K.P.A.C. Lalitha Died: ఇండస్ట్రీని కుదిపేస్తున్న వరుస మరణాలు.. పరిశ్రమలో మరో నటి మృతి

K.P.A.C. Lalitha Died: భారతీయ చిత్ర పరిశ్రమను వరుస మరణాలు కుదిపేస్తున్నాయి. మలయాళ చిత్ర పరిశ్రమలో ఇప్పుడు మరో విషాదం నెలకొంది. సీనియర్ నటి కేపీఏసీ లలిత మంగళవారం రాత్రి తుదిశ్వాస విడిచారు. కొంతకాలంగా అనారోగ్యంతో బాధపడుతున్న కేపీఏసీ లలిత.. ఇటీవలే ఆస్పత్రిలో చేరి చికిత్స పొందుతున్నారు. మంగళవారం రాత్రి ఆమె ఆరోగ్యం మరింత క్షీణించడం వల్ల మృతి చెందినట్లు వైద్యులు తెలిపారు. 

కేపీఏసీ లలిత సినీ ప్రయాణం

కేపీఏసీ లలిత అసలు పేరు మహేశ్వరి అమ్మ. దాదాపుగా 50 ఏళ్ల సినిమా కెరీర్ లో ఆమె 550కి పైగా సినిమాల్లో నటించారు. మలయాళం సినిమా కమర్షియల్ అండ్ ఆర్ట్ స్కూల్ లో రాణించారు. చివరిగా కేరళకు చెందిన సంగీత నాటక అకాడమీకి ఆమె ఛైర్ పర్సన్ గా ఉన్నారు. లలిత.. తన నటనకు గానూ రెండు జాతీయ అవార్డులు, నాలుగు రాష్ట్ర పురస్కారాలను అందుకున్నారు. 

మలయాళ చిత్ర నిర్మాత భరతన్ ను కేపీఏసీ లలిల వివాహమాడారు. వీరికి ఇద్దరు సంతానం. సిద్ధార్థ్ భరతన్, కుమార్తె శ్రీకుట్టి భరతన్. లలిత మరణవార్త విన్న సౌత్ చిత్ర పరిశ్రమ దిగ్భ్రాంతికి లోనయ్యింది. ఆమె మృతి పట్ల పలువురు ప్రముఖులు సోషల్ మీడియా వేదికగా తమ సంతాపాన్ని తెలియజేశారు. మలయాళ నటుడు పృధ్వీరాజ్ సుకుమారన్, కీర్తి సురేష్, మంజూ వారియర్ వంటి వారు కేపీఏసీ లలిత జ్ఞాపకాలను గుర్తుచేసుకొని భావోద్వేగానికి లోనయ్యారు.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe