Shaakuntalam postponed : శాకుంతలం వాయిదా.. వెనుకడుగు వేసిన దిల్ రాజు.. అల్లు అరవిందే కారణమా?

Shaakuntalam stands postponed సమంత నటించిన శాకుంతలం సినిమాను వాయిదా వేశారు. గుణ శేఖర్ దర్శకత్వంలో నీలిమ గుణ, దిల్ రాజు సంయుక్తంగా నిర్మించిన ఈ సినిమాను ఫిబ్రవరి 17న విడుదల చేస్తున్నట్టుగా గత నెలలో ప్రకటించారు. కానీ ఇప్పుడు ఈ సినిమాను వాయిదా వేస్తున్నట్టుగా మేకర్లు అధికారికంగా ప్రకటించారు. ఇలా వాయిదా వేశామని చెబుతున్నందుకు మాకు బాధగానే ఉంది.. త్వరలోనే కొత్త రిలీజ్ డేట్‌ను ప్రకటిస్తామని చిత్రయూనిట్ నుంచి ప్రకటన వచ్చింది.

దిల్ రాజు ఇలా శాకుంతలం సినిమా విడుదల తేదిని ఫిక్స్ చేయడం, మళ్లీ పోస్ట్ పోన్ చేయడం వెనుక చాలా పెద్ద కథే ఉందని తెలుస్తోంది. ఫిబ్రవరి 17 అనే డేట్‌ను విశ్వక్ సేన్ ధమ్కీ, కిరణ్ అబ్బవరం వినరో భాగ్యము విష్ణు కథ అనే సినిమాలు బుక్ చేసుకున్నాయి. ఇందులో కిరణ్ అబ్బవరం సినిమాను గీతా ఆర్ట్స్ నిర్మిస్తోంది. అయితే ఈ సినిమాలు బుక్ చేసుకున్న డేట్‌పై దిల్ రాజు కూడా కర్చీప్ వేశాడు.

ఇప్పుడు అసలే దిల్ రాజు, అల్లు అరవింద్ మధ్య పచ్చగడ్డి వేస్తే భగ్గుమనేలా ఉంది. విజయ్ దేవరకొండ, పరుశురామ్ సినిమాను గీతా ఆర్ట్స్ తెరకెక్కించాలి. కానీ వారిని దిల్ రాజు లాక్కున్నాడు. తన బ్యానర్‌లో సినిమా చేసేందుకు సిద్దమయ్యాడు. ఈ విషయంలో అల్లు అరవింద్ హర్ట్ అయ్యాడు. పరుశురామ్‌ను ఇకపై తన కాంపౌండ్‌లో అడుగు పెట్టనిచ్చేలా కూడా లేడు.

ఇలాంటి హీట్ సమయంలో అల్లు అరవింద్‌తో గొడవ ఎందుకు అనుకుని దిల్ రాజు ఇలా తన సినిమాను పోస్ట్ పోన్ చేసినట్టుగా తెలుస్తోంది. ఇక శాకుంతలం సినిమాను దిల్ రాజు ఎప్పుడు రిలీజ్ చేస్తాడో.. ఈ సారి ఎవరికి పోటీగా దించుతాడో చూడాలి. అసలే గుణ శేఖర్ నుంచి చాలా రోజులకు వస్తోన్న సినిమా ఇది.

ఇక సమంతకు ఇప్పుడు ఫుల్ పాజిటివ్ ఉంది. మయోసైటిస్ నుంచి కోలుకుందని, ఇన్ని రోజులు బెడ్డు మీదే ఉందని సమంత మీద అందరికీ జాలి ఉంది. ఈ సమయంలో శాకుంతలం వచ్చి కాస్త పాజిటివ్ టాక్ వచ్చినా కూడా కలెక్షన్లు ఎక్కువగానే వచ్చే చాన్స్ ఉంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.