Vijay deverakonda: ఖుషి సూపర్ హిట్.. యాదాద్రీశుడిని సేవలో విజయ్‌ దేవరకొండ..

Vijay deverakonda visit Yadadri: విజ‌య్ దేవ‌ర‌కొండ (Vijay deverakonda), సమంత (Samantha) లీడ్ రోల్స్ లో నటించిన చిత్రం ఖుషి (Kushi). రొమాంటిక్‌ ఫ్యామిలీ ఎంటర్‌టైనర్‌గా ఈ సినిమా సూపర్ హిట్ టాక్ తెచ్చుకుంది. ఈ నేపథ్యంలో ఖుషి మూవీ టీమ్ ఇవాళ యాదాద్రి శ్రీ లక్ష్మీనరసింహ స్వామి వారిని దర్శించుకుంది. విజయ్ దేవరకొండతోపాటు ఆయన కుటుంబ సభ్యులు, చిత్రయూనిట్ కూడా శ్రీ లక్ష్మీనరసింహ స్వామి వారి సేవలో పాల్గొన్నారు. అర్చకులు వారందరినీ ఆశీర్వాదించారు. 

శివ నిర్వాణ దర్శకత్వం వహించిన ఖుషి మూవీ పాన్ ఇండియా స్థాయిలో తెలుగు, తమిళం, హిందీ, కన్నడ, మలయాళ భాషల్లో సెప్టెంబర్‌1న గ్రాండ్‌గా విడుదలైంది. ప్రస్తుతం ఈ మూవీ పాజిటివ్ టాక్ తో నడుస్తోంది. తొలి రోజు ఈ మూవీ రికార్డు స్థాయి వసూళ్లను సాధించింది. విజయ్ కెరీర్ లోనే ఈ చిత్రం భారీ ఓపెనింగ్స్ రాబట్టింది. మైత్రీ మూవీ మేక‌ర్స్ తెరకెక్కించిన ఈ చిత్రంలో ముర‌ళీ శ‌ర్మ‌, ల‌క్ష్మి, స‌చిన్ ఖ‌డేక‌ర్‌, అలీ, రోహిణి, వెన్నెల కిశోర్‌, రాహుల్ రామ‌కృష్ణ‌, శ్రీకాంత్ అయ్యంగార్‌, కన్నడ యాక్టర్‌ జ‌య‌రాం తదితరులు కీ రోల్స్ చేశారు. ఈ సినిమాకు హీష‌మ్ అబ్దుల్ వ‌హాబ్ సంగీతాన్ని అందించాడు.

లైగర్‌ డిజాస్టర్‌ తర్వాత మంచి సక్సెస్‌ అందుకోవడంతో విజయ్‌ దేవరకొండ ఫ్యాన్స్ ఫుల్ ఖుషీగా ఉన్నారు. మెుత్తంగా ఈ మూవీ తొలి రోజు ప్రపంచవ్యాప్తంగా 27 కోట్ల గ్రాస్‌ను, 16 కోట్ల షేర్ వ‌సూళ్ల‌ను రాబ‌ట్టిన‌ట్లు ట్రేడ్ వ‌ర్గాలు వెల్లడించాయి. తెలుగు రాష్ట్రాల్లో 15 కోట్ల 90 ల‌క్ష‌ల గ్రాస్‌ను, 10 కోట్ల‌కు వ‌ర‌కు షేర్‌ కలెక్షన్స్ ను ఖుషి మూవీ దక్కించుకుంది. ఈ మూవీ 52 కోట్ల వరకు ప్రీ రిలీజ్ బిజినెస్ చేసినట్లు తెలుస్తోంది.  ఈ మూవీలో విజయ్, సామ్ కెమిస్ట్రీ అదిరింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.