క్రిస్మస్ రోజున `గాయత్రి` ఫస్ట్ లుక్ రిలీజ్

విలక్షణ నటుడు మోహన్ బాబు నటన అద్భుతంగా ఉంటుంది. డైలాగ్ డెలివరీలో తెలుగు చలనచిత్ర పరిశ్రమలో ఇప్పటికి నటుల్లో ఈయన మాదిరి ఎవరూ చెప్పరు. ఆయన తాజాగా  'గాయత్రి' అనే సినిమాలో నటిస్తున్నారన్న సంగతి తెలిసిందే..!

క్రిస్మస్ కానుకగా "గాయత్రి"ఫస్ట్ లుక్ రిలీజ్ చేశారు చిత్ర యూనిట్. మోహన్ బాబు ప్రధాన పాత్రలో నటిస్తున్న 42వ చిత్రం ఇది. 'ఆరోజు రాముడు చేసింది తప్పయితే..నాదీ తప్పే'అనే శీర్షిక ఆకట్టుకొంటోంది. తాజా సమాచారం ప్రకారం ఈ సినిమాలో మోహన్ బాబు అటు హీరో, ఇటు విలన్ పాత్రలో కనిపించబోతున్నారట.

'గాయిత్రి' సినిమాని మోహన్ బాబు అరియానా, వివియానా మరియు విద్యా నిర్వాణ సమర్పణలో తన సొంత నిర్మాణ సంస్థ శ్రీ లక్ష్మి ప్రసన్న పిక్చర్స్ పై నిర్మిస్తున్నారు. మంచు విష్ణు, శ్రీయ, యాంకర్ అనసూయ, నిఖిలా విమల్ కీలక పాత్ర పోషిస్తున్నారు. ఈ సినిమా దర్శకుడు మదన్ రావిగాని, మ్యూజిక్ డైరెక్టర్ ఎస్.ఎస్. తమన్, ప్రస్తుతం ఈ చిత్రం పోస్ట్ ప్రొడక్షన్ పనుల్లో బిజీగా ఉన్నట్లు సమాచారం.