Indian 2: భారతీయుడు 2 లో సేనాపతి వయసు.. దిమ్మతిరిగే జవాబు ఇచ్చిన కమల్ హాసన్

Indian 2 Story: కమల్ హాసన్ హీరోగా.. తెరకేక్కుతున్న భారతీయుడు 2 సినిమాపై.. అంచనాలు రోజురోజుకీ పెరుగుతూ వస్తున్నాయి. ఈ మధ్యనే విడుదలైన ఈ చిత్ర ట్రైలర్.. ప్రేక్షకులకి చాలా బాగా నచ్చింది. అయితే ఈ సినిమాలో.. సేనపతి పాత్ర వయసు ఎంత ఉంటుందో.. అని సోషల్ మీడియాలో పెద్ద చర్చ మొదలైంది. 

తాజాగా ఒక ఇంటర్వ్యూలో మాట్లాడుతున్నప్పుడు.. కమల్ హాసన్ కు కూడా ఇదే ప్రశ్న ఎదురైంది. సినిమాలో సేనపతి పాత్ర వయసు ఎంత ఉంటుంది.. అని అడగగా కమల్ హాసన్ దానికి అదిరిపోయే జవాబు ఇచ్చారు. "వయసు గురించి అడుగుతుంటే చాలా సిగ్గుగా ఉంది. అసలు ఈ ప్రశ్నకి జవాబు చెప్పకూడదు. కానీ నేను చెబుతాను. మీరు ఎప్పుడు సూపర్ మాన్.. వయసు అడగలేదు. హనుమాన్ వయసు కూడా అడగలేదు. మరి సేనాపతి వయసు.. మాత్రం ఎందుకు" అంటూ షాకింగ్ ఆన్సర్ ఇచ్చారు.

"అతను ప్రతి చోటా ఉంటాడు. ఎన్నో యుగాలు దాటుకుంటూ.. వస్తాడు. అందుకే అందరిలో కెల్లా ఎక్కువ కాలం జీవించిన.. దేవుడు" అని చెప్పుకొచ్చారు కమల్ హాసన్. ఇక సినిమాలో కమల్ హాసన్ తండ్రిగా మాత్రమే కాక కొడుకుగా కూడా కనిపించబోతున్నారు. 

సిద్ధార్థ్, రకుల్ ప్రీత్ సింగ్, ఎస్ జె సూర్య, బాబి సింహ, ప్రియ భవాని శంకర్ తదితరులు.. ఈ సినిమాలో కీలక పాత్రలలో కనిపించనున్నారు. హీరోయిన్గా నటిస్తున్న కాజల్ అగర్వాల్ ఈ సినిమా సీక్వెల్.. భారతీయుడు 3లో కనిపించనుంది. ప్రముఖ కోలీవుడ్ నటులు వివేక్, నెడుముడి వేణు కూడా ఈ సినిమాలో కనిపిస్తున్నారు.

తెలుగు తమిళ్లో మాత్రమే కాక హిందీలో కూడా ఈ సినిమా భారీ అంచనాల మధ్య ఈ ఏడాది జులై 12న విడుదల కాబోతోంది. ఇప్పటికే విడుదలైన సినిమా ట్రైలర్ సినిమాపై మంచి అంచనాలు.. క్రియేట్ చేసింది. లైకా ప్రొడక్షన్స్ పతాకంపై శుభస్కరన్ అల్లి రాజా సినిమాని భారీ బడ్జెట్ తో నిర్మించారు. పొలిటికల్ త్రిల్లర్ ఈ చిత్రం కోసం అభిమానులు కళ్ళు కాయలు కాచేలా ఎదురుచూస్తున్నారు. అనిరుద్ రవిచందర్ ఈ సినిమాకి సంగీతాన్ని అందిస్తున్నారు.

ఇక భారతీయుడు 2 కాకుండా కమల్ హాసన్ చేతిలో బోలెడు భారీ బడ్జెట్ ప్రాజెక్టులు.. ఉన్నాయి. ముఖ్యంగా కల్కి 2898 ఏడి సినిమాలో సుప్రీమ్ యాస్కీన్ పాత్రలో అందరి దృష్టిని ఆకర్షించిన కమల్ హాసన్.. ఇప్పుడు ఆ సినిమాకి సీక్వెల్ లో కూడా నటిస్తున్నారు. అంతేకాకుండా కమల్ హాసన్ భారతీయుడు 2 సినిమాకి రెండవ భాగంగా విడుదల కాబోతున్న భారతీయుడు 3 సినిమాలో కూడా కనిపించనున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.