Mega Fans Fire on Mythri Movie : బాలయ్య అంటే భయమా?.. చిరుపై అలసత్వమా?.. మైత్రీపై మెగా ఫ్యాన్స్ ఫైర్

Mega Fans Fire on Mythri Movie మెగా అభిమానులు ప్రస్తుతం మైత్రీ సంస్థ మీద గుర్రుగా ఉన్నారు. చెప్పిన టైంకి పాటలు రిలీజ్ చేయడం లేదని చిరంజీవి అభిమానులు మండి పడుతున్నారు. అదే బాలయ్య వీర సింహా రెడ్డి నుంచి అయితే చెప్పిన టైంకి పాటలు రిలీజ్ చేస్తున్నారని ఫైర్ అవుతున్నారు. ఇప్పుడు వీరయ్య టైటిల్ సాంగ్‌ను 7:02 గంలకు రిలీజ్ చేస్తామని చెప్పారు. కానీ ఇంత వరకు రిలీజ్ చేయలేదు. దీంతో అభిమానులు దారుణంగా బూతులు తిడుతు కామెంట్లు పెడుతున్నారు.

మామూలుగానే అభిమానులు ఇలాంటి విషయంలో ఎంతో దారుణంగా ప్రవర్తిస్తుంటారు. తమ అభిమాన హీరో సినిమా అప్డేట్ల విషయంలో కాస్త సున్నితంగానే ఉంటారు. అప్డేట్లు ఇవ్వడం లేదని నిర్మాణ సంస్థలను తిడతారు.. చెప్పిన టైంకి అప్డేట్లను రిలీజ్ చేయలేదని తిడతారు.. ఆలస్యం చేస్తే ఇంకా దారుణంగా తిడతారు.. పుష్ప టైంలో మైత్రీని, రాధే శ్యామ్ సమయంలో యూవీ క్రియేషన్స్‌ను ఎంతలా ఆడుకున్నారో అందరికీ తెలిసిందే.

కొణిదెల ప్రొడక్షన్‌ను సైతం మెగా అభిమానులు తిడుతుంటారు. సరిగ్గా మ్యానేజ్ చేయరని, అప్డేట్లు ఇవ్వరని అంటారు. ఫ్యాన్స్ ఈ ఆలస్యాన్ని మాత్రం భరించలేకపోతోన్నారు. అందుకే ఇప్పుడు వీరయ్య టైటిల్ సాంగ్ విషయంలో మైత్రీని ఆడుకుంటున్నారు. బాలయ్య సినిమా అప్డేట్లు మాత్రం చెప్పిన టైంకి ఇస్తున్నారు.. మాకు మాత్రం ఈ బాధ ఎందుకు అంటూ మైత్రీని నిలదీస్తున్నారు.

బాలయ్య అంటే భయమా? చిరంజీవి అంటే అంత అలుసా? అన్నట్టుగా అభిమానులు కామెంట్లు పెడుతున్నారు. లిరికల్ వీడియో కాస్త ఆలస్యం అవుతుందంటూ తీరిగ్గా మైత్రీ వేసిన ట్వీట్ మీద జనాలు మండి పడుతున్నారు. ఇలా నిర్మాణ సంస్థలు ఆలస్యం చేయకుండా, సాంకేతిక లోపం అనే కారణాలు చెప్పి ఆలస్యం చేయడం తగ్గించుకుంటే అభిమానుల నుంచి ఈ ట్రోలింగ్ తగ్గే అవకాశం ఉంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.