RRR box office collection Day 3: ఆర్ఆర్ఆర్ మూవీ ఆదివారం నాటి కలెక్షన్స్ అదుర్స్

RRR box office collection Day 3: యంగ్​ టైగర్ ఎన్​టీఆర్​, మెగా పవర్​స్టార్​ రామ్​ చరణ్​ హీరోలుగా.. జక్కన రాజమౌళి తీసిన.. 'ఆర్​ఆర్​ఆర్​' మూవీ థియేటర్లలో మూడో రోజూ రికార్డులు సృష్టించింది. పైగా మూడో రోజు ఆదివారం కావడంతో సినిమా చూసేందుకు పెద్ద ఎత్తున ప్రేక్షకులు ఆసక్తి చూపారు.

కొన్ని సినీ నివేదికల ప్రకారం.. ప్రపంచవ్యాప్తంగా వివిధ సెంటర్లలో 'ఆర్​ఆర్​ఆర్​' మూవీ మొదటి రోజు కంటే ఆదివారమే ఎక్కువ వసూళ్లు నమోదైనట్లు తెలిసిది.

సినీ విశ్లేషకులు రమేశ్​ బాల ప్రకారం.. హిందీలో ఆదివారం ఒక్క రోజే ఆర్​ఆర్​ఆర్​ మూవీ రూ.30 కోట్ల నెట్​ రాబట్టినట్లు తెలిసింది.

ఉత్తర అమెరికాలో ఈ మూవీ మార్చి 23 నుంచి 27 మధ్య 11 మిలియన్ డాలర్లు (రూ.83 కోట్లు) వసులు చేసింది.

ఇక మార్చి 25 నుంచి 27 మధ్య.. అమెరికా, కెనడాల్లో హాలీవుడ్ సినిమాలు ది లాస్ట్ సిటీ 31 మిలియన్​ డాలర్లు రాబట్టి మొదటి స్థానంలో నిలిచింది. రెండో స్థానంలో 19 మిలియన్ డాలర్ల వసూళ్లతో ది బ్యాట్​మ్యాన్ ఉండగా.. ఆర్​ఆర్​ఆర్ మూడో స్థానంలో నిలిచిందని రమేశ్ బాల ట్వీట్ చేశారు.

ఇక దక్షిణాది రాష్ట్రాల్లో (తెలుగు మినహా) ఆర్​ఆర్​ఆర్​ భారీ వసూళ్లు రాబడుతున్నట్లు తెలుస్తోంది. రెండో రోజు ఈ మూవీ చెన్నైలో రూ.1.23 కోట్ల గ్రాస్​ రాబట్టినట్లు సినీ విశ్లేషకులు చెబుతున్నారు.

ఆర్​ఆర్​ఆర్ మూవీ​ గురించి..

ఆర్​ఆర్​ఆర్​ మూవీలో ఎన్​టీఆర్​ కొమురం భీమ్​గా కనిపించగా.. రామ్ చరణ్​ అల్లూరి సీతారామరాజుగా నటించారు. బ్రిటీష్ పాలనపై.. కల్పిత కథతో తీసిన మూవీ ఇది. ఈ మూవీని దాదాపు రూ.500 కోట్ల బడ్జెట్​తో డీవీవీ దానయ్య తెరకెక్కించారు. ఇక ఈ మూవీలో భారీ తరాగణం నటిచింది. బాలీవుడ్​ బ్యూటీ ఆలియా భట్​ హీరోయిన్​గా నటించారు. బాలీవుడ్ సీనియర్ హీరో అజయ్ దేవ్​గన్​ సహా, సముద్రకని, శ్రియాలు కీలక పాత్రల్లో కనిపించారు. నిజానికి ఈ మూవీ ఎప్పుడో విడుదలవ్వాల్సి ఉంది. అయితే కొవిడ్ కారణంగా వాయిదా పడుతూ.. ఎట్టకేలకు మార్చి 25న ప్రేక్షకుల ముందుకు వచ్చి హిట్​ టాక్ సొంతం చేసుకుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. 

Android Link - https://bit.ly/3hDyh4G

Apple Link - https://apple.co/3loQYe