Pawan Kalyan Martial Arts : పవన్ కళ్యాణ్ మీద ట్రోలింగ్.. మంచో చెడో కానీ సంతోషంగా ఉందన్న మంచు లక్ష్మీ

Pawan Kalyan Martial Arts పవన్ కళ్యాణ్‌ సోషల్ మీడియాలో ఎప్పుడూ ఏదో ఒక చర్చ నడుస్తూనే ఉంటుంది. పవన్ కళ్యాణ్‌ మీద రాజకీయంగా ఎన్ని ట్రోల్స్ చేస్తారో అందరికీ తెలిసిందే. జన సైనికులకు, వైసీపీ శ్రేణులకు సోషల్ మీడియాలో ఎప్పుడూ యుద్దం నడుస్తూనే ఉంటుంది. తాజాగా హరి హర వీరమల్లు సినిమా కోసం పవన్ కళ్యాణ్‌ మార్షల్ ఆర్ట్స్ ప్రాక్టీస్ చేస్తోన్న స్టిల్‌ను షేర్ చేశారు. దాని వైసీపీ నాయకులు కూడా స్పందించారు. దీన్ని మార్షల్ ఆర్ట్స్ అంటారా? ఏంటా పిచ్చి చేష్టలు అంటూ దారుణంగా తిట్టేశారు.

అయితే ఇప్పుడు వైసీపీ శ్రేణుల ట్రోలింగ్‌లో మంచు లక్ష్మీ వచ్చింది. చివరకు నువ్ మంచు లక్ష్మీని కాపీ కొట్టి స్టిల్స్ పెడుతున్నావ్ అంటూ మీమ్స్ వేశారు. ఇందులో మంచు లక్ష్మీ కలరి పట్టు నేర్చుకుంటున్నప్పుడు దిగిన స్టిల్స్‌ను పెట్టి పవన్ కళ్యాణ్‌ను ట్రోల్ చేశారు. అయితే దీనిపై మంచు లక్ష్మీ స్పందించింది. మంచో చెడో ఏదో ఒకటి గానీ.. పవన్ కళ్యాణ్ గారి పక్కన నా ఫోటో పెట్టడం నాకు సంతోషంగా అనిపిస్తోందంటూ పవన్ కళ్యాణ్‌ మీదున్న ప్రేమను చెప్పకనే చెప్పేసింది.

కానీ మంచు లక్ష్మీ వేసిన ఈ ట్వీట్ మీద పవర్ స్టార్ అభిమానులు మండిపడుతున్నారు. అలా పోల్చుకోవడానికి, ఆయన పక్కన ఉండటానికి యోగ్యత అనేది ఉండాలి అంటూ కౌంటర్లు వేస్తున్నారు.  పవన్ కళ్యాణ్‌ను కావాలనే ట్రోల్ చేస్తున్నావా? అంటూ అభిమానులు ఫైర్ అవుతున్నారు.

పవన్ కళ్యాణ్‌ ప్రస్తుతం వరుస సినిమాలతో బిజీగా ఉన్నాడు. హరి హర వీరమల్లు సెట్స్ మీదుండగా.. మొన్న సుజిత్‌ సినిమాను ప్రారంభించాడు. నిన్న హరీష్ శంకర్‌తో ఉస్తాద్ భగత్ సింగ్ అనే సినిమాను స్టార్ట్ చేశాడు. ఇక రేపు ఇంకేదైనా కొత్త సినిమాను ప్రకటించినా ఆశ్చర్యపోవాల్సిన పని లేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.