Rajinikanth- Nani: రజినీకాంత్ సినిమాలో నాని.. కథను మలుపు తిప్పే పాత్రలో నేచురల్ స్టార్..

Rajinikanth- Nani: సూపర్ స్టార్ రజినీకాంత్ కొత్త చిత్రంలో నేచురల్ స్టార్ నాని నటించబోతున్నాడట. ప్రస్తుతం ఈ వార్త నెట్టింట విపరీతంగా వైరల్ అవుతోంది. జైభీమ్ ఫేమ్ టీజే జ్ఞాన‌వేల్‌తో ర‌జ‌నీకాంత్ ఓ సినిమాకు కమిట్ అయ్యాడు. రీసెంట్ గా ఈ సినిమాను అఫీషియల్ గా కూడా అనౌన్స్ చేశారు. ఈ చిత్రాన్ని లైకా ప్రొడక్షన్ సంస్థ నిర్మించనుంది. అనిరుధ్ సంగీతం అందించబోతున్న ఈ సినిమా షూటింగ్ త్వరలోనే ప్రారంభం కానుంది. 2024లో ఈ సినిమాను రిలీజ్ చేసేందుకు మేకర్స్ సన్నాహాలు చేస్తున్నారు. 

ఈ చిత్రంలో నానిది గెస్ట్ రోల్ కాదని.. సినిమాను మలుపు తిప్పే కీలకపాత్రగా తెలుస్తోంది. ఈ సినిమాను కూడా 'జైభీమ్' త‌ర‌హాలోనే సామాజిక స‌మ‌స్య‌ను చ‌ర్చిస్తూ తీయబోతున్నారట జ్ఞాన‌వేల్‌. నాని ఈ సినిమాకు ఓకే చెప్పాడా లేదా అనేది అధికారికంగా తెలియాల్సి ఉంది. ప్రస్తుతం నాని ‘'హాయ్ నాన్న'’ చిత్రంలో నటిస్తున్నాడు. సీతారామం ఫేమ్ మృణాల్ ఠాకూర్ హీరోయిన్ గా చేస్తున్న ఈ సినిమాలో శృతిహాసన్ ఓ కీలకపాత్రలో కనిపించనుంది. ఈ మూవీ ద్వారా శౌర్యవ్ దర్శకుడిగా పరిచయం కాబోతున్నాడు. ఇప్పటికే ఈ చిత్రం నుంచి పోస్టర్స్, గ్లింప్స్ కు అదిరిపోయే రెస్పాన్స్ వచ్చింది. దసరా సూపర్ హిట్ తర్వాత నాని నుంచి వస్తున్న సినిమా కావడంతో సినిమాపై భారీగానే అంచనాలు ఉన్నాయి.

మరోపక్క రజినీ ప్రస్తుతం 'జైలర్' సినిమాలో నటిస్తున్నాడు. సూపర్ స్టార్ కు జోడిగా తమన్నా నటిస్తోంది. నెల్స‌న్ దిలీప్ కుమార్ ద‌ర్వ‌క‌త్వం వహిస్తున్న ఈ సినిమాలో మోహ‌న్‌లాల్‌, శివ‌రాజ్‌కుమార్, ర‌మ్య‌కృష్ణ తదితరుల కీలకపాత్రలు పోషిస్తున్నారు. ఈ చిత్రం త్వరలోనే రిలీజ్ కానుంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu   

Apple Link - https://apps.apple.com/in/app/zee-telugu-news/id1633190712

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook