Game Changer Songs: రామ్‌చరణ్‌ `‘గేమ్‌ఛేంజర్`’నుంచి సాంగ్ లీక్ .. ఆందోళనలో మూవీటీమ్?

Game Changer Song leak: గ్లోబల్ స్టార్ రామ్‌చరణ్‌ (Ram Charan), స్టార్ డైరెక్ట‌ర్ శంక‌ర్(Shanker) కాంబోలో తెరకెక్కుతున్న సినిమా ‘'గేమ్‌ఛేంజర్‌'(Game Changer).  దిల్‌రాజు భారీ బడ్జెట్ తో నిర్మిస్తున్న ఈ మూవీలో బాలీవుడ్ బ్యూటీ కియారా అద్వానీ (Kiara Adwani) హీరోయిన్ గా నటిస్తోంది. ఈ మూవీలో రామ్ చరణ్ డ్యూయల్ రోల్ లో నటిస్తున్నాడు. తాజాగా ఈ మూవీ నుంచి ఓ సాంగ్ లీకైనట్లు నెట్టింట వార్తలు హల్ చల్ చేస్తున్నాయి. గత కొన్ని రోజులుగా ఫ్యాన్స్ ఈ మూవీ మ్యూజికల్ అప్ డేట్ గురించి ఎదురుచూస్తున్నారు. ఆఫీషియల్ అనౌన్స్ రాకముందే పాట లీకవడంతో రామ్‌చరణ్‌ ఫ్యాన్స్ ఆగ్రహం వ్యక్తం చేస్తున్నారు. కొందరు సాంగ్ బాగుందని ఆనందం వ్యక్తం చేస్తున్నారు. 

పొలిటిక‌ల్ థ్రిల్లర్‌గా రాబోతున్న ఈ సినిమాలో ఎస్‌జే సూర్య, అంజలి, స‌ముద్రఖని, జ‌య‌రాయ్‌, నవీన్‌ చంద్ర, శ్రీకాంత్‌, సునీల్ తదితరులు కీ రోల్స్ లో నటించారు. కార్తీక్ సుబ్బరాజు కథను అందించగా.. సాయిమాధ‌వ్ బుర్రా డైలాగ్స్ రాశారు. ఈ చిత్రానికి ఎస్ ఎస్‌ థమన్ సంగీతం అందిస్తున్నాడు. ఈ చిత్రాన్ని శ్రీ వెంక‌టేశ్వర క్రియేష‌న్స్ బ్యాన‌ర్‌పై దిల్‌ రాజు హై బడ్జెట్‌తో నిర్మిస్తున్నారు. ఈ మూవీని తెలుగు, తమిళం, హిందీ భాషల్లో విడుదల చేయనున్నారు మేకర్స్. 

ఈ మూవీ షూటింగ్ ఇప్పటికే 50 శాతం పూర్తయినట్లు తెలుస్తోంది. గత కొంత కాలంగా ఈ సినిమా చిత్రీకరణ జరగట్లేదు. మరోవైపు శంకర్ కమల్‌హాసన్‌ ‘ఇండియన్‌ 2’చిత్రాన్ని కూడా తెరకెక్కిస్తున్నాడు. ప్రస్తుతం ఈ మూవీ షూటింగ్ కూడా శరవేగంగా జరుగుతుంది. అయితే ఈ రెండు సినిమాల్లో ఏ మూవీ ముందుగా విడుదల అవుతుందనేది ఇప్పుడు మిలియన్‌ డాలర్ల ప్రశ్న. ఈ రెండు చిత్రాలపై ఆడియెన్స్ లో భారీ అంచనాలు ఉన్నాయి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.