గీత గోవిందం టీజర్‌కు 3.7 మిలియన్ వ్యూస్

పెళ్లి చూపులు, అర్జున్ రెడ్డి చిత్రాల ఫేమ్ విజయ్ దేవరకొండ నటించిన లేటెస్ట్ మూవీ గీత గోవిందం టీజర్‌కు భారీ స్పందన కనిపిస్తోంది. రెండు రోజుల క్రితం విడుదలైన ఈ టీజర్ ఇప్పటికే 3.7 మిలియన్ వ్యూస్ సొంతం చేసుకుంది. బన్నీ వ్యాస్ నిర్మించిన ఈ సినిమాను అల్లు అరవింద్ సమర్పించగా పరశురామ్ డైరెక్ట్ చేస్తున్నాడు. విజయ్ దేవరకొండ సరసన కన్నడ నటి రష్మిక మందన జంటగా నటించింది. పాతకాలం నాటి ఎవర్ గ్రీన్ మెలోడీ ట్యూన్ ''ఎన్నెన్నో జన్మల బంధం పాట''తో ప్రారంభమైన టీజర్‌లో ఆ తర్వాత మళ్లీ ఆధునిక కాలానికి అనుగుణమైన డైలాగ్స్ ఉన్న పలు సీన్స్ ఉండటంతో గీత గోవిందం టీజర్ టైటిల్‌కి తగినట్టుగానే ఆడియెన్స్ దృష్టిని ఆకట్టుకుంటోంది.

54 సెకన్ల నిడివి కగిలిన ఈ టీజర్‌ ఇప్పటికే దాదాపు లక్ష లైక్స్ సొంతం చేసుకోవడం మరో విశేషం.