Ram Charan For Salman Khan: సల్మాన్, వెంకీ కోసం రామ్ చరణ్‌.. లుంగీతో స్టెప్పులు.. ఇదేం డ్యాన్స్‌రా బాబు

Kisi Ka Bhai Kisi ki Jaan Yentamma Song: సల్మాన్ ఖాన్, వెంకటేష్, పూజా హెగ్డే, భూమికలు కలిసి నటించిన చిత్రం కిసీ కా భాయ్ కిసీ కా జాన్. ఈ మూవీని సౌత్‌లోనూ ఎక్కువ మార్కెటింగ్ చేయాలనే ఉద్దేశంతో వెంకటేష్‌ను తీసుకున్నట్టుగా కనిపిస్తోంది. ఇక ఈ సినిమాకు మరింత బూస్టప్ ఇచ్చేందుకు ఓ స్పెషల్ సర్ ప్రైజ్‌ను ఇప్పించారు. ఈ సినిమాలోని ఏంటమ్మా అనే పాటలో రామ్ చరణ్‌ స్పెషల్‌ అప్పియరెన్స్ ఇచ్చాడు. సల్మాన్, చరణ్‌, వెంకీమామ కలిసి స్టెప్పులు వేశారు. వీటికి సంబంధించిన వీడియోలు, ఫోటోలు నెట్టింట్లో వైరల్ అవుతున్నాయి.

రామ్ చరణ్ స్పెషల్ అప్పియరెన్స్ ఇస్తున్నాడు.. పంచెకట్టు, లుంగీ వంటివి కట్టుకుని రామ్ చరణ్‌ కనిపిస్తుంటే.. ఏ రేంజ్‌లో స్టెప్పులు ఆశిస్తారో ప్రత్యేకంగా చెప్పాల్సిన పని లేదు. కానీ అక్కడున్నది సల్మాన్, వెంకీమామ కాబట్టి.. అంత భారీ స్టెప్పులు కంపోజ్ చేయలేదేమోనని అనుకోవచ్చు. అయితే మరీ నాసిరకంగా ఈ స్టెప్పులు ఉండటంతో అభిమానులు పెదవి విరుస్తున్నారు.

ఆ పంచెను పైకి లేపడం, కట్టడం, ఊపడం చేయడం తప్పా ఇంకో మూమెంట్ కొత్తగా వేయించలేదు. ఇక రామ్ చరణ్‌ సల్మాన్ ఖాన్ వెంకటేష్‌లు కలిసి కనిపించారనే విషయం తప్పా.. ఈ పాట గానీ, రామ్ చరణ్‌ స్పెషల్ మూమెంట్స్ వేశాడని గానీ అనిపించలేదు. సల్మాన్ ఖాన్, పూజా హెగ్డే, రామ్ చరణ్‌, వెంకటేష్‌లు ఈ పాటలు రొటీన్‌గానే కనిపించారు. దీంతో ఇదేం పాట.. ఇదేం స్టెప్పులు అంటూ జనాలు తలపట్టేసుకుంటున్నారు.

అసలే సల్మాన్ ఖాన్ దారుణమైన స్థితిలో ఉన్నాడు. డిజాస్టర్ల మీద డిజాస్టర్లు ఇస్తున్నాడు. సల్మాన్ ఖాన్ చివరగా రాధే సినిమాతో వచ్చాడు. బాక్సాఫీస్ వద్ద బోల్తా పడ్డాడు. అయితే సల్మాన్ ఖాన్ స్పెషల్ అప్పియరెన్స్ ఇస్తూ చేసిన పఠాన్ సినిమా బాక్సాఫీస్ వద్ద సంచలన విజయం సాధించింది. అయితే అది పూర్తిగా షారుఖ్‌ మేనియా వల్లే అయిందని అంతా అంటుంటారు. కానీ షారుఖ్, సల్మాన్ అలా కనిపించడంతో ఫ్యాన్స్‌కు కిక్కిచ్చినట్టు అయింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.