Bhagavanth Kesari: భగవత్ కేసరి అంటూ వస్తున్న బాలయ్య.. ఇక్కడ కూడా వదల్లేదుగా!

Nandamuri Balakrishna NBK 108 Titled As Bhagavanth Kesari: చివరిగా వీర సింహారెడ్డి అనే సినిమాతో బ్లాక్ బస్టర్ హిట్ అందుకున్న నందమూరి బాలకృష్ణ ప్రస్తుతం అనిల్ రావిపూడి దర్శకత్వంలో ఒక సినిమా చేస్తున్న సంగతి తెలిసిందే. కాజల్ అగర్వాల్ ఈ సినిమాలో హీరోయిన్ గా నటిస్తూ ఉండగా యంగ్ హీరోయిన్ శ్రీ లీల ఒక కీలక పాత్రలో నటిస్తోంది. నందమూరి బాలకృష్ణ కుమార్తె పాత్రలో నటిస్తోందని ప్రచారం జరుగుతున్నా ఈ విషయం మీద అయితే అధికారికంగా క్లారిటీ లేదు.

ఇక ఈ సినిమాలో శ్రీలీల ఒక బాక్సర్ పాత్రలో కనిపిస్తుంది అని కూడా ప్రచారం జరుగుతుంది. కానీ ఇప్పటివరకు ఆ విషయం మీద మాత్రం ఎలాంటి క్లారిటీ అయితే లభించలేదు. అయితే నందమూరి బాలకృష్ణ పుట్టిన రోజు జూన్ 10వ తేదీన వస్తున్న నేపథ్యంలో రెండు రోజులు ముందుగానే అనిల్ రావిపూడి తన సినిమాకు సంబంధించిన అప్డేట్ ఇచ్చేశారు. నందమూరి బాలకృష్ణ ఫస్ట్ లుక్ తో పాటుగా సినిమా టైటిల్ కూడా అనౌన్స్ చేసేశారు.

భగవత్ కేసరి పేరుతో ఈ సినిమా తెరకెక్కబోతున్నట్లుగా అనిల్ రావిపూడి అధికారికంగా ప్రకటించారు. ఇక ఈ సినిమాకి సంబంధించిన ఫస్ట్ లుక్ సోషల్ మీడియాలో రిలీజ్ చేయగానే నందమూరి అభిమానులు అందరూ ఆశ్చర్యంతో కామెంట్లు పెడుతున్నారు. ఎందుకంటే నందమూరి బాలకృష్ణ ఈ సినిమాలో మునుపెన్నడూ లేని ఒక మాస్ లుక్ లో దర్శనమిస్తూ ఉండగా కొత్త ఆయుధంతో ఆయన కనిపిస్తున్నాడు. ఇక ఈ సినిమాని షైన్ స్క్రీన్స్ వానర్ మీద సాహు గారపాటి హరీష్ పెద్ది భారీ బడ్జెట్ తో నిర్మిస్తున్నారు.

నందమూరి బాలకృష్ణ కెరియర్ లో అత్యధిక కలెక్షన్లు రాబట్టిన వీర సింహారెడ్డి సినిమా కంటే ఈ సినిమా ఎక్కువ కలెక్షన్లు రాబడుతుందని అంచనాలు వ్యక్తం అవుతున్నాయి. ఇక మరో పక్కన నందమూరి బాలకృష్ణ తదుపరి చిత్రానికి సంబంధించిన అధికారిక ప్రకటన కూడా వెలువడే అవకాశాలు కనిపిస్తున్నాయి. ఇక 109వ సినిమాగా బాబి డైరెక్షన్ లో ఒక సినిమా ఓకే అయినట్లుగా చెబుతున్నారు. దానికి సంబంధించిన అధికారిక ప్రకటన కూడా పుట్టినరోజు నాడే వెలువడే అవకాశం ఉందని అంటున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.