Lucky Baskhar: డ్రగ్స్‌, లిక్కర్‌ కన్నా డబ్బు ఇచ్చే కిక్ ఎక్కువ.. దుల్కార్‌ సల్మాన్‌ `లక్కీ భాస్కర్` ట్రైలర్

Lucky Baskhar Trailer: 'మహానటి', 'సీతారామం'తో తెలుగు ప్రేక్షకులను తన ప్రేమలో వేసుకున్న దుల్కార్‌ సల్మాన్‌ 'లక్కీ భాస్కర్‌'గా మరోసారి ప్రేక్షకుల ముందుకు వస్తున్నాడు. వెంకీ అట్లూరి దర్శకత్వంలో.. సూర్యదేవర నాగవంశీ నిర్మాణంలో సితార ఎంటర్‌టైన్‌మెంట్స్‌ బ్యానర్‌పై రూపుదిద్దుకుంటున్న ఈ సినిమాకు సంబంధించిన ట్రైలర్‌ సోమవారం విడుదలైంది. మీనాక్షి చౌదరితో జత కట్టిన దుల్కర్‌ సల్మాన్‌ ప్రేక్షకులను కట్టిపడేశాడు. ఈ ట్రైలర్‌తో మరోసారి దుల్కర్‌ ప్రేక్షకులను మెప్పించనున్నాడో లేదో చూద్దాం.

ఒక సాధారణ బ్యాంకు ఉద్యోగిగా కెరీర్‌ ప్రారంభించి ఆర్థిక కష్టాలు భరించలేక చివరకు అత్యంత ధనవంతుడిగా ఎదిగిన నేపథ్యమే సినిమా కథగా తెలుస్తోంది. అయితే ధనవంతుడిగా ఎలా ఎదిగాడు.. ఎలాంటి ఇబ్బందులు ఎదుర్కొన్నాడనేదే ఆసక్తికర కథాంశంగా ట్రైలర్‌ను చూస్తే చెప్పవచ్చు. సుమతీ, దుల్కర్‌ భార్యాభర్తలుగా సినిమాలో కనిపించారు. భార్య పాత్రలో మీనాక్షి చౌదరి ప్రత్యేకంగా కనిపించారు. ఇప్పటికే టీజర్, పాటలు ఆకట్టుకోగా ట్రైలర్‌తో సినిమాపై భారీ అంచనాలు ఏర్పడ్డాయని చెప్పవచ్చు.

ట్రైలర్‌లో ముఖ్యంగా డైలాగ్స్‌ ఆకట్టుకున్నాయి. 'సుమతీ, ఐయామ్‌ నాట్‌ బ్యాడ్‌.. ఐ యామ్‌ జస్ట్‌ రిచ్‌', 'సిగరెట్, అల్కహాల్, డ్రగ్స్ ఇచ్చే కిక్ కన్నా డబ్బు ఇచ్చే కిక్ ఎక్కువ' వంటి సంభాషణలు సినిమాపై అంచనాలు పెంచేశాయి. దుల్కర్‌ నటన సినిమాకు హైలెట్‌గా నిలుస్తుందని తెలుస్తోంది. డీవోపీ నిమిష్ రవి, జీవీ ప్రకాశ్‌ కుమార్ నేపథ్య సంగీతం ట్రైలర్‌కు అదనపు బలంగా నిలిచింది. పాతకాలం నాటి దృశ్యాలను తెరపై చక్కగా కనిపించనుందని తెలుగు, మలయాళం, తమిళం, హిందీ, కన్నడ భాషల్లో దీపావళి సందర్భంగా అక్టోబర్ 31వ తేదీన లక్కీ భాస్కర్‌ ప్రపంచ వ్యాప్తంగా భారీస్థాయిలో విడుదల కానుంది. 14 నెలల తర్వాత 'లక్కీ భాస్కర్'గా వస్తున్న దుల్కర్‌ వస్తుండగా మరి ఈ సినిమా ప్రేక్షకులు ఎలా ఆదరిస్తారోనేది ఆసక్తిగా ఉంది. మహానటి, ప్రేమమ్‌ తర్వాత అంతటి భారీ అంచనాలు దుల్కర్‌ సల్మాన్‌ 'లక్కీ భాస్కర్‌'పై ఉంచారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.