Yashoda Movie Copied : యశోదపై ట్రోలింగ్.. దొరికిపోయిన దర్శకులు.. సమంతకు ఎంత కష్టమొచ్చే

Samantha Yashoda Movie Copied : సమంత యశోద సినిమాకు మంచి టాక్ వచ్చింది. రివ్యూలు కూడా బాగానే వచ్చాయి. ఆడియెన్స్ సినిమాకు మంచి టాక్ స్ప్రెడ్ చేస్తున్నారు. సమంతకు సరైన సమయంలో మంచి హిట్ పడింది. అసలే సమంత ఇప్పుడు అనారోగ్యంతో బాధపడుతోంది. లేవలేని స్థితిలో సమంత ఉంది. అయినా కూడా సమంత ఈ సినిమా కోసం ప్రమోషనల్ ఇంటర్వ్యూ చేసింది. సమంత పడ్డ కష్టానికి తగ్గ ప్రతిఫలం అయితే దక్కింది. సినిమాకు పాజిటివ్ టాక్ వచ్చింది. సమంత నటనకు వందకు వంద మార్కులు పడ్డాయి.

కానీ సమంతకు కలెక్షన్లు వస్తాయా? లాభాలు వస్తాయా? అన్నది చెప్పలేం. ఇది పూర్తిగా ఏ క్లాస్ మూవీ, మల్టీ ప్లెక్స్ ఆడియెన్స్ చూసేందుకు మాత్రమే సెట్ అవుతుందనిపిస్తోంది. ఇక ఓటీటీకి అయితే పక్కా యాప్ట్ చిత్రమన్నట్టుగా కనిపిస్తోంది. ఇదంతా ఇప్పుడు పక్కన పెడితే.. యశదో సినిమా కాపీ అని నెటిజన్లు పసిగట్టేస్తున్నారు. ఇంగ్లీష్ చిత్రాలైన లెవెల్ 16, ది ఐలాండ్‌ల నుంచి కథ, కథనాన్ని కాపీ కొట్టేశారని అంటున్నారు.

లెవెల్ 16 సినిమాలోని కొన్ని సీన్లను ఉన్నది ఉన్నట్టుగా తీశారని అంటున్నారు. ఈవా సెంటర్‌లో జరిగే సీన్లు సేమ్ ఉన్నాయని లెవెల్ 16 ట్రైలర్ చూస్తే అర్థమవుతోంది. ఇక ది ఐల్యాండ్ చిత్రం ట్రైలర్ చూసినా యశోద సీన్స్ గుర్తుకు వస్తున్నాయి. కొన్ని సీన్లను కాపీ కొట్టేశారని, ప్లాట్ కూడా అదే అని నెటిజన్లు అంటున్నారు.

సినిమాను చూసి ఇన్ స్పైర్ అవ్వడం వేరు అని, కాపీ కొట్టడం వేరు అని ఇంకొంత మంది నెటిజన్లు యశోదకు సపోర్ట్ చేస్తున్నారు. మరి దర్శకుడు హరి అండ్ హరీష్‌ అయితే ఈ సినిమా ఇన్‌స్పిరేషన్ అని గానీ ఎక్కడా చెప్పలేదు. మరి ఈ కాపీ అండ్ ఇన్‌స్పిరేషన్ ట్రోల్స్ మీద హరి అండ్ హరీష్‌ టీం స్పందిస్తుందో లేదో చూడాలి. కానీ సమంతకు మాత్రం యశోద హిట్ అవ్వాల్సిందే. ఇలాంటి వాటి వల్ల సమంత కష్టానికి తగ్గ ప్రతిఫలం కలెక్షన్ల రూపంలో రాకుండా పోతుందో ఏమోనని అభిమానులు అనుకుంటున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.