ఇటీవల సలాం రాకీ భాయ్ సాంగ్‌తో హడావుడి చేసిన కన్నడ నటుడు యశ్ తాజాగా దోచెయ్ అంటూ మరోసారి ఆడియెన్స్ ముందుకొచ్చాడు. ప్రశాంత్ నీల్ అనే కన్నడ నటుడు తెరకెక్కిస్తున్న కన్నడ సినిమా కేజీఎఫ్ ను తెలుగు, తమిళ, మళయాళం, హిందీ భాషల్లో డబ్ చేసి విడుదల చేసేందుకు ఏర్పాట్లు జరుగుతున్న సంగతి తెలిసిందే. కోలార్ గోల్డ్ ఫీల్డ్స్ అనే ట్యాగ్ లైన్‌తో రూపొందిన ఈ సినిమాలో యశ్ సరసన శ్రీనిధి శెట్టి జంటగా నటించగా తమన్నా మరో ప్రధాన పాత్ర పోషించింది. ఇప్పటికే ఈ సినిమా ట్రైలర్, సలాం రాఖీ భాయ్ సాంగ్ ఇంటర్నెట్‌లో సందడి చేస్తుండగా తాజాగా మేకర్స్ దోచెయ్ సాంగ్‌ను విడుదల చేశారు.