Godfather Movie: ఎంతైనా మెగాస్టార్ మెగాస్టారే. కంటెంట్ రీమేక్ అయినా ఒక రేంజ్‌లో దూసుకుపోతోంది. చిరు నటించిన గాడ్ ఫాదర్ సినిమా టాలీవుడ్ బాక్సాఫీసుతో పాటు బాలీవుడ్ బాక్సాఫీసు కొల్లగొడుతోంది. విడుదలైన మూడ్రోజుల్లోనే 100 కోట్ల క్లబ్‌లో చేరిపోయింది. పొలిటికల్ యాక్షన్ థ్రిల్లర్‌లో మెగాస్టార్ ఇరగదీస్తున్నాడు.


COMMERCIAL BREAK
SCROLL TO CONTINUE READING

2019లో విడుదలైన మలయాళ చిత్రం లూసిఫర్‌కు తెలుగు రీమేక్‌గా వచ్చిన సినిమా గాడ్ ఫాదర్. మెగాస్టార్ చిరంజీవితో పాటు బాలీవుడ్ కండలవీరుడు సల్మాన్ ఖాన్ తొలిసారిగా నటించిన చిత్రమిది. చిరంజీవితో పాటు నయనతార, సత్యదేవ్ నటించిన ఈ సినిమాను కొణిదెల ప్రొడక్షన్ కంపెనీ, సూపర్ గుడ్ ఫిల్మ్స్ సంయుక్తంగా నిర్మించాయి. చిరంజీవి కెరీర్ బెస్ట్‌గా నిలిచిన ఖైదీ నెంబర్ 150 ను గాడ్ ఫాదర్ త్వరలోనే దాటనుంది. 


ఇటీవల విడుదలైన కార్తికేయ 2 సినిమా బాలీవుడ్ బాక్సాఫీసును కొల్లగొట్టింది. ఇప్పుడు మరో తెలుగు సినిమా గాడ్ ఫాదర్ అంతకుమించిన కలెక్షన్లు రాబడుతోంది ఉత్తరాదిలో. గాడ్ ఫాదర్ సినిమాకు అంతకంతకూ ఆదరణ పెరిగిపోతోంది. ఫలితంగా ఉత్తరాదిన సినిమా విడుదలైన థియేటర్ల సంఖ్య 600కు పెరిగింది. ప్రపంచవ్యాప్తంగా ఇప్పటికే వంద కోట్లు రాబట్టిందని ప్రముఖ సినీ విమర్శకుడు మనోబాల విజయబాలన్ ట్వీట్ చేశారు. ఈ సినిమా ఒరిజినల్ కంటెంట్ కంటే బాగుందనే టాక్ తెచ్చుకోవడం గమనార్హం. తెలుగు, హిందీ భాషల్లో విడుదలైన ఈ సినిమా త్వరలో తమిళంలో సైతం విడుదల కానుంది. 


హృతిక్ రోషన్ నటించిన విక్రమ్ వేదను కాదని..చిరంజీవి గాడ్ ఫాదర్ సినిమాకు స్క్రీన్లు భారీగా పెంచడం ఉత్తరాదిలో హాట్ టాపిక్‌గా మారింది. బాలీవుడ్‌లో టాలీవుడ్ ఆధిపత్యం పెరుగుతోందనేది గాడ్ ఫాదర్ సినిమాతో మరోసారి రుజువైంది. 


Also read: Sobhita Dhulipala Pics: బ్యూటీ ఇన్ బ్లాక్.. కుర్రకారు మనసు దోచేస్తున్న శోభిత ధూళిపాళ!



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.    


Android Link - https://play.google.com/store/apps/details?id=com.indiadotcom.zeetelugu  


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook