Adipurush First Look : ప్రభాస్ హీరోగా ఆదిపురుష్ అనే చిత్రం రాబోతోన్న సంగతి తెలిసిందే. ఈ మూవీ కోసం కేవలం ప్రభాస్ అభిమానులే కాకుండా.. ఇండియా మొత్తం ఎదురుచూస్తోంది. అంతర్జాతీయంగా అనేక భాషల్లో ఈ చిత్రం విడుదల కాబోతోంది. ఈ మేరకు దర్శకుడు ఓం రౌత్ భారీ ప్లానింగ్ వేశాడు. ఇక రేపు అక్టోబర్ 2న సాయంత్రం అయోధ్యలో సరయు నది ఒడ్డున ఆదిపురుష్ టీజర్‌ను విడుదల చేయబోతోన్నారు. రాముడు నడయాడిన గడ్డ మీద ప్రభాస్ రాముడిగా నటించిన ఆదిపురుష్ సినిమా టీజర్ విడుదల చేస్తుండటంతో అందరి దృష్టి పడింది. ఇప్పటికే రిలీజ్ చేసిన ఫస్ట్ లుక్ అందరినీ మెప్పించింది.


COMMERCIAL BREAK
SCROLL TO CONTINUE READING

అయితే ఈ ఫస్ట్ లుక్ పోస్టర్లో ప్రభాస్ మొహాన్ని అంత క్లియర్‌గా చూపించలేదు. రాముడి రూపం కనిపించేలా కూడా పోస్టర్‌ను డిజైన్ చేయలేదు. టీజర్ మీద మరింత ఆసక్తి పెంచేలా.. పోస్టర్‌ను అలా రిలీజ్ చేశారనే టాక్ కూడా ఉంది. అయితే ఫస్ట్ లుక్ పోస్టర్ మీద మరింతగా చర్చలు, కాంట్రవర్సీలు మొదలవుతున్నాయి. రాముడికి గడ్డం, మీసాలు ఉంటాయా? అని కొందరు ప్రశ్నలను లేవనెత్తుతున్నారు.


ఎందుకంటే మనం ఏ దేవుడి ఫోటో చూసినా, ఏ చిత్రపటం చూసినా కూడా అందులో గడ్డాలు గానీ మీసాలు గానీ కనిపించవు. మరి నిజంగానే దేవుళ్లు అలా ఉంటారా? అన్నది ఇప్పుడు చర్చనీయాంశంగా మారింది. అయితే ఈ మేరకు డార్లింగ్ ఫ్యాన్స్ ఓ వీడియోను షేర్ చేస్తున్నారు. ఇందులో డా. అనంత లక్ష్మీ అనే మహిళ.. అసలు విషయాన్ని చెప్పింది.


రాజా రవివర్మ వేసిన చిత్రాలు, బొమ్మల ఆధారంగా ఇప్పుడు దేవుళ్ల ఫోటోలు చెలామణిలోకి వచ్చాయట. రాజా రవివర్మది కేరళ. అక్కడ మగాళ్లకు గడ్డాలు, మీసాలు ఉండవట. అందుకే రవివర్మ తనకు తెలిసినట్టుగా బొమ్మలను గీశారట. అప్పటి నుంచి ఏ దేవుడి ఫోటోలు చూసినా కూడా గడ్డాలు మీసాలు లేకుండా కనిపించడం ప్రారంభించాయట. అయితే రాముడికి గడ్డాలు మీసాలు ఉండేవని నొక్కి వక్కాణించారు. ఎందుకంటే వనవాసం తరువాత అయోధ్యకు తిరిగి వస్తున్న రాముడికి సంప్రదాయబద్దంగా గడ్డం, మీసం తీయించి.. తీసుకెళ్లారట. ఈ విషయాన్ని చెబుతూ ఆమె చెప్పిన వీడియోను ఇప్పుడు డార్లింగ్ ప్రభాస్ ఫ్యాన్స్ వైరల్ చేస్తున్నారు.


 



మరి ఇప్పటికైనా ఈ వివాదాలు, అర్థం పర్థం లేని చర్చలకు పుల్ స్టాప్ పెడతారో లేదో చూడాలి. ఈ ఫస్ట్ లుక్ పోస్టర్ విషయంలోనే ఈ రేంజ్‌లో ఉంటే.. రేపు టీజర్ రిలీజ్ అయ్యాక ఇంకెన్ని విషయాలు చర్చలకు వస్తాయో.. ఎంత మంది ట్రోలింగ్ వేస్తారో.. ఎంత మంది పొగుడుతారో చూడాలి. ఏది ఏమైనా ఈ సినిమా మాత్రం వచ్చే ఏడాది సంక్రాంతి బరిలో ఇండియన్ బాక్సాఫీస్‌‌ను షేక్ చేసేట్టు కనిపిస్తోంది. ఇందులో సీతగా కృతి సనన్ కనిపించనున్న సంగతి తెలిసిందే. రావణుడిగా సైఫ్ అలీ ఖాన్ నటించాడు.


Also Read : సురోహి, సుత్తి అంతా ఇకపై కనిపించదా?.. నాలుగో వారంలో ఆరోహి అవుట్


Also Read : అందాలకు అడ్డుగా పెట్టేసింది.. శ్రియా ఫోటోలు వైరల్


 



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


Android Link - https://bit.ly/3P3R74U


Apple Link - https://apple.co/3loQYe 


Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి