HCA Member Monica GLeberman : ఎన్టీఆర్ ఫ్యాన్స్ పరువుతీసిన హాలీవుడ్ క్రిటిక్స్ అసోసియేషన్ మెంబర్.. ట్రోలింగ్‌పై ట్వీట్

Monica GLeberman ABout Ram Charan గత వారం నుంచి రామ్ చరణ్ గురించి సోషల్ మీడియాలో వస్తోన్న వార్తలు, హాలీవుడ్ అడ్డాలో రామ్ చరణ్‌ సందడి గురించి అందరికీ తెలిసిందే. రామ్ చరణ్ గత వారం రోజులుగా సోషల్ మీడియాలో ట్రెండ్ అవుతూనే ఉన్నాడు. హాలీవుడ్ క్రిటిక్స్ అసోసియేషన్ నుంచి ప్రత్యేక ఆహ్వానం రావడం, అక్కడకి వెళ్లి అవార్డును ప్రజెంట్ చేయడం, ఆర్ఆర్ఆర్ సినిమాకు నాలుగు అవార్డులు రావడం అందరికీ తెలిసిందే.

రామ్ చరణ్‌ను బెస్ట్ యాక్టర్ అని, ఇండియన్ సూపర్ స్టార్ అని హాలీవుడ్ నటీనటులు పొగిడేశారు. హాలీవుడ్ నటీనటులు, హెచ్‌సీఏ మెంబర్స్ సైతం రామ్ చరణ్‌ను ఆకాశానికెత్తేశారు. అయితే ఓ నటి మాత్రం రామ్ చరణ్‌ అని పలకలేకపోయింది. రామ్ అని పిలిచింది. ఆ తరువాత చరణ్ అని పిలిచింది. దీంతో నందమూరి ఫ్యాన్స్ ఆ క్లిప్పుని ట్రోల్ చేశారు. నీ పేరు కూడా వాళ్లకి సరిగ్గా తెలియడం లేదు కదా? అని ట్రోల్ చేశారు.

ఇక హెచ్‌సీఏ మెంబర్ అయిన మోనికా గ్లెబర్మన్ అయితే రామ్ చరణ్ పక్కన నిల్చోవడంతోనే సంబరపడిపోయింది. ఆ ఉత్సుకతను ఆపుకోలేక ఈవెంట్ కంటే ముందే రామ్ చరణ్‌తో దిగిన ఫోటోను షేర్ చేసింది. దీంతో ఎన్టీఆర్ అభిమానులు ఆ ట్వీట్‌ను ట్రోల్ చేశారు. పెయిడ్ క్యాంపైన్ మొదలు పెట్టారు. దీంతో ఈ ట్రోలింగ్‌ను చూసిన సదరు నటి, హోస్ట్, మెంబర్ మండి పడింది.

అసలు విషయాన్ని చెప్పింది. అదేమీ పెయిడ్ ట్వీట్ కాదని, తనకు ఎవ్వరూ డబ్బులు ఇవ్వలేదని, రామ్ చరణ్‌ను చూసిన ఆనందంలోనే ఆ ట్వీట్ ముందుగా పెట్టాను అని వివరణ ఇచ్చింది. దీంతో ఎన్టీఆర్ ఫ్యాన్స్‌కు పరోక్షంగా కౌంటర్లు వేసినట్టు అయింది. మొత్తానికి మన ఫ్యాన్ వార్ మాత్రం హాలీవుడ్‌ రేంజ్‌లో సెగ తాకినట్టు కనిపిస్తోంది.

ఇక ఆర్ఆర్ఆర్ సినిమాలోని నాటు నాటు పాట అయితే ఆస్కార్ లెవెల్లో సత్తా చాటేలా కనిపిస్తోంది. ఆస్కార్ నామినేషన్‌లో ఒరిజినల్ సాంగ్ కేటగిరీలో నాటు నాటు పాట ఉండటమే ఓ చరిత్రలా నిలిచింది. ఒక వేళ ఆస్కార్ గెలిస్తే మాత్రం ఇండియన్ మూవీ హిస్టరీలోనే ఓ రికార్డ్ అవుతుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.