ప్రముఖ బాలీవుడ్ మ్యూజిక్ కంపోజర్, సింగర్ హిమేష్ రేషమ్మియా తన గాళ్‌ఫ్రెండ్ సోనియా కపూర్‌ని పెళ్లి చేసుకోనున్నాడు. శుక్రవారం ముంబైలోని సొంత నివాసంలో అత్యంత సమీప బంధువులు, సన్నిహితమిత్రుల మధ్య ఈ వివాహ వేడుక జరగనుంది. అనంతరం రాత్రి రిసెప్షన్ ఏర్పాటు చేసినట్టు తెలుస్తోంది. గత కాలంగా డేటింగ్‌లో వున్న ఈ జంట ఇప్పుడు వివాహబంధం ద్వారా ఒక్కటవబోతోంది. హిమేష్ రేషమ్మియాకు 24 ఏళ్ల క్రితమే మొదటిసారి పెళ్లి జరగ్గా రెండేళ్ల క్రితం ఇరువురూ పరస్పర అంగీకారంతో విడాకులు తీసుకున్నారు. మొదటి భార్య కోమల్ ద్వారా హిమేష్ రేషమ్మియాకు ఓ కొడుకు కూడా వున్నాడు. ఇప్పుడు హిమేష్ రేషమ్మియా పెళ్లి వేడుకలోనూ అతడి కొడుకు సందడే ప్రత్యేకం అంటున్నాయి బాలీవుడ్ వర్గాలు.   


COMMERCIAL BREAK
SCROLL TO CONTINUE READING

ప్రముఖ బాలీవుడ్ సినీ విశ్లేషకులు తరణ్ ఆదర్శ్ సైతం హిమేష్ రేషమ్మియా పెళ్లి గురించి ఓ ట్వీట్ చేశాడు. 


ఈ మే నెల బాలీవుడ్ జంటల పెళ్లిళ్లకు బాగా కలిసొచ్చినట్టుంది. మొన్నటికిమొన్న 8వ తేదీన సోనమ్ కపూర్-ఆనంద్ అహుజ పెళ్లి జరిగిన సంగతి తెలిసిందే. ఆ తర్వాత నిన్న మే 10వ తేదీన బాలీవుడ్ నటి నేహా దూపియా తన బాయ్ ఫ్రెండ్ అంగడ్ బేడీని పెళ్లి చేసుకోగా తాజాగా మే 11న హిమేష్ రేషమ్మియా కూడా తన గాళ్‌ఫ్రెండ్ సోనియా కపూర్‌తో పెళ్లికి రెడీ అయ్యాడు.