NBK109: గొడ్డలికి కళ్ళజోడు.. మన బాలయ్య కు మరో బ్లాక్ బస్టర్ షురూ

Nandamuri Balakrishna: అఖండ, వీర సింహారెడ్డి, భగవంత్ కేసరి తో హ్యాత్రిక్ అందుకున్న బాలయ్య.. ఇప్పుడు తన తదుపరి సినిమాతో మరోసారి బాక్సాఫీస్ ని షేక్ చేయడానికి సిద్ధమైపోయాడు. ఈ మధ్యనే వాల్తేరు వీరయ్యతో సూపర్ హిట్ అందుకున్న యువ దర్శకుడు బాబీ దర్శకత్వంలో బాలకృష్ణ తన  109వ చిత్రం చేస్తున్నట్టు  అధికారిక ప్రకటన విడుదలైంది. ఈ సినిమాను నిర్మాత నాగ వంశీ తన సితార ఎంటర్టైన్‌మెంట్స్‌ ద్వారా నిర్మించనున్నాడు. ఇక ఈ చిత్రానికి సెన్సేషనల్ మ్యూజిక్ డైరెక్టర్ దేవిశ్రీప్రసాద్ సంగీతం అందించనున్నాడు. 

సంక్రాంతి సీజన్ మన బాలయ్య కి బాగా కలిసొచ్చే సీజన్. ఆ సీజన్ లో విడుదలైన బాలకృష్ణ సినిమాలు చాలావరకు మంచి విజయాన్ని సాధించాయి. ఇక ఈ సంవత్సరం సంక్రాంతికి కూడా బాలకృష్ణ వీర సింహారెడ్డి సినిమాతో మన ముందుకు వచ్చి సూపర్ హిట్ అందుకున్నాడు. ఇప్పుడు మళ్లీ ఇదే సెంటిమెంట్ ఫాలో అవుతూ వచ్చే సంవత్సరం సంక్రాంతికి ఈ బాలకృష్ణ  109వ సినిమా విడుదల కాబోతోంది.

ఈ నేపథ్యంలో ఈరోజు ఓ పవర్ఫుల్ పోస్టర్ తో సినిమా షూటింగ్ ఇవాళ్టి నుంచే స్టార్ట్ చేస్తున్నట్టుగా ఈ సినిమా మేకర్స్ ప్రకటించారు.  ఇక ఈ పోస్ట‌ర్‌లో గొడ్డలికు ఓ కళ్లజోడును జోడించి ఉండగా ఆ కళ్ళజోడు లో ఎగిరిపడుతున్న విలన్లు మనకు కనిపిస్తాడు. ఇక అదే గొడ్డలికి ఓ లాకెట్‌ను కూడా ఉంది. అంతేకాకుండా బ్లడ్ బాత్ కా బ్రాండ్ నేమ్ అంటూ ఈ యాక్షన్ పోస్టర్ కి క్యాప్షన్ జోడించారు. కాగా ఈ ఫస్ట్ తోనే మేకర్స్ ఈ చిత్రంపై భారీ అంచనాలను పెంచేశారు.

ముఖ్యంగా ఈ పవర్ ఫుల్ పోస్టర్ చూస్తేనే ఈ సినిమాలో బాలకృష్ణ పాత్ర మరింత పవర్ఫుల్ గా ఉంటుంది అని అర్థమవుతుంది.‌

ఇక ఈ సినిమాలో బాలకృష్ణ సరసన హీరోయిన్‌గా  నయనతార నటించనుందని తెలుస్తోంది. ఆమెను టీమ్ ఖరారు చేసిందని టాక్. గతంలో ఈ ఇద్దరి కాంబినేషన్‌లో సింహా, శ్రీరామ రాజ్యం వంటి మంచి విజయం సాధించిన సినిమాలు వచ్చాయి. కాగా నయనతార పేరు అయితే సినిమా మేకర్స్ ఇంకా అఫీషియల్ గా తెలియజేయలేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.