Salaar Review in Telugu: కేజీఎఫ్ దర్శకుడు ప్రశాంత్ నీల్ దర్శకత్వంలో రెబల్ స్టార్ ప్రభాస్ హీరోగా నటించిన భారీ యాక్షన్ సినిమా సలార్. భారీ అంచనాల నడుమ ఈ సినిమా మొదటి భాగం ఈరోజు డిసెంబర్ 22న ప్రపంచ వ్యాప్తంగా విడుదల అయ్యింది. కాగా ఈ సినిమా మొదటి షో అమెరికాలో గురువారం సాయంత్రమే పడగా.. అక్కడివారు ఈ సినిమాని ఆకాశానికి ఎత్తేస్తున్నారు. ప్రభాస్ అభిమానులు బాహుబలి తర్వాత మళ్లీ తమ హీరోకి సూపర్ హిట్ వచ్చేసింది అంటూ ట్విట్టర్ లో పోస్టులు పెడుతున్నారు.


COMMERCIAL BREAK
SCROLL TO CONTINUE READING

ఈ సందర్బంగా ఈ సినిమాకు సంబంధించిన ట్విట్టర్ రివ్యూలు ప్రస్తుతం వైరల్ అవుతున్నాయి. యాక్షన్ డ్రామా నేపథ్యంలో  వచ్చిన ఈ కథ ఇద్దరు స్నేహితులు ..ఆ తర్వాత శతృవులుగా మారడం గురించి అని తెలుస్తోంది. అయితే రెండు భాగాలుగా ప్లాన్ చేసిన ఈ సినిమా మొదటి భాగం ప్రీ క్లైమాక్స్ లో దర్శకుడు అదిరిపోయే ట్విస్ట్ ఇచ్చారని.. ఇందువల్ల ఈ సినిమా రెండో భాగం పైన అంచనాలు భారీగా పెరిగిపోయాయని ట్విట్టర్ లో పెడుతున్నారు.


 



2023 సంవత్సరం బిగ్గెస్ట్ హిట్ గా సలార్ మూవీ నిలుస్తుందని అభిప్రాయాలు వ్యక్తమవుతున్నాయి. తన గత సినిమాలతో నిరాశపరిచిన ప్రభాస్ ఫైనల్ గా సలార్ తో బ్లాక్ బస్టర్ అందుకున్నారని టాక్ వినిపిస్తుంది.


 



ఇక ఈ సినిమా గురించి వినిపిస్తున్న ఇంట్రెస్టింగ్ పాయింట్ ఏమిటి అంటే ఈ సినిమాలో ప్రభాస్ ఎంట్రీ సీన్, ఇంటర్వెల్ ఫైట్ ఆకట్టుకుంటాయట. ఇక సెకండాఫ్ లో ఎమోషనల్ కంటెంట్ ని చూపిస్తారట. అయితే ఎక్కువ ఎలివేషన్ సీన్స్ ప్రీ క్లైమాక్స్ నుండి ఉంటాయని.. ప్రీ క్లైమాక్స్.. క్లైమాక్స్ ఈ సినిమాకి హైలెట్ అని అంటున్నారు. యాక్షన్ డోస్ ఎక్కువ అనిపించినా.. ప్రభాస్ ఫ్యాన్స్ ను, మాస్ ఆడియన్స్ ను ఈ మూవీ విపరీతంగా ఆకట్టుకోవడం ఖాయం అని వినికిడి. అంతేకాకుండా ఈ సినిమాలో పృథ్వీరాజ్ సుకుమారిన్ పాత్ర కూడా ఈ చిత్రానికే హైలెట్ గా నిలిచినట్టు చెబుతున్నారు. యాక్షన్ బ్లాక్స్, కథలో ట్విస్ట్స్, ఎమోషన్స్… అన్ని పర్ఫెక్ట్ గా కుదిరాయని ఈ చిత్రాన్ని తెగ పొగిడేస్తున్నారు యూఎస్ సినీ ప్రేక్షకులు. అయితే ఫస్ట్ హాఫ్ లో ప్రభాస్ రోల్ లేని కొన్ని సీన్లు మాత్రం కొంచెం బోరింగ్ గా ఉన్నాయని కొంతమంది అంటున్నారు. ఆ కొన్ని సీన్లు తప్ప మిగతా సినిమా అంతా సూపర్ అని పోస్టులు పెడుతున్నారు.




ఇక ఈ సినిమా గురించి ఉమైర్ సంధు తన ట్విట్టర్ అకౌంట్ లో మొదటి రివ్యూ ఇచ్చారు.’ఫస్ట్ రివ్యూ సాలార్ : ఇది మూడు ఏస్‌లతో ఫుల్ ఎంటర్‌టైనర్ - ప్రభాస్ మునుపెన్నడూ లేని విధంగా కనిపిస్తారు. స్టైలిష్ యాక్షన్  BGM ఈ సినిమాకి హైలైట్.  మాస్‌తో ఆడుకునే విషయంలో ప్రభాస్ బాస్. అతనిని నిరూపించుకోవడానికి ఈ పాత్ర చాలా అవకాశాలను అందిస్తుంది’ అన్నారు. 


 



మొత్తం పైన ఎన్నో సంవత్సరాల తర్వాత రెబల్ స్టార్ కి ఒక సూపర్ హిట్ వచ్చింది అన్న సంగతి ఈ ట్విట్టర్ రివ్యూలు చూస్తుంటే అర్థమైపోతోంది. ఇక బాక్స్ ఆఫీస్ దగ్గర ఈ సినిమా ఎలాంటి సెన్సేషన్ క్రియేట్ చేస్తుందో తెలియాలి అంతే మాత్రం మరి కొద్ది రోజులు వేచి చూడాలి.


 



Also read: CM Revanth Reddy Tour: ఇవాళ సీఎం రేవంత్ రెడ్డి ఢిల్లీ పర్యటన, మోదీని కలిసే అవకాశం, త్వరలో కేబినెట్ విస్తరణ


Also read: SRH New Captain: ఆరెంజ్ ఆర్మీ కెప్టెన్ మార్పు ? అందుకే అతడిని అంత ధరకు కొనుగోలు



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  


ఆండ్రాయిడ్ లింక్ - https://bit.ly/3P3R74U


ఆపిల్ లింక్ - https://apple.co/3loQYe 


Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి