కరోనా వైరస్ ( Coronavirus ) ప్రపంచవ్యాప్తంగా విలయం సృష్టించింది. ఉహించని లాక్‌డౌన్ ( Lockdown ) తీసుకొచ్చింది. యావత్ మానవాళి పరిశుభ్రత, భౌతిక దూరం ( Social distance ) పాటించేలా చేసింది. ఇక కోట్లాదిమంది జానాన్ని ఇంట్లోనే కట్టి పడేసింది. ఇలాంటి తరుణంలో సెలబ్రెటీలు, ప్రముఖులు రకరకాల ఫీట్లతో సోషల్ మీడియా, బుల్లితెర వేదికలుగా జనం ముందుకు వచ్చారు.. ఐతే, వీళ్లకున్న ఫాలోయింగ్ వేరు. కానీ ఈ ఏడాది వయసున్న బుడ్డోడిని చూడండి. ఫాలోవర్లు 1.5 మిలియన్లు. అదెలాగంటరా.. వంటలు చేస్తూ సోషల్ మీడియాలో వైరల్ అవుతున్నాడు. 


ఇపుడీ పిల్లాడు చెఫ్ కోబి ఇన్‌స్టాగ్రామ్ ( Chef Kobe instagram ) సెలబ్రిటీ కూడా. పిల్లాడు ఏంటి... వంటలు ఏంటి అనుకోకండి.. ఈ బుడ్డోడికి వాళ్ల అమ్మ సాయం చేస్తుంది. ఇలా చేసిన వంటలను ఫిబ్రవరిలో ఇన్‌స్టాగ్రామ్‌లో తల్లి పోస్ట్ చేసింది. చెఫ్ డ్రెస్‌లో గరిటే తిప్పుతున్న బుడ్డోడి వీడియోలకు ఊహించని స్పందన వచ్చింది. ప్రస్తుతానికి ఫాలోవర్స్ పెరగడంతో కోబి ఈట్స్ పేరుతో వీడియోలను కంటిన్యూ చేస్తున్నారు. కరోనాతో ప్రపంచం మొత్తం ఇబ్బందులు పడుతుంటే.. తమ పిల్లోడి వీడియోలు ఇతరులకు ఆనందాన్ని పంచుతుండడంతో మురిసిపోతున్నారు తల్లిదండ్రులు యశ్లి, కైల్. అయితే ఈ బుడ్డోడిది ఏ దేశమో తెలుసుకునేందుకు నెటిజన్లు వెతుకుతున్నారంట.