Pushpa Pre Release Event: ‘పుష్ప’ ప్రీ-రిలీజ్ ఈవెంట్ కు రంగం సిద్ధం.. వేడుక ఎప్పుడంటే?

Pushpa Pre Release Event: ఐకాన్​ స్టార్​ అల్లు అర్జున్​, దర్శకుడు సుకుమార్​ కాంబినేషన్​లో తెరకెక్కుతోన్న హ్యాట్రిక్​ చిత్రం 'పుష్ప' (Pushpa Movie Updates). ఇప్పటి వరకు వీరిద్దరి కాంబోలో విడుదలైన సినిమాలు సూపర్​ హిట్లుగా నిలిచాయి. ఈ నేపథ్యంలో వీరి మూడో చిత్రం 'పుష్ప'పై ప్రేక్షకులలో భారీ అంచనాలు నెలకొన్నాయి. 

ఎర్ర చందనం స్మగ్లింగ్ బ్యాక్‌డ్రాప్‌లో నడిచే ఈ సినిమాలో అల్లు అర్జున్ (Allu Arjun News) లారీ డ్రైవర్ పుష్ప రాజ్ పాత్రలో కనిపించనున్నారు. ఈ సినిమాను రెండు పార్ట్స్​గా తెరకెక్కిస్తుండగా.. మొదటి భాగమైన 'పుష్ప ది రైజ్​'ను డిసెంబరు 17న థియేటర్లలో విడుదల (Pushpa Movie Release Date) చేయనుంది చిత్రబృందం. రిలీజ్​ డేట్​ దగ్గరు పడనుండడం వల్ల సినిమా ప్రమోషన్స్​లో జోరు చూపిస్తున్నారు. 

ఈ నేపథ్యంలో సినిమా ప్రీ-రిలీజ్ ఈవెంట్ ను డిసెంబరు 12న నిర్వహించనున్నట్లు చిత్రబృందం ప్రకటించింది. హైదరాబాద్ లోని యూసఫ్ గూడ పోలీస్ గ్రౌండ్స్ లో ఈ వేడుకను నిర్వహించనున్నట్లు స్పష్టం చేశారు. అయితే ఈ ఈవెంట్ కు మెగా పవర్ స్టార్ రామ్ చరణ్ ఛీఫ్ గెస్ట్ గా రానున్నారని టాలీవుడ్ లో గుసగుసలు వినిపిస్తున్నాయి. అయితే ఈ విషయంపై చిత్రబృందం క్లారిటీ ఇవ్వలేదు.

పాన్​ ఇండియా సినిమాగా తెరకెక్కుతున్న ఈ సినిమాను తెలుగు, హిందీ. తమిళ, మలయాళ, కన్నడ భాషల్లో డిసెంబర్ 17న  ప్రపంచవ్యాప్తంగా విడుదల చేయనున్నారు.
మైత్రి మూవీ మేకర్స్ బ్యానర్ (Mytri Movie Makers Banner) పై నిర్మిస్తున్న ఈ చిత్రంలో అల్లు అర్జున్ సరనస రష్మిక మందన (Rashmika Mandanna) హీరోయిన్‌గా నటిస్తుండగా.. ఫహాద్ ఫాజిల్ ప్రతినాయకుడి పాత్రలో నటిస్తున్నారు. వీళ్లే కాకుండా యాంకర్ అనసూయ (Anchor Anasuya), సునీల్ తదితరలు ప్రధాన పాత్రల్లో కనిపించనున్నారు.  

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

Apple Link - https://apple.co/3loQYe