాకర్ చెరుకూరి నిర్మించిన ఈ సినిమాలో నాని ఒక విభిన్నమైన పాత్రలో కనిపించనున్నాడు. ఇంతకుముందు ఎన్నడూ కనిపించినటువంటి ఒక రస్టిక్ పాత్రలో కనిపించనున్నాడు. పల్లెటూరి బ్యాక్ డ్రాప్ నేపథ్యంలో ఈ సినిమా తెరకెక్కింది. ఇప్పటికే షూటింగ్ పూర్తి చేసుకున్న దసరా సినిమా విడుదలకు రెడీగా ఉంది. 

పాన్‌ ఇండియా చిత్రం దసరా మార్చి 30న ప్రేక్షకుల ముందుకు రానుంది. ఈ నేపథ్యంలో కొద్దిసేపటి క్రితం ‘దసరా’ ట్రైలర్‌ (Dasara Trailer)ను చిత్ర బృందం విడుదల చేసింది. 2 నిమిషాల 14 సెకండ్ల నిడివి గల ఈ సినిమా ట్రైలర్.. 'చిత్తు చిత్తుల బొమ్మ.. శివుని ముద్దుల గుమ్మ' అనే పాటతో మొదలైంది. వెన్నెలొచ్చిందిరా అనే డైలాగ్‌తో నాని వాయిస్ పరిచయం కాగా.. ఫైట్ సీన్‌తో నాని కనిపించాడు. నాని ఫుల్‌ మాస్‌ లుక్‌లో ఆకట్టుకున్నాడు. 

దసరా సినిమా తెలుగు, తమిళ్, హిందీ, మలయాళం మరియు కన్నడ భాషల్లో మార్చి 30వన థియేటర్లలో విడుదల కాబోతోంది. హీరోగా నానికి ఇదే తొలి ప్యాన్ ఇండియా ప్రాజెక్ట్. నాని (Natural Star Nani) కెరియర్‌లోనే భారీ బడ్జెట్ చిత్రంగా ఈ సినిమా తెరకెక్కింది. గతేడాది రిలీజ్ అయిన ‘అంటే సుందరానికీ’ మూవీ బాక్సాఫీస్ దగ్గర బోల్తా కొట్టడంతో నాని ఈ సినిమాపై భారీ అంచనాలు పెట్టుకున్నాడు. ఈ సినిమాకి సంతోష్ నారాయణన్ సంగీతాన్ని అందించారు. సింగరేణి నేపథ్యంలో వస్తున్న ఈ సినిమాలో ప్రముఖ మలయాళ నటుడు షైన్ టామ్ చాకో విలన్‌ పాత్రలో కనిపించనున్నారు. సముద్రఖని, జరీనా వాహబ్, సాయి కుమార్ కీలక పాత్రలో కనిపించనున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.