Bhagavath Kesari: `భగవత్ కేసరి`గా బాలయ్య.. అసలు కధ ఇదేనా?

Bhagavath Kesari Story Line: గాడ్ ఆఫ్ మాసెస్ గా అభిమానులు పిలుచుకుంటున్న నటసింహ నందమూరి బాలకృష్ణ, బ్లాక్‌ బస్టర్ డైరెక్టర్ అనిల్ రావిపూడి డైరెక్షన్ లో ఒక సినిమా చేస్తున్న సంగతి తెలిసిందే. షైన్ స్క్రీన్స్‌ బ్యానర్ సక్సెస్ ఫుల్ ప్రోడ్యూసర్ సాహు గారపాటి, హరీష్ పెద్ది.. నిర్మాణంలో తరికేకుతున్న #NBK108 కు 'భగవంత్ కేసరి' అనే పవర్ ఫుల్ టైటిల్ ఫిక్స్ చేసినట్లు అధికారికంగా ప్రకటించారు.

ఇది ఈ సినిమాలో బాలకృష్ణ పాత్ర పేరు అని తెలుస్తోంది. యూనిక్ యాక్షన్ ఎంటర్ టైనర్ గా తెరకెక్కుతున్న ఈ చిత్రానికి 'ఐ డోంట్ కేర్' క్యాప్షన్ ఈ సినిమాలో బాలకృష్ణ ఎవరినీ కేర్ చేయని పాత్రలో నటిస్తున్నట్లు క్లారిటీ ఇచ్చేస్తోంది. టైటిల్ లోగోలో భారతదేశ చిహ్నం (అశోక సింహ)తో అద్భుతంగా డిజైన్ చేయడం ఇప్పుడు కొత్త చర్చలకు దారి తీస్తోంది. బాలకృష్ణ సాల్ట్ అండ్ పెప్పర్ లుక్‌ లో డిఫరెంట్ డ్రెస్సింగ్ స్టైల్ లో అంటే బ్రౌన్ కలర్ కుర్తా,  ఫార్మల్ ప్యాంటు ధరించారు. ఆయన చేతులకు ఒక బ్రాస్లెట్,  ఒక వాచ్, మెడలో స్టోల్ ని కూడా మనం ఫస్ట్ లుక్ లో గమనించవచ్చు.

ఇక పోస్టర్ లో మోకాళ్లపై కూర్చున్న బాలకృష్ణ ఆవేశంతో ఒక ఆయుధాన్ని నేలపై కొడుతూ ఉండగా అప్పటి బ్యాగ్రౌండ్, బాలకృష్ణ ఎక్స్ ప్రెషన్ చూస్తే ఈ సినిమాలోని భారీ యాక్షన్ సీక్వెన్స్ లోది అని  అర్ధమౌతోంది. అనిల్ రావిపూడి ఈ సినిమాలో బాలకృష్ణను మునుపెన్నడూ చూడని గెటప్, క్యారెక్టర్‌ లో ప్రెజెంట్ చేస్తున్నట్టు ముందు నుంచి చెబుతున్నారు. టైటిల్ లాగే పోస్టర్ కూడా అందరి దృష్టిని ఆకర్షిస్తోంది.  అయితే ఈ సినిమాలో శ్రీలీల బాలకృష్ణ కుమార్తె పాత్రలో నటిస్తుందని ముందు నుంచి ప్రచారం జరుగుతున్న ఇప్పుడు సినిమా టైటిల్ లో మూడు సింహాలు గుర్తు చూస్తుంటే నందమూరి బాలకృష్ణ పోలీస్ అధికారి పాత్రలో నటిస్తున్నారా అనే అనుమానాలు కూడా వ్యక్తం అవుతున్నాయి.

శ్రీ లీల బాక్సర్ పాత్రలో కనిపిస్తుందని ప్రచారం జరుగుతూ ఉండడంతో బాక్సర్ గా ఉన్న కుమార్తె మీద జరగరానిది ఏదైనా జరిగితే దాన్ని పోలీసు అధికారిగా ఉండి రిటైర్ అయిన తండ్రి ఎలా రివెంజ్ తీర్చుకున్నాడు అనే కథ అయి ఉండవచ్చు అంటూ ప్రచారం జరుగుతోంది.. ఇక మరో పక్క టైటిల్ పోస్టర్‌ను ప్రత్యేకమైన పద్ధతిలో లాంచ్ చేశారు మేకర్స్. ఈ టైటిల్ పోస్టర్ల 108 లొకేషన్లలో 108 హోర్డింగ్‌లను ఏర్పాటు చేశారు. అంతే కాదు.. బాలకృష్ణ పుట్టినరోజు (జూన్ 10) కోసం మరిన్ని సర్ ప్రైజ్ లు ఉన్నాయని అంటున్నారు.  కాజల్ అగర్వాల్ కథానాయికగా నటిస్తుండగా బాలీవుడ్ నటుడు అర్జున్ రాంపాల్ ఈ సినిమాతో టాలీవుడ్‌లోకి ఎంట్రీ ఇస్తున్నాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.