Salman Khan Dance : నవ్వులపాలవుతున్న సల్మాన్.. ఆ డ్యాన్స్‌లకు దండం పెట్టేస్తోన్న నెటిజన్లు

Salman Khan Dance Trolls సల్మాన్ ఖాన్, ఆమిర్ ఖాన్, షారుఖ్ ఖాన్ ఇలా ఎంత పెద్ద తురుమ్ ఖాన్ అయినా కూడా సోషల్ మీడియాలో ట్రోలింగ్‌కు గురి కావాల్సిందే. ఆమిర్ ఖాన్ లాల్ సింగ్ చద్దా సినిమాతో ట్రోలింగ్‌ ఎదుర్కొన్నాడు. ఇక ఆయన పర్సనల్ విషయాలు, విడాకులు, ఫ్యామిలీ ఫోటోల మీద దారుణమైన నెగెటివ్ కామెంట్లు వస్తుంటాయి. షారుఖ్ ఖాన్ మీద ఇది వరకు ఎన్నో ట్రోల్స్ వచ్చాయి. పఠాన్ సినిమా అంతో ఇంతో షారుఖ్‌ని నిలబెట్టేసింది.

సల్మాన్ ఖాన్ తాజాగా నెట్టింట్లో ట్రోలింగ్‌కు గురవుతున్నాడు. మామూలుగా ఆ మధ్య సల్మాన్ ఖాన్ స్టెప్పులు వైరల్ అయ్యాయి. కాళ్ల నొప్పులు ఉన్నట్టుగా.. కొత్త ప్యాంట్ కొంటే టెస్ట్ చేసినట్టుగా ఆ స్టెప్పులు ఏంటి? సల్మాన్‌ను ట్రోల్ చేశారు. మొన్న సల్మాన్, వెంకీ, రామ్ చరణ్‌ కలిసి వేసిన స్టెప్పులు వైరల్ అయ్యాయి. లుంగీకి, ధోతికి తేడా లేకుండా చేశారంటూ ట్రోల్స్ వేశారు.

ఇప్పుడు సల్మాన్ ఖాన్‌ తాజాగా నెగెటివ్ కామెంట్లకు గురవుతున్నాడు. సల్మాన్ వేసిన వింత స్టెప్పులు చూసి జనాలు నవ్వుకుంటున్నారు. సల్మాన్ ఖాన్ వేసే మూమెంట్స్ ఎప్పుడూ కామెడీగానే ఉంటాయన్న విషయం తెలిసిందే. అంతగా డ్యాన్స్ రాని సల్మాన్‌ ఏదో కష్టపడి తనకు వచ్చిన స్టెప్పులనే తిప్పి తిప్పి వేస్తాడు. ఇప్పుడు కిసీ కా భాయ్ కిసీ కా జాన్ సినిమాలోనూ అవే స్టెప్పులు వేశాడు.

ఈ సినిమాను తమిళంలో వచ్చిన వీరమ్‌కు రీమేక్ అని అంటున్నారు. ఇదే సినిమాను తెలుగులో కాటమరాయుడు అని పవన్ కళ్యాణ్‌ రీమేక్ చేసిన సంగతి తెలిసిందే. అయితే మరి సల్మాన్ తీసిన ఈ చిత్రం ఆ సినిమాకు రీమేకా? కాదా? అన్నది ఇంకో రెండు మూడు రోజుల్లో తేలనుంది. ఈ సినిమాను ఏప్రిల్ 21న రిలీజ్ కాబోతోన్న సంగతి తెలిసిందే.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.